Մարիա Կարապետյանը պաշտոնապես ի ցույց է դնում ՔՊ-ի հակաեկեղեցական էությունը

ՔՊ-ն՝ իր ԿԳՄՍ նախարարությունով ու պատգամավորներով անպատկերացնելի դեմարշ է սկսել Հայ Եկեղեցու դեմ: Թե որքան ազգադավ են ՔՊ-ն եւ իր առաջնորդը երկար գրելու կարիք չկա՝ սկսած սաղմոսերգու վարչապետից, ով իրեն համեմատում էր Պապ թագավորի հետ վերջացրած Թուրքիայում մեծ գիտելիքներ կուտակած Մարիա Կարապետյանով, ով այսօր Ազգային ժողովի բարձր ամբիոնից «հոգեւոր ինտիլեկտուալ» ելույթ էր ունենում: Վերջինս տարրական գիտելիքների բացակայության արդյունքում՝ մատաղի բարեպաշտական սովորութունը դարձրեց ազգային եկեղեցական ավանդույթ:

Ըստ Մ. Կարապետյանի, Հայ Եկեղեցին լինելով կարեւոր ինստիտուտ՝ դարեր շարունակ իր վրա է վերցրել պետության ղեկավարման եւ գոյատեւման կարեւոր հարցը ու իներցիայով սովորել է դրան, բայց այսօր եկել է իրենց, այսինքն՝ ՔՊ պետության ժամանակը: Պատգամավորի խոսքով՝ հիմա իրենք կարողանում են այդ ամենը կատարել, իսկ եկեղեցին թող բարեփոխվի, խելոք մի տեղ քարոզի ու իրենց չխանգարի, որ նոր արժեքներ ձեռքբերի ժողովուրդը՝ մոռանան Հայոց ցեղասպանությունը, հանգիստ հողերը հանձնեն ադրբեջանցիներին:

Կարապետյանը այնքան էր ոգեւորվել իր ելույթով, որ անգամ մեկնեց Վեհափառ Հայարպետի Սուրբ Ծննդյան պատգամն ու այն հակապետական բնորոշեց (դե ՔՊ-ն իրեն է պետություն անվանում): Պատկերացրեք, թե ի՜նչ մտքի սով է իշխող քաղաքական ուժի մոտ, որ այս ծանր պահին արտաքին մարտահրավերները թողած՝ Հայրապետական պատգամ են վերծանում: Ինչեւէ, մի կողմից տպավորություն էր, որ Կարապետյանի տեքստը խմբագրել էր Արագած սարի նկարը իր տան մեջ ունեցող մի անձ, որովհետեւ անպատկերացնելի է՝ ինչպե՞ս կարող էր Կարապետյանը «մատաղ» բառը իմանար կամ որտե՞ղ լսած պետք է լիներ, նույնիսկ դժվար է պատկերացնել, որ Կարապետյանը տեղյակ է, որ Սուրբ Հարության տոն կա Հայ Եկեղեցում, որի ժամանակ Հայարապետը ուղերձով է դիմում ամբողջ հայությանը:

Ծանր է պատկերացնել, որ Մարիա Կարպետյանի նման սերունդ ենք ունենալու ապագայում, երբ կիրագործվի դպրոցներից Հայ Եկեղեցու պատմության առարկայի դուրս բերելու հերթական հակաեկեղեցական քայլն այս իշխանության կողմից:

ՀՐԱՆՏ ՍԱՐԱՖՅԱՆ

Այս թեմայով Էստի համեցեք․ ԸՆԿԵՐ ՓԱՆՋՈՒՆԻ Իրականությունից կտրվածները Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ