Հայաստանի հաշվին եւ հայի ձեռքով՝ տեղի է ունենում «Ալեքսանդրոպոլ-2» օպերացիան. Բալասանյան

«Հետեւելով Արցախի եւ Հայաստանի շուրջ տեղի ունեցող իրադարձություններին՝ ակնհայտ է դառնում, որ տեղի է ունենում «Ալեքսանդրոպոլ-2» օպերացիան, որը նախագծվել է Հայաստանի սահմաններից դուրս, բայց իրականացվում է Հայաստանի հաշվին եւ հայի ձեռքով։

Ըստ պլանի, նախ հայ ժողովուրդը արհեստականորեն կանգնեցվեց դիլեմայի առաջ՝ Արցախը, թե Հայաստանը: Դա արվեց 5000 զոհերի, գրեթե կորսված Արցախի, փակված Լաչինի միջանցքի միջոցով։

Հիմա երկրորդ արարն է սկսվում, որին ակտիվորեն մասնակցում են ամերիկացիները։ Ակնհայտ երկար լեզու է ցույց տալիս բեղավորը, ով չէր կարող անգամ իր երազում պատկերացնել, թե գործերն այսքան լավ կգնան իր համար։ Որ մի օր Երեւանում հայերը կսկսեն անպատվել հայերին ադրբեջանական դրոշ այրելու համար։ Ու բեղավորը կսկսի մեկը մյուսի հետեւից տարածքային պահանջներ ներկայացնել ՀՀ-ին, որովհետեւ Արցախի հարցն արդեն լուծել է իր համար։ Իսկ հայերը կհամաձայնեն, որովհետեւ ամերիկացիներն են խառնված, հո բարեկամներին ամոթով չե՞ն թողնելու:

Իսկ վերջում Հայաստանից կմնա մի փոքր հատված, ինչպես ժամանակին, երբ Լեոյի դիպուկ բնորոշմամբ լողանալու տեղ էին թողել հայերին, բայց չորանալու տեղ չէին թողել։ Հայաստանին կառաջարկվի շատ փոքր տարածքով կվազի պետություն Հայաստան անունով եւ իրենց թվացյալ երաշխիքներով։ Իսկ ի՞նչ կլինի հետո՝ հետո Հայաստանի համար կուրծք ծեծողները, խաղաղասերները կթռնեն, ամերիկացիք գոհունակությամբ կհայտարարեն, որ տիտանական ջանքերի շնորհիվ իրենց հաջողվեց պահպանել Հայաստանի Հանրապետությունը, ու մենք, իսկական հայերս, ստիպված կլինենք կրկնել մեր պատմության հերթական քայլերը՝ նորից ստեղծել պետություն եւ մտքում խոստանալ, որ անցյալի սխալներն այլեւս չենք կրկնելու», - գրել է ԵՊՀ միջազգային հարաբերությունների եւ դիվանագիտության ամբիոնի դոցենտ, միջազգայնագետ ԳՐԻԳՈՐ ԲԱԼԱՍԱՆՅԱՆԸ:

Այս թեմայով Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Արցախյան գեներալիտետից ոչ մեկ մոտ չի գալիս. Ինչ են պլանավորում արցախահայերը Վեճ՝ արցախցիների հարցով քննարկման ընթացքում․ ՔՊ-ն լքեց դահլիճը․ «Չեմ հասկանում՝ ով է հարցը լուծելու»