ՀԿԳ քննիչները իշխող ու ընդդիմադիր պատգամավորներին «երես-բերես» են արել

ԱԺ պետաիրավական հարցերի մշտական հանձնաժողովի նախագահ, ՔՊ-ական պատգամավոր Վլադիմիր Վարդանյանի եւ «Հայաստան» խմբակցության պատգամավոր Մհեր Սահակյանի միջեւ տեղի ունեցած միջադեպի հետքերով` երեկ Ազգային ժողովում էին քննիչները: Ո՛չ ավել, ո՛չ պակաս վերջիններս առերեսումներ էին իրականացնում իշխող եւ ընդդիմադիր պատգամավորների միջեւ: Մանրամասները փորձեցինք պարզել ԱԺ «Հայաստան» խմբակցության պատգամավոր ԳԵՂԱՄ ՆԱԶԱՐՅԱՆԻՑ:

— Քննչական գործողություն է ընթանում, հայտնել չեմ կարող, որովհետեւ իրավունք չունեմ: Դեպքի ականատեսներն են առերեսվում, որպեսզի քննիչների համար ճշտվեն որոշակի անճշտություններ: Ամեն դեպքում, որեւէ տհաճ իրավիճակ, անցանկալի իրադարձություն չկա: Իմ կարծիքով` չի էլ կարող լինել: Ցավում եմ, որ մեր երկրում տրամաբանությունը չի աշխատում, այլ անտրամաբանությունը: Հատուկ կարեւոր գործերով քննիչներ էին եկել: Երկրում բազմաթիվ լուրջ խնդիրներ կան, մինչդեռ գործից կտրվել, եկել են Ազգային ժողովին ոչ հարիր այդ միջադեպը քննելու:

— Ի՞նչ եք կարծում` բանը կհասնի՞ նրան, որ գլխավոր դատախազը դիմի խորհրդարանին` Մհեր Սահակյանին անձեռնմխելիությունից զրկելու հարցով:

— Հուսով եմ` խոհեմ կլինեն ու կհասկանան, որ այս հարցով իրենք չեն կարող գալ Ազգային ժողով: Անգամ եթե գան, ապա մինչ այդ, Վահագն Ալեքսանյանը, մատն իմ աչքը կոխած Հակոբ Ասլանյանը ու էլի մի քանի պատգամավորներ պետք է իրենց մանդատից հրաժարվեն, ներողություն խնդրեն, Ալենն էլ միանա իրենց ու ասի, որ չի կարող լինել ԱԺ նախագահ, որովհետեւ թքում է ժողովրդի երեսին: Նիկոլ Փաշինյանն էլ հրաժարական պետք է տա  ու թվարկի, թե որքան վատ բաներ եղան իր օրոք: Այդ ամենից հետո, եթե առաջարկեն Մհերին անձեռնմխելիությունից զրկել, ապա ես կողմ կլինեմ:

ՀՐԱՆՏ ՍԱՐԱՖՅԱՆ

Այս թեմայով Նիկոլ Փաշինյանն այս կիրակի պատարագի կմասնակցի Գառնիի Սուրբ Աստվածածին եկեղեցում Փաշինյանը նշեց Ալիևին անընդհատ շնորհակալություն հայտնելու պատճառները. Տեսանյութ Պուտինի հետ քննարկել ենք տարածաշրջանի դրական փոփոխությունները և նոր հնարավորությունները․ Փաշինյան Ալիևին շնորհակալություն եմ հայտնում, որովհետև երեք կարևոր արգելք է հանվել. Փաշինյան Փաշինյանի թրի տակով անցած եպիսկոպիսներից մի քանիսը զադնի են դրել. Աղբյուր