18 տարեկան տղան հանուն քրիստոնյաի զոհասեղանին դրեց իր կյանքը՝ Դուք ի՞նչ եք արել

<<Մի փոքր հարգեք էս համատարած վիշտը, եթե Դուք չեք կարողանում հարգել, թույլ տվեք ազգը կարողանա հարգել վիշտը։ Պարոն ամենակարողներ, Դուք հասկանո՞ւմ եք մենք կորցրել ենք մեր մարգարիտը՝ Շուշին, մենք կորցրել ենք մեր հույսի պատվարը, կորցրել ենք մի ամբողջ քաղաքակրթություն, այսօր Ձեր ապաշնորհ, դիլենտանտ, անկարող գործունեության շնորհիվ մենք կորցրեցինք ու շարունակում ենք կորցնել Արցախի սուրբ հողը։ Հայ զինվորը պայքարել է հանուն մարդկության, հանուն քաղաքակրթության, 18 տարեկան տղան հանուն քրիստոնյաի զոհասեղանին դրեց իր կյանքը՝ Դուք ի՞նչ եք արել, Արցախի պատերը ամրացնելու փոխարեն Ձեր կոնվեցիաներով, Ձեր նոր օրինագծերով, Ձեր նոր անգլո-սաքսոնական հովերով խփեցիք պետության հենասյուններին, խփեցիք ու շունն-թուրքի բերանը տվեցիք սուրբ հողը՝ Արցախը, Դուք էս ինչ եք անում>>,- անդրադառնալով ներկա իրողություններին, ասել է մեր գործընկեր, <<Քեզ համար զինվոր>>, <<Կյանք ու կռիվ>> նախագծերի հեղինակ եւ իրականացնող, հանրությանը հայտնի լրագրող, Newsmedia.am էլ․օրաթերթի հիմնադիր-ղեկավար Գայանե Զարգարյանը։