Սամվել Բաբայանը չի ընդունում իրավապահների կասկածանքը. փաստաբան

Լեռնային Ղարաբաղի Պաշտպանության բանակի նախկին հրամանատար Սամվել Բաբայանի հարցաքննությունն ավարտվել է: Այս մասին հայտնել է նրա փաստաբան Ավետիս Քալաշյանը: Հարցաքննությունն ավարտվել է եւ այն կարճ է տեւել:

Հիշեցնենք, որ` Բաբայանը ձերբակալվել է մաքսանենգ ճանապարհով «Իգլա»-ի` Հայաստան տեղափոխել պատվիրելու կասկածանքով: Երեկ ԱԱԾ լրատվական կենտրոնը տեղեկություն էր տարածել, թե օրերս ՀՀ Ազգային անվտանգության ծառայությունում նախնական տեղեկություններ են ստացվել ՀՀ քաղաքացիների կողմից Վրաստանի Հանրապետությունից մաքսանենգ եղանակով Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու մասին։ Ձեռնարկված քննչական գործողությունների և օպերատիվ-հետախուզական միջոցառումների արդյունքում հայտնաբերվել և առգրավվել է «Իգլա» տեսակի զենիթա-հրթիռային համալիրի արձակման խողովակ՝ «9M39» հրթիռով։ Հավելենք, որ դեպքի առթիվ 2017թ. մարտի 22-ին ՀՀ Ազգային անվտանգության ծառայության քննչական վարչությունում ՀՀ քրեական օրենսգրքի 235-րդ 2-րդ մասի և 235.1-րդ  հոդվածի 2-րդ մասի 1-ին կետի հատկանիշներով հարուցվել է քրեական գործ։ 

Հիշեցնենք, նաեւ, որ 17 տարի առաջ Բաբայանի՝ պաշտպանության նախարարի պաշտոնից հեռացվելուց հետո՝  2000 թվականի մարտի 22-ին, նախագահ Արկադի Ղուկասյանի դեմ մահափորձ  տեղի ունեցավ, այդ գիշերը ձերբակալեց Սամվել Բաբայանը: 

Որոշ տեղեկությունների համաձայն Բաբայանը մտադրություն է ունեցել մահափորձ կատարել ՀՀ նախագահ Սերժ Սարգսյանի դեմ:

Հիշեցնենք, որ Արկադի Ղուկասյանի դեմ մահափորձ կատարելու համար նա դատապարտվել էր 14 տարի ազատազրկման: 4.5 տարի անց նրան ներում էր շնորհվել:

Այս թեմայով Ուկրաինացիները ընդունում են, որ, ի վերջո, կկորցնեն Դոնեցկը.Վենս Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Բաքվի դատարանում շարունակվում է կեղծ դատավարությունը Սիոն Սրբազանն ընդունում է Գարեգին Երկրորդին որպես Հայրապետ Համադասարանցիների հերթական ծեծը