Որդիս՝ Արթուր Մարկոսյանցը, անհետացել է, խնդրում եմ օգնեք. Անժելա Բոլոտովա

«Իրավունքն» անդրադարձել էր, որ ապրիլի 28-ին առեղծվածային դեպք է տեղի ունեցել «Սեւան» ՔԿՀ-ի հենց առջեւում: Բանտից ազատված ՌԴ քաղաքացի 36-ամյա Արթուր Էդուարդի Մարկոսյանցին հարազատներն այդպես էլ չեն կարողացել տուն տանել: Հորեղբայրը տեսել է, թե ինչպես են Ա. Մարկոսյանցին հանձնում իրերը, նա նույնիսկ ձեռքով է արել: Սակայն տեւական ժամանակ սպասելուց հետո, երբ հարցրել են ՔԿՀ-ից, թե որտեղ է նա, պատասխանել են, որ սեւ ապակիներով երկու մեքենա մոտեցել են ու տարել Երեւան: Մինչ այս պահը անհայտ է, թե որտեղ է գտնվում Ա. Մարկոսյանցը:

Ա. Մարկոսյանցի մայրը՝ ԱՆԺԵԼԱ ԲՈԼՈՏՈՎԱՆ դիմել է ՀՀ արտաքին գործերի նախարարությանը, մարդու իրավունքների պաշտպանին, սակայն այդպես էլ որեւէ հստակ պատասխան չկա, թե ինչ է տեղի ունեցել եւ ուր են տարել իր որդուն:

«Որդիս՝ Արթուր Էդուարդի Մարկոսյանցը անհետացել է: Նրան մգեցված ապակիներով ավտոմեքենայով «Սեւանի» գաղութից տարել են անհայտ ուղղությամբ: Մինչ այժմ նրանից ոչ մի նորություն չկա: Խնդրում եմ օգնեք, գտեք որդուս: Ես մայր եմ, շատ անհանգիստ եմ, նա ունի երկու փոքրիկ աղջիկ, որոնք գիշեր-ցերեկ լաց են լինում եւ հարցնում են, թե որտեղ է նրանց հայրը։ Նա մուսուլմանների կողմից հարձակումների է ենթարկվել եւ Հայաստանից պաշտպանություն է խնդրել ու թաքնվել ՀՀ տարածքում: Փաստաբանի միջոցով դիմել է քաղաքացիության, ապաստանի համար: Օգնեք խնդրում եմ՝ պարզենք, թե ի՞նչ է պատահել նրան, ո՞ղջ է,  ի՞նչ պայմաններում է հիմա գտնվում», - այսպիսի բովանդակությամբ նամակ է հղել Ա. Մարկոսյանցի մայրը՝ Մարդու իրավունքների պաշտպան Անահիտ Մանասյանին:

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում ԾՆՈՒՆԴԴ ՇՆՈՐՀԱՎՈՐ ԱՐԹՈՒՐՍ. Մայոր Արթուր Ալավերդյանը կդառնար 34 տարեկան Մեղավորները գահին են, արդարները՝ բանտում․ այսօր ՀԱՊ կուսակցության նախագահի ծննդյան 45-ամյակն է Գնալու ենք եւ ընտրելու ենք «Միասնական Ռուսաստանը»․ Արթուր Ղազարյան