Տեղ գյուղի հողերը 5 վայրկյանում նվիրվել է թուրքերին` առանց մի կրակոցի. Նարե Սոսե

Կին ազատամարտիկ, պատերազմում զոհվածի մայր եւ կին քաղաքական գործիչ. այսպիսի եռամիասնությամբ` հայ կանայք Սյունիքի սահմանապահ գյուղերից ստանալով ահազանգեր` շտապեցին տեղում իրավիճակին ծանոթանալու: Առաջամարտիկների շարքում էր ազատամարտիկ ՆԱՐԵ ՍՈՍԵՆ (Սարիբեկյան), ում հետ զրուցել է «Իրավունքը»:

— Մեր այցն ապարդյուն չէր, հասանք այնտեղ եւ տեղում` մեր աչքերով տեսանք իրավիճակը: Մարդկանց ստերով էին կերակրում, թե այնտեղ ամեն ինչ կարգին է, իբր ընդամենը մի 300 մետր են ադրբեջանցիներն առաջ եկել` այն էլ տեխնիկական պատճառներով: Մինչդեռ իրականությունն այլ էր: Հենց «Զանգեր» կոչվող հատվածից հասկացանք, որ Սյունիքն ամբողջությամբ անտեր է մնացել: Ձյուն էր գալիս ու բացարձակ չէին մաքրում ճանապարհները, իմ իմացած Սյունիքից նշույլ չէր մնացել: Այնպիսի զգացողություն էր, որ դու ընկել ես մի վայր, որտեղ թշնամին դեռ չի մտել, բայց տեղացիներն արդեն դուրս են եկել: Որոշեցինք, որ չենք գնալու ոչ մի տեղական իշխանության ներկայացուցչի մոտ, այլ անմիջապես գնալու ենք դիրքեր: Տեղ գյուղից անմիջապես գնացինք դիրքեր, եւ պարզվեց` թուրքը մի ոլորան այն կողմ էր: Իսկ մեր հենակետը վերահսկում էին ռազմական ոստիկանության ոստիկանները, որի իրավունքը չունեին: Ռազմական ոստիկանը կապ ունի զինվորական օրենսդրության հետ, բայց ոչ սահման պահելու: Սիսիանցի տղաներ էին ոստիկանները, նրանցից մեկին, որ շատ հարցուփորձ արեցինք, ասաց. «Էն տատու արած ունքերով նաչալնիկից հարցրեք»: Հասկացա, որ նրանց բերել էին հենակետը հանձնելու: Հարցրի` ինչու չեք կռվել,աչքերը լցրեց, թե` «ՄՈԲ-ը հանեցին, մեզ ասացին պետք է գաք դուք հենակետերը պահեք, առավոտյան եկանք, ասացին` 5 կմ հետ եք պահելու»: Այսինքն` այն դիրքը, որը եղել էր, եւ որի հետեւում 150 հեկտար ցանած ցորենի արտեր ուներ ժողովուրդը, այդքան հողերը 5 վայրկյանում նվիրվել է թուրքերին` առանց մի կրակոցի: Այդ տղան ասաց, որ ուզում է Երեւանում իմանան` Իշխանասարն էլ է հանձնած:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով Սպшնվել է 43-ամյա տղամարդ. կասկածյալը 28-ամյա կին է Իսրայելը չի ձգտում Թուրքիային թշնամի դարձնել. Իրանական փորձագետ Մոր կողմից լքված նորածին աղջիկն անվանակոչվել է Սոսե ի պատիվ Սոսե Մայրիկի Վիճաբանություն և ծեծկռտուք «Զվարթնոց»-ում․ 4 կին միմյանց հարվածներ են հասցրե, հայհոյանքներ հնչեցրել Ռուբեն Վարդանյանի կնոջ հետ հանդիպումը կկազմակերպի ԱԳՆ-ն․ ԶԼՄ