Իշխանությունը Թուրքիայի հետ հարաբերությունների կարգավորման ֆոնին նպատակ ունի ամեն ինչ զիջել. Դավթյան

Ադրբեջանագետ ԳԱՌՆԻԿ ԴԱՎԹՅԱՆԻ գնահատմամբ` այս իշխանությունն ամեն բան արել է, որպեսզի Հայոց ցեղասպանության ճանաչումն ամբողջ աշխարհում նվազի մի քանի փուլերով:

— Էապես նվազել է կամ գրեթե գոյություն չունի Հայաստանի այսօրվա կապիտուլացված իշխանության հետ սփյուռքի համագործակցությունը: Արգելվում է Հայ Դատի տարբեր ներկայացուցիչների մուտքը Հայաստան, որովհետեւ այդ մարդիկ դեմ են արտահայտվել կապիտուլյացված այս կառավարությանը եւ քննադատական տարբեր ելույթներ են ունեցել: Պետք չէ նաեւ բացառել, որ կա թուրքական պատվեր, համաձայն որի` պետք է արգելվի բոլոր այն հայրենասեր մարդկանց մուտքը Հայաստան, որոնք կարող են ինչ-որ գործընթացների օգուտ տալ: Կարելի է նաեւ դիտարկել մի քանի այլ խնդիրներ. oրինակ` այս տարի ապրիլի 24-ին Ծիծեռնակաբերդում կազմակերպված ժողովրդական հոսքի ժամանակ ընդհանուր լուսավորությունը: Դեռ փոքր տարիքից եմ հիշում, որ լավ է եղել, մինչդեռ այս տարի խայտառակ վատն էր: Իմ խորին համոզմամբ` դա միտումնավոր էր արված: Ինչ վերաբերում է կապիտուլյացված անձի վախերին՝ ծաղիկները ստուգելու եւ ինչ-որ բան փնտրելու գործընթացին, ուշադրություն դարձրեք, որ ջահերով երթի ավարտին, երբ մասնակիցները ծաղիկներ էին դրել հուշարձանին, այդ ծաղիկները հեռացվել էին այնտեղից: Այդ ծաղիկները հարգանքի մատուցման ձեւ են: Մարդիկ գնացել, խոնարհվել եւ ծաղիկ էին դրել: Ինչո՞ւ էին դրանք հեռացվել: Եթե կապիտուլյացվածը պետք է վախվորելով գար, ավելի լավ է` չգար, կամ գնար ամսի 25-ին, 26-ին, երբ այնտեղ քիչ մարդ է լինում: Մարդկանց հարգանքի խորհրդանիշերն այնտեղից հեռացնելը առնվազն անհարգալից վերաբերմունք է քաղաքացիների, զոհերի հիշատակի նկատմամբ: Հստակ ձեւավորված տպավորություն ունեմ, որ Հայոց ցեղասպանության ճանաչման առումով այս իշխանությունը ոչ թե նպատակ ունի միջազգային հարթակում ամրացնել Հայաստանի հիմքերը, այլ հակառակը` Թուրքիայի հետ հարաբերությունների կարգավորման ֆոնին ամեն ինչ զիջել: Այսինքն, այս իշխանությունը իշխանության է զուտ Թուրքիայի եւ Ադրբեջանի շահերը սպասարկելու համար:

Այս թեմայով Ծանրորդ Գառնիկ Չոլաքյանը դարձավ Եվրոպայի առաջնության արծաթե մեդալակիր «Հայաստան» դաշինքը կկոնսոլիդացվի՞ ամենաշատ ձայներ ստացած ընդդիմադիր ուժի շուրջ Անակնկալ չէր ցուցակի 14-րդ տեղում լինելը, էնպես չի՝ պատգամավոր դառնալու անհագուրդ ցանկություն ունեմ. Գառնիկ Դանիելյան Ըստ Կարապետյանի քաղաքական ուժի` «TRIPP նախագծից Հայաստանը կարող է շահող կողմ լինել» Ինչ եք ամբախ-զամբախ գալիս խոսում, թարախ թափում, բերաններիցդ ինչ թռնում ա, ասում եք. Դանիելյան. ՏԵՍԱՆՅՈՒԹ