Ան ասա, որ Շուշիս հետ ենք բերելու, էդ ինձ կվերակենդանացնի․ Շուշիի ազատագրման հրամանատար Կոմանդոսի վերջին խոսքերը․ Բացառիկ զրույց

Հանդիպում 6 Մայիս, 2023 9:24

«Շուշին հանձնելուց հետո Կոմանդոսը մռայլվեց, տխրեց։ Նա շատ մեծ ցավ էր ապրում։ Պատերազմի ամբողջ ընթացքում մենք միասին էինք, ռազմաճակատ էինք ուղարկում անհրաժեշտ իրեր, հետևում դեպքերի զարգացմանը, բազմաթիվ տեղեկություններ էինք ստանում։ Արկադի Իվանովիչը հավատում էր հաղթանակին և չէր կարող պատկերացնել, թե ինչպես կարող էր ընկնել Շուշին։ Նա կարող էր պատկերացնել ամեն ինչ, բայց ոչ Շուշիի հանձնումը։ Նա չէր կարող պատկերացնել՝ ինչպես հայը կարող է հանձնել այդ քաղաքը։ Շուշիի հետ կապված իրավիճակը մեծ հարված էր նրա համար»,- «Իրավունքի» խնդրանքով վերհիշելով 1992թ․ Շուշիի ազատագրման հրամանատար Հայաստանի Ազգային հերոս, Արցախի հերոս, լեգենդար հրամանատար Կոմանդոսի վերջին զրույները ասաց Արցախյան պատերազմի միակ կին հրամանատար Անահիտ Մարտիրոսյանը, ապա հուզմունքը զսպելով շարունակեց․

-Կոմանդոսը երկար վերլուծում էր Շուշիի կորստի հետ կապված իրավիճակը, և հստակ որոշել էր իր համար․ ադրբեջանցիները չեն գրավել քաղաքը, քաղաքը հանձնել են։ Այդ մտքից նա էլ ավելի ցավոտ ու ծանր ապրումներ էր ունենում։ Ամենադաժան լուսաբացը նոյեմբերի 10-ին էր, այդ օրը Արկադի Իվանովիչը հոգեպես մահացավ․․․Վերջին օրերին ասում էր․ Ան ասա, որ Շուշիս հետ ենք բերելու, էդ ինձ կվերակենդանացնի․․․

ԻԼՈՆԱ ԱԶԱՐՅԱՆ

https://iravunk.com/sim/?p=254950&l=am/