Կիեւ-Պեչորյան մայրավանքի ծխականների ավանդույթները եւ իրավունքները պետք է հարգել. Ամենայն Հայոց կաթողիկոս

Հոգեւոր աշխարհում խնդիրներն ու տարաձայնությունները պետք է լուծվեն զուտ եկեղեցական կանոններին համապատասխան: Սա վերաբերում է նաեւ Կիեւ-Պեչորյան մայրավանքի (լավրայի) հարցին, որի ծխականների ավանդույթներն ու իրավունքները պետք է հարգվեն։ Այս մասին Ամենայն հայոց կաթողիկոս Գարեգին Բ-ն ասել է ՏԱՍՍ-ին տված հարցազրույցում։ Կաթողիկոսի խոսքով` Հայ Առաքելական եկեղեցու համար մեծ ցավ է Ուկրաինայի ողբերգական իրադարձությունները տեսնելը: Ցավոք, ստեղծված ծանր իրավիճակն ազդել է նաեւ եկեղեցական կյանքի վրա։

Գարեգին Բ-ն ցանկություն է հայտնել, որ Աստծո ողորմածությամբ շուտով վերականգնվի խաղաղությունը հավատակից եղբայրական ժողովուրդների կյանքում, փոխըմբռնումն ու համերաշխությունը ուղղափառ եկեղեցու մեծ ընտանիքում: