Մենք կարող ենք օգտվել, երբ Թուրքիան ու Ռուսաստանը հայտնվում են հակադիր բեվեռներում. Հովհաննիսյան

Հայաստանի արտաքին ու ներքին քաղաքական կյանքում ի՞նչ կարող են փոխել Թուրքիայի նախագահական ընտրությունները, եթե ոչ թե Էրդողանը վերընտրվի, այլ՝ ընդդիմության թեկնածուն, «Իրավունքը» պարզեց թուրք-քրդական հարցերով մասնագետ, ռազմական փորձագետ ԿԱՐԵՆ ՀՈՎՀԱՆՆԻՍՅԱՆԻ տեսակետը:

— Պետք է նախ հասկանանք, թե տվյալ պահին ով է Թուրքիայի իշխանությունը եւ ընդդիմությունը՝ ելնելով այն հանգամանքից, որ Էրդողանը Թուրքիայի ողջ պատմության ընթացքում ամենաանկախ նախագահն է: Կարելի է ասել, որ նա արտաքին ու ներքին անկախ քաղաքականություն է վարում եւ դա անում է՝ հօգուտ Թուրքիայի՝ միջազգային հանրության շրջանակում երկրի դերակատարությունը բարձրացնելով, իսկ տարածաշրջանում եւ տարածաշրջանից դուրս՝ ռազմական ներկայացվածությունը: Ինչու ոչ, նաեւ առանձին ալյանսներ, այդ թվում՝ ռազմական ու քաղաքական, ստեղծելու ճանապարհին է Թուրքիան, դրա վառ օրինակն է թյուրքալեզու պետությունների միությունը եւ Թուրան ռազմական ալյանսի ստեղծումը, որի հիմքը դրվել է թուրք-ադրբեջանական տանդեմը, երբ Արցախի նկատմամբ պատերազմ իրականացրին: Եթե նայում ենք ընդդիմադիր գործչին՝ «Ազգային դաշինքի» միասնական թեկնածու Քեմալ Քըլըչդարօղլուին, ապա վստահորեն կարող ենք ասել, որ Արեւմուտքի դրածոն է: Եվ տվյալ դեպքում, եթե դրածոն գա իշխանության, ապա ամբողջությամբ չի սպասարկելու Թուրքիայի շահերը, այլ սպասարկելու է այդ տարածաշրջանում այլ գերտերության շահերը: Այս դեպքում հակասություն կառաջանա Թուրքիայի ու Ռուսաստանի միջեւ, այստեղից բխում են նաեւ մեր շահերը: Մենք կարող ենք օգտվել, երբ Թուրքիան ու Ռուսաստանը նույն կաթսայում չեն, այլ հայտնվում են տարբեր հակադիր բեւեռներում: Այդ դեպքում՝ ակամայից Հայաստանի դերակատարումը տարածաշրջանում բարձրանում է՝ որպես Ռուսաստանի համար կարեւոր ռազմավարական դաշնակից եւ գործընկեր: Նման զարգացումների պարագայում կարելի է ենթադրել, որ հնարավոր է մենք ժամանակ շահենք եւ ունենանք մեզ համար բարենպաստ պայմաններ՝ թե՛ Արցախի հարցի լուծման առումով եւ թե՛ ընդհանրապես մեջտեղից հանելով «Զանգեզուրյան միջանցք» կոչված տերմինը:

Ս. ԱՍԱՏՐՅԱՆ

Այս թեմայով Ռուսական կողմը վերահսկողություն է հաստատել ևս 3 բնակավայրի նկատմամբ «Սրբապիղծնե՛ր, շատ լավ երևում է, թե որտեղից է փչում այդ թունավոր քամին». հերոսի հոր` Արտակ Հովհաննիսյանի գրառումը «Միասնական Ռուսաստանը» ռեկորդային թվով մանդատներ է ապահովել Պետդումայի ընտրություններում Նախկին վարչապետի ընտանիքը սգում է Այսօր 44-օրյա պատերազմում զոհված Ալբերտ Հովհաննիսյանի ծննդյան օրն է