«Հենց Հայաստանում ենք սկսում մեր մարաթոնը». Դիմաշ Կուդայբերգենի «Stranger» համերգին մնացել են հաշված օրեր

Ապրիլի 29-ին` ժ. 19։00-ին, Մարզահամերգային համալիրում կկայանա տաղանդավոր Դիմաշ Կուդայբերգենի մենահամերգը՝ «Stranger» համաշխարհային շրջագայության ընթացքում: Վեց տարեկանից բեմ բարձրացած Դիմաշը ծնունդով Ղազախստանից է:

«Ղազախական հողը շատ բեղմնավոր ու ստեղծագործ է, եւ այս հողի վրա ծնվում են բազմաթիվ տաղանդավոր մարդիկ, որոնք հետագայում աշխարհում մեծ բարձունքներ են նվաճում ինչպես երաժշտության, այնպես էլ սպորտի, ստեղծագործական եւ այլ ոլորտներում»,- նշում է արտիստը:

Ղազախ երգիչն ամենահազվագյուտ վոկալային դիապազոնի տերն է՝ 6 օկտավա։ Խոսելով մասնագիտական հաջողություններից` նա նշում է. «Պետք է անընդհատ զարգանալ, ինչ-որ նոր բան սովորել եւ այդ ժամանակ ինչ-որ բարձունքների կհասնես: Առանց քրտնաջան աշխատանքի չես կարող լինել այնպիսին, ինչպիսին դարձել ես: Միայն տաղանդի վրա հույս դնելով՝ չես կարող հեռու գնալ»:

Արտիստի երգացանկը ներառում է յոթ լեզուներով ստեղծագործություններ՝ ղազախերեն, անգլերեն, ռուսերեն, իսպաներեն, իտալերեն, ֆրանսերեն եւ չինարեն: «Առնաու» շրջագայությունից հետո «Stranger»-ը արդեն նրա երկրորդ լայնածավալ նախագիծն է: Ղազախստանում կայանալիք պրեմիերայից հետո Հայաստանը որպես հաջորդ երկիր է ընտրվել ընթացիկ հյուրախաղերի համար:

«Հայաստանը արագ զարգացող երկիր է՝ մեծ պատմությամբ և շատ գեղեցիկ պատմական վայրերով: Եվ հենց այս երկրում մենք կցանկանայինք շոու կազմակերպել և մարդկանց ցույց տալ մեր աշխատանքը։ Ցանկում ունենք մեծ թվով երկրներ և քաղաքներ, բայց հենց Հայաստանում ենք սկսում մեր մարաթոնը։ Եվ մենք ուրախ կլինենք գեղեցիկ շոու ցուցադրել այս տարածաշրջանում»,-ասում է Դիմաշ Կուդայբերգենը:

Այս թեմայով ՇՏԱՊ. Փաշինյանը վաղ առավոտ բոլորին հավաքել է Մարզահամերգային համալիրում Ռուսաստանի Հյուսիսում կան հայի հոգու մասնիկներ 15 զինծառայողների ողջ-ողջ այրվելու գործով դատաքննությունը նոր հարցեր է առաջ քաշում Վերականգնվում է Շատիվանք վանական համալիրը և Գնդեվազի Սբ Աստվածածին եկեղեցին Արտակարգ դեպք՝ Երևանում․ կոտրել են մարզահամերգային համալիրի մուտքի դռները