Հարգանքի տուրք` Հայրենականում զոհված հերոսների հիշատակին (Տեսանյութ)

«Ուժեղ Հայաստան Ռուսաստանի հետ. հանուն նոր Միության» շարժման անդամները` համախոհների, մի շարք հասարակական, քաղաքական, մշակութային գործիչների, կուսակցությունների ղեկավարների եւ գիտնականների հետ միասին այցելեցին Հաղթանակի զբոսայգի եւ Անմար կրակի մոտ հարգանքի տուրք մատուցեցին Հայրենական մեծ պատերազմում զոհված հերոսների հիշատակին: Եվ, իհարկե, չմոռացան նաեւ Շուշիի ազատագրման մասին: Բացի այն, որ շարժման երթի ժամանակ ծածանվում էր Արցախի դրոշը, ՍԻՄ կուսակցության նախագահ, շարժման գործադիր կոմիտեի անդամ ՀԱՅԿ ԲԱԲՈՒԽԱՆՅԱՆԸ հատուկ ընդգծեց. «Դավաճանները մի օր հեռանալու են, եւ մենք, մինեւնույն է, կրկին ազատագրելու ենք Շուշին»:

Հատկանշական էր այն, որ շատերի ձեռքում Հայրենական մեծ պատերազմում զոհված իրենց պապերի ու հարազատների լուսանկարներն էին: Շարժման անդամները մինչ Անմար կրակի մոտ ծաղկեպսակ կդնեին եւ ծաղիկներ կխոնարհեցնեին` մեծ հաղթանակն ու պատմական հիշողությունը խորհրդանշող Գեորգիեւյան ժապավաններ բաժանեցին քաղաքացիներին:

Ի դեպ, պատերազմի բովով անցած թե՛ վետերանները, թե՛ ազատամարտիկները Հաղթանակի զբոսայգում մոտենում էին Հ. Բաբուխանյանին եւ ողջունում «Ուժեղ Հայաստան Ռուսաստանի հետ. հանուն նոր Միության» գաղափարը:

ՀՐԱՆՏ ՍԱՐԱՖՅԱՆ

Այս թեմայով Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Լեւոն Արոնյանը` Ֆիշերի շախմատի աշխարհի չեմպիոն... Ադրբեջանից Վրաստանի տարածքով Հայաստան է ժամանել նավթամթերքով բեռնված գնացքը Դուք զբաղված եք մարդկանց մոլորեցնելով, ոչ թե մտահոգ եք երկրի հզորացմամբ և խաղաղության հաստատմամբ Հայկ Կոնջորյանը նիստերի դահլիճում էլ է անձնական օգնական պահում, որ ավել չքայլի. «Հրապարակ»