«Զատկական փառատոն»-2023-ը` Վանաձորում

Գուգարաց թեմը եւ «Երեխաների հատուկ ստեղծագործական կենտրոն» ՊՈԱԿ-ը ապրիլի 9-ին կազմակերպել են  Զատկական փառատոն:

Առաջին անգամ փառատոնը տեղի է ունեցել ՝ 2022 թվականին ՝ Երեւանում:

Այս տարի փառատոնը հանդես է գալիս ընդգրկուն ծրագրով, որտեղ ուրույն հատված ունի ներառականությունը:

Փառատոնի շրջանակում կներկայացվեն «Երեխաների հատուկ ստեղծագործական կենտրոն» ՊՈԱԿ-ի սաների, ինչպես նաեւ՝  Վանաձորում եւ ՀՀ մարզերում գործող այլ մասնագիտացված կազմակերպությունների սաների ձեռքի աշխատանքները:

Հարկ է նշել, որ երեխաները կներկայանան ներառական համերգային ծրագրերով:

Միջոցառումը կընդգրկի համերգային ծրագիր, ցուցահանդես-տոնավաճառ, որտեղ յուրաքանչյուր անցորդ կարող է դառնալ տոնախմբության անմիջական մասնակիցը՝ ընդգրկվելով պարի, դեկորատիվ-կիրառական արվեստի եւ նկարչության վարպետության դասերին:

Տոնական միջոցառումը կմեկնարկի ապրիլի 9 –ին՝ ժամը 12։00 -ից, Վանաձորի Սուրբ Նարեկացու եկեղեցու տարածքում:

Զատկական փառատոնը ամենամյա փառատոն է, որի նպատակն է  համախմբել հանրությանը, համայնքի բնակիչներին, զբոսաշրջիկներին գեղեցիկ  տոնակատարության շուրջ:

Այս թեմայով «Ըմբոստ թռչնակ»-ով մեկնարկում է 18-րդ «ՌեԱ» միջազգային փառատոնը Թատրոնը երբեք այսքան պահանջված չի եղել, որքան այսօր․ Անդրեյ Վասիլեւ Հրապարակում «անձնագրի փառատոն է» Միջազգային թատրոնի մասնագետները Երևանում են․ մեկնարկել է HFPAM-ը ՌեԱ փառատոնը բաց կանչ է հայտարարել