Ադրբեջանին խաղաղություն պետք չէ, նրան պետք է Լեռնային Ղարաբաղը. Իսկանդարյան

«Կովկաս» ինստիտուտի տնօրեն, քաղաքագետ ԱԼԵՔՍԱՆԴՐ ԻՍԿԱՆԴԱՐՅԱՆԻ գնահատմամբ` Ադրբեջանը շտապում է` մտածելով, որ Ուկրաինայում, Թուրքիայում եւ Իրանում կամ էլ այլ վայրում իրավիճակը կարող է փոխվել: Ըստ նրա` Ադրբեջանը ցանկացած քաղաքական հնարավորության դեպքում դուրս կբերի ռուսներին Լեռնային Ղարաբաղից, ինչը ոչ թե իրավական, այլ քաղաքական հարց է:

— Այս պահին Բաքուն աշխատում է Ռուսաստանի, Արեւմուտքի, Արեւելքի եւ ընդհանրապես բոլորի հետ, որպեսզի հասնի իր նպատակին: Բոլոր խաղացողներին Ադրբեջանն ավելի շատ է պետք, քան Հայաստանը: Արեւմուտքի համար Ադրբեջանն արժեքավոր է որպես երկիր, որը գտնվում է Իրանի եւ Ռուսաստանի միջեւ: Ուստի` Արեւմուտքը ոչինչ չի պարտադրի Բաքվին: Իսկ այս ֆոնին Ադրբեջանը շարունակում է ճնշում գործադրել հայկական կողմի վրա, այդ թվում՝ ռազմական, դիսկուսիոն եւ դիվանագիտական բնույթի: Լաչինի միջանցքում ադրբեջանական անցակետը դե ֆակտո հայտնվել է դեռեւս 2022 թվականի դեկտեմբերին: Այս դերը կատարում էին Ադրբեջանի կառավարության մարդիկ, որոնք փակել էին միջանցքը: Այժմ այդ իրավիճակը կարգավորվել է եւ աշխարհագրորեն ավելի մոտ է տեղափոխվել Հայաստանին: Սա ճնշման ռազմավարություն է` անհրաժեշտ արդյունքների հասնելու համար:

— Ճնշման վերջնարդյունքում Ադրբեջանը փորձում է Հայաստանից կորզել խաղաղության պայմանագիր` իր նախապայմաններո՞վ:

— Իրավիճակը սկզբունքորեն այլ է: Ադրբեջանին խաղաղություն պետք չէ, նրան պետք է Լեռնային Ղարաբաղը: Խաղաղության պայմանագիրն այն խմբագրմամբ, որն ուզում է Բաքուն, ընդամենը հերթական նպատակին հասնելու գործիքակազմ է: Դրան կարելի է հակազդել նաեւ դիվանագիտական ձեւաչափով, դա բավարար չէ, քանի որ Ալիեւը չի պատրաստվում դրան ականջալուր լինել:

ՀՐԱՆՏ ՍԱՐԱՖՅԱՆ

Այս թեմայով Հայկական երգ ու պար, պատմություն ու ոգի՝ N78 դպրոցի բեմում Ասել, որ ՀՀ-ով է անցնում Արևելք-Արևմուտք կարճ ուղին, նույնն է ասել, թե Ադրբեջանով ու Թուրքիայով Ադրբեջանի տարածքով երկաթուղով Հայաստան կհասնի պարարտանյութի նոր խմբաքանակ Միլլի մեջլիսը դադարեցնում է իր մասնակցությունը ԵՄ-Ադրբեջան խորհրդարանական համագործակցության կոմիտեին ???? ԿԱՐԴԱԼ ԱՎԵԼԻՆ Ադրբեջանը թարմացրել է 44-օրյա պատերազմում անհետ կորածների թիվը