Ում համար է Նիկոլը 55 000 նոր բնակարան կառուցում

Նի­կո­լի վերջին ե­լույ­թում, բա­ցի Ար­ցախն ան­վե­րա­պա­հո­րեն ու­րա­նա­լու տես­լա­կա­նից, կար նա­եւ այլ տեր­մի­նա­բա­նու­թյուն: Թե­րեւս, ա­վե­լի շուտ քա­րոզ­չա­կան բնույ­թի, թե տե­սեք, ինչ­քան լավ եմ կա­ռա­վա­րում, ինչ­քան են ինձ գնա­հա­տում: Եվ այդ քա­րո­զի ի­մաս­տը, ի­հար­կե, նրա հա­մար կար. պետք է չէ՞ մարդ­կանց հա­մո­զել, թե, տե­սեք, Ար­ցա­խը հանձ­նում ենք, ու ար­դեն սկսել ենք լավ ապ­րել:

Այդ «Լավ ապ­րե­լու» չա­փա­նի­շը, ըստ Նի­կո­լի, սա է. «ՀՀ-ում ա­պա­գա­յի մա­սին խո­սե­լու, ա­պա­գան պլա­նա­վո­րե­լու և այդ ա­պա­գան կա­ռու­ցե­լու հա­մար անհ­րա­ժեշտ լա­վա­տե­սու­թյուն, ա­յո, կա, և ես վստահ եմ դրա­նում: Լրա­հո­սը, ի­հար­կե չի տա­լիս նման վստա­հու­թյուն, հան­րա­յին քննար­կում­նե­րը նման վստա­հու­թյուն չեն տա­լիս, մի­ջազ­գա­յին ի­րադ­րու­թյունն ա­ռա­վել ևս նման վստա­հու­թյուն չի հա­ղոր­դում: Բայց հենց այ­սօր, հենց այս պա­հին ՀՀ-ում տե­ղի է ու­նե­նում շուրջ 55.000 բնա­կա­րա­նի կա­ռուց­ման գոր­ծըն­թաց: Սա ՀՀ բնա­կա­րա­նա­յին եր­բև­է ստեղծ­ված ֆոն­դի շուրջ 6 տո­կոսն է»:

Կարճ ա­սած, ու­նենք Եր­րորդ հան­րա­պե­տու­թյան պատ­մու­թյան մեջ բնա­կա­րա­նա­շի­նու­թյան ան­նա­խա­դեպ ծա­վալ­ներ, ո­րը, ըստ Նի­կո­լի, վկա­յում է այս մա­սին. «Այսօր բնա­կա­րան են ձեռք բե­րում ոչ մի­այն ա­վան­դա­բար հա­րուստ­նե­րը, այ­լև մի­ջին խա­վը, ո­րը կա­ռա­վա­րու­թյան վա­րած տնտե­սա­կան քա­ղա­քա­կա­նու­թյան բե­րու­մով աշ­խա­տե­լու, ա­րա­րե­լու ու իր աշ­խա­տան­քի ար­դյուն­քը տես­նե­լու հնա­րա­վո­րու­թյուն է ստա­ցել: Սահ­մա­նա­յին ան­կա­յու­նու­թյան, ՀՀ անվ­տան­գա­յին խո­ցե­լի­ու­թյան, աշ­խար­հա­կար­գի փլուզ­ման պայ­ման­նե­րում ՀՀ տաս­նյակ հա­զա­րա­վոր քա­ղա­քա­ցի­ներ բնա­կա­րան են ձեռք բե­րում, հա­զա­րա­վոր ներդ­նող­ներ բնա­կա­րան են կա­ռու­ցում: Ին­չու են նրանք այդ­պես վար­վում, ինչ է նշա­նա­կում քա­ղա­քա­ցի­նե­րի այս վար­քա­գի­ծը: Իմ գնա­հատ­մամբ դա նշա­նա­կում է և կա­րող է նշա­նա­կել մի­այն մեկ բան. մար­դիկ հա­վա­տա­ցել են կա­ռա­վա­րու­թյան խա­ղա­ղու­թյան օ­րա­կար­գին, մար­դիկ հա­վա­տում են, որ խա­ղա­ղու­թյուն լի­նե­լու է, ու ի­րենք ի­րենց հա­րե­նի­քում եր­ջա­նիկ ապ­րե­լու ու ա­րա­րե­լու հնա­րա­վո­րու­թյուն են ու­նե­նա­լու, այ­լա­պես ի­մաստ չէր ու­նենա բնա­կա­րան ձեռք բե­րել, կա­ռու­ցել»:

Հաս­կա­նա­լի է, որ սա ըն­դա­մե­նը ցի­նիզ­մի հաս­նող ծաղր է: Բայց մյուս կող­մից, Նի­կո­լը մի­գու­ցե ինչ-որ թվեր չա­փա­զանց­նում է, բայց որ Ե­րե­ւա­նում կա զանգ­վա­ծա­յին բնա­կա­րա­նա­շի­նու­թյուն, դա էլ է փաստ: Այն կար­գի, որ շատ ե­րե­ւան­ցի­ներ մեկ ան­գամ չէ, որ զար­մա­ցած հարց­րել են` բա այս­քան կա­ռու­ցում են, որ ի՞նչ ա­մեն: Հե­տե­ւում են բա­ցատ­րու­թյուն­ներ` թուր­քի հա­մար են կա­ռու­ցում, պար­սի­կի, եւ այդ­պես շա­րու­նակ: Մինչ­դեռ ո­րոշ աղ­բյուր­ներ այլ բա­նում են հա­մոզ­ված, որ, չէ, հա­յե­րի հա­մար են կա­ռու­ցում: Այն հա­յե­րի... ո­րոնք պետք է փախ­նեն Ար­ցա­խից: Դե, պատ­կե­րաց­րեք, 120 հա­զար զայ­րա­ցած մարդ որ հա­սավ Ե­րե­ւան, ի՞նչ կլի­նի: Դե, ու­րեմն, ըստ այդ լու­րե­րի, տներ են կա­ռու­ցում, որ ան­մի­ջա­պես նրանց տե­ղա­վո­րեն, եւ ար­ցախ­ցի­ներն են, ըստ այդ տես­լա­կա­նի, գոհ ու եր­ջա­նիկ կլի­նեն: Հա­մե­նայն­դեպս, ոչ այդ­քան կա­տա­ղած, որ 120 հա­զար մար­դով սկսեն Նի­կոլ ո­րո­նել:

Ի դեպ, աղ­բյու­րը նա­եւ այն մտքին է, որ այս անն­ա­խա­դեպ բնա­կա­րա­նա­շի­նու­թյան հա­մար Ա­լի­եւն էլ է ու­րախ, ան­գամ` ներդ­րո­ղի ֆունկ­ցի­ա է ստանձ­նել:

Դեռ ժա­մա­նա­կի ըն­թաց­քում կստու­գենք այս վար­կա­ծի իս­կու­թյու­նը: Իսկ մինչ այդ փաս­տենք, որ 55.000 նոր բնա­կա­րան կա­ռու­ցե­լը, երբ նախ­կի­նում կա­ռուց­ված­նե­րի մեծ մա­սը դեռ ի­րաց­ված չէ, զուտ տնտե­սա­կան տե­սան­կյու­նից` ա­մե­նե­ւին էլ գլուխ գո­վե­լու բան չէ: Չէ՞ որ նույն Նի­կոլն էր վեր­ջերս լա­ցը դրել, թե եր­կար ժա­մա­նակ ու­զում է տուն վա­ճա­ռել, գնորդ չի գտնում: Բա դրա­նից հե­տո 55 հա­զար նոր բնա­կա­րան են կա­ռու­ցում, որ ի՞նչ:

Դրա­նից զատ, Ե­րե­ւանն ա­ռանց այդ էլ այն գեր­ծան­րա­բեռն­ված վի­ճա­կին են հասց­րել, որ փո­ղո­ցա­յին գերխ­ցա­նում­ներն ար­դեն դար­ձել են հա­մա­տա­րած: Նա­եւ, թե ինչ աղ­տոտ­վա­ծու­թյան է հասց­րել ավ­տո­մե­քե­նա­նե­րի ծու­խը, շի­նա­րա­րու­թյան փո­շին եւ նման բա­նե­րը, ա­վե­լորդ է ա­սել: Ա­ռա­վել եւս, երբ սրան զու­գա­հեռ սկսել են ծա­ռե­րի հա­մա­տա­րած ջարդ:

Մի­այն մեկ օ­րի­նակ բե­րենք, ո­րը շատ լավ է ի­րա­վի­ճա­կը պատ­կե­րում: Ինչ­պես մեր աղ­բյուր­նե­րից մե­կը տե­ղե­կաց­րեց, ան­գամ Նուրբ օր­գա­նա­կան քի­մի­ա­յի ինս­տի­տու­տի ջրա­վա­զա­նի տե­ղում են սկսել շենք կա­ռու­ցել: Ջրա­վա­զա­նը, ըստ աղ­բյու­րի, շրջա­պատ­ված է ինս­տի­տու­տի մաս­նա­շեն­քե­րով, եւ թե ով եւ ինչ­պես է այդ տա­րած­քը հատ­կաց­րել շի­նա­րա­րու­թյան հա­մար, զար­մանք­նե­րի զար­մանք է: Ա­ռա­վել եւս, որ այդ ա­վա­զա­նի հիմ­նա­կան ֆունկ­ցի­ան լո­ղը չէ: Դա ջրի կու­տակ­ման հա­մար է, որ ե­թե հան­կարծ տվյալ վտան­գա­վոր օ­բյեկ­տում ինչ-որ մի­ջա­դեպ լի­նի, ա­սենք` հրդեհ, ջու­րը ձեռ­քի տակ լի­նի` հնա­րա­վոր ծանր ռիս­կե­րը մի­նի­մա­լի­զաց­նե­լու հա­մար: Այ­սինքն, ոչ թե տա­րածք են տվել շի­նա­րա­րու­թյան հա­մար, այլ անվ­տան­գու­թյան հա­մա­կարգ, ու դեռ սրա­նից հե­տո 55 հա­զար բնա­կա­րա­նով են հպար­տա­նում:

Չնա­յած, երբ ողջ երկ­րի անվ­տան­գու­թյունն են նվի­րել թշնա­մուն, մի ջրա­վա­զանն ի՞նչ է:

Ս. ԱԲ­ՐԱ­ՄՅԱՆ