«Հրապարակ». Թշնամու բազմաթիվ դիակներ կային սփռված․ Արթուր Վարդանյան

Ադրբեջանցիները փորձել են առաջխաղացում իրականացնել, մեր տղերքը բավականին լավ դիմադրություն են ցույց տվել, շատ ուժեղ դիմադրություն են ցույց տվել։ «Հրապարակին» այս մասին տեղեկացրեց այսօր Սյունիքի մարզի Տեղ գյուղի մոտակայքում հայկական դիրքերի վրա ադրբեջանական զինուժի հարձակմանն ականատես եղած «Հայկական ազգային պետականություն» կուսակցության նախագահ, պատերազմի մասնակից Արթուր Վարդանյանը։

«Ադրբեջանցիների կողմից ուժի գործադրմանը մերոնք անմիջապես պատասխանել են, հավելյալ ուժեր են եկել մեր տղերքին օգնության, որի արդյունքում շատ ուժգին հակահարված է տրվել թշնամուն։ Ըստ տվյալների, բազմաթիվ թշնամու դիակներ կային սփռված այնտեղ, և տասնյակ վիրավորներ»,-ասաց վերջինս։

Վարդանյանը շեշտեց, որ Ադրբեջանի կողմից հրապարակված երեք հոգու մասին հայտարարությունն իրականությանը չի համապատասխանում։

«Սուտ է՝ իրականությանը չի համապատասխանում։ Առաջին հարվածը տվել է Ադրբեջանը, առաջին կրակոցներն ու առաջին հրետանին օգտագործել է Ադրբեջանը, սկսել է հարվածներ հասցնել մեր դիրքերին, որից հետո մերոնք պատասխան կրակ են բացել։ Երբ ադրբեջանցիները փորձել են առաջխաղացում իրականացնել,մերոնք թշնամուն հետ են շպրտել, հենց այդ առաջխաղացման ժամանակ էլ մենք ենք զոհեր ունեցել, իսկ հակահարվածի ժամանակ մենք ենք թշնամուն բազմաթիվ զոհեր և վիրավորներ տվել»,-շեշտեց Վարդանյանը։

Նա հավելեց նաև, որ թշնամին բացի ականանետից կիրառել է այլ տրամաչափի հրետանի, մասնավորապես չի բացառվում, որ օգտագործված լինի նաև T 30 տեսակի հրետանի․«Ամենայն հավանականությամբ մեր դիրքերին հասցված նախավերջին հարվածը կատարվել է Գրադից»։

Ամբողջական հոդվածը` սկզբնաղբյուրում