«Կռուտիտ» հնարելը քպ-ականին հարիր պահվածք է». Տաթեւ Արցախը չի հավատում Աղազարյանի «արցունքներին»

Վերջին օրերին սոցցանցում ամենաքննարկվող թեման ԱԺ իշխող «Քաղաքացիական պայմանագիր» խմբակցության պատգամավոր Հովիկ Աղազարյանի նամակագրություններն էին: Պարզվում է՝ անձնական նամակագրության ժամանակ պատգամավորը տարբեր կանանց եւ աղջիկների պատասխանել է ամենալկտի սեռական հայհոյանքներով: Սակայն, արի ու տես, որ պատգամավորն ինքը լրատվամիջոցներից մեկի հետ զրույցում «սուխոյ ատկազ» է եկել, թե իբր իր էջը հավանաբար կոտրել են, ասել է, թե խնդրել է օգնականին «պառոլը» փոխել, իսկ տարածված մեկնաբանություններն էլ հավաստիացրել է, որ ինքը չի հեղինակել:

Անդրադառնալով վերոնշյալին՝ «Իրավունքը» զրուցեց 44-օրյա պատերազմում զոհված Գեւորգ Վիրաբյանի քրոջ՝ «Հայկական շարժում» նախաձեռնության հիմնադիր ՏԱԹԵՎ ԱՐՑԱԽԻ (Վիրաբյան) հետ, ով Հովիկ Աղազարյանի կողմից նամակագրությամբ հայհոյանքներ ստացած զոհերից մեկն է:

— Տաթեւ, որքանո՞վ են Ձեզ համար արժանահավատ Հովիկ Աղազարյանի արդարացումները, որ ինքը չէ հայհոյանքներ հղել:  

— Իհարկե, արժանահավատ չէ: Եթե հերքում է, որ ինքը չէ հայհոյանքների հեղինակը կամ գոնե իր սրտով չէ, ապա պետք է ներողություն խնդրեր այն իգական սեռի ներկայացուցիչներից, որոնց վիրավորել է: Չէ որ նույն իր էջում շտապեց միջազգային հանրությունից ներողություն խնդրել՝ Ծանրամարտի Եվրոպայի առաջնության բացման արարողության ընթացքում Ադրբեջանի դրոշն այրելու առթիվ: Բայց, փաստորեն, ոչ մի զղջում այս դեպքում չկա՝ իր մեկնաբանությունների համար: Սա ՔՊ-ականին հարիր պահվածք է՝ նախ այլասերությամբ զբաղվել, ապա «կռուտիտ» լինել: Սա է իրենց ամենամեծ, այսպես ասած, փեշակը: Իրենք կարող են վատ վարքագիծ դրսեւորել եւ միանգամից դրա «կռուտիտը» հնարել, թե հեռախոսը գողացել են, էջը կոտրել են եւ այլն:

— Մի ժամանակ Հովիկ Աղազարյանն ասում էր, թե թոռնիկներին էլ «մեկ-մեկ հայհոյանքով է դիմում, բայց դրա մեջ այնքա՛ն ջերմություն կա»: Այս դեպքում՝ որեւէ բացատրություն կա՞, թե ինչո՞ւ է պատգամավորը սեռական հայհոյանքներով պատասխանել քաղաքացիներին:

— Սա  այլասերված ծերուկի վարքագիծ է: Ու նման մարդկանցով է համալրված ամբողջ «Քաղաքացիական պայմանագիրը», ադեկվատ, չծախված, թուրքի տակ չպառկող անձ չէր կարող լինել այնտեղ: Պետք է անպայման լիներ սեռաքաղց, միասեռական եւ այլն: Պարզապես, հերթական անգամ նրանց ներկայացուցիչներից մեկի դեմքը երեւաց, ինչպես կա:

— Ամեն դեպքում, եթե անգամ համարենք, որ, իսկապես, Հովիկ Աղազարյանի էջը կոտրել են, արդյոք դրանով խնդիրը լուծվո՞ւմ է:

— Եթե իր ասած «ճշմարտությունը» համապատասխանում է իրականությանը, թող մոտակա աշխատանքային օրերին դիմի Ազգային անվտանգության ծառայությանը, որպեսզի պարզեն՝ ով է կոտրել իր էջը, եւ համապատասխան գործ հարուցեն: Ի վերջո, սովորական քաղաքացու էջ չի «կոտրվել», այլ Ազգային ժողովի պատգամավորի, որի էջում կարող են լինել բազմաթիվ ինֆորմացիաներ, որոնք վերաբերում են մեր պետականության անվտանգությանը: Այս մասին պետք է մտածեն ԱԱԾ-ում եւ Ազգային ժողովում ու զգուշավոր լինեն: Բայց ես այլ դրվագի վրա եմ ուզում ձեր ուշադրությունը հրավիրել՝ նույն օրը նույն ժամանակահատվածում, երբ Հովիկ Աղազարյանն ինձ հայհոյանքներ է գրել, դերասանուհի Անահիտ Մութաֆյանի նամակներին պատասխանել է շատ ադեկվատ բառապաշարով: Այդ ինչպե՞ս է ստացվում՝ իր էջը հատվածաբա՞ր էին կոտրել: Այնպես որ, Հովիկ Աղազարյանն իր արդարացումներով զուտ փորձում է պղտոր ջրում ձկներ որսալ:

— Փաստաբան Արսեն Բաբայանը հույս է հայտնել, որ խորհրդարանական ընդդիմադիր խմբակցությունները գոնե Հովիկ Աղազարյանի այս վարքագծով պայմանավորված՝ էթիկայի հանձնաժողով ստեղծելու նախաձեռնությամբ հանդես կգան: Ի՞նչ քայլեր եք պատրաստվում անել՝ գնալու եք այս ուղղությամբ, թե՞ դիմելու եք դատարան:

— Որքան ատյաններում հնարավոր է այս հարցը բարձրացնել, դիմելու եմ: Իմ գրառման մեջ էլ ասել եմ, որ թող ես վերջին կինը լինել, որի նկատմամբ նման այլասերված կերպով կդրսեւորի իրեն Հովիկ Աղազարյանը: Այո, Արսեն Բաբայանի հետ համաձայն եմ եւ ինքս էլ, որպես տուժող, դիմելու եմ, որ Ազգային ժողովում այս հարցով էթիկայի հանձնաժողով ձեւավորվի, եւ քննեն իշխող խմբակցության պատգամավորի վարքագիծը:

ՀՐԱՆՏ ՍԱՐԱՖՅԱՆ

Այս թեմայով Վեճ՝ արցախցիների հարցով քննարկման ընթացքում․ ՔՊ-ն լքեց դահլիճը․ «Չեմ հասկանում՝ ով է հարցը լուծելու» Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան