Իոաննիսյանը, «ֆեյսբուքի» հետ համագործակցելով՝ իրավունք կստանա պայքարելու պրոռուսականի դեմ. Քոչարյան

Օրեր առաջ «Իրազեկ քաղաքացիների միավորումը» ֆեյսբուքյան իրենց էջում տեղեկացրեց, թե իրենց թիմը եւ Meta-ն («Ֆեյսբուքի» եւ «Ինստագրամի» ընկերությունը) դարձել են գործընկերներ եւ համատեղ ծրագիր են իրականացնելու: Մասնավորապես՝ Meta-ն աջակցելու է ԻՔՄ-ին սոցցանցերում ապատեղեկատվության դեմ պայքարի եւ մեդիագրագիտության բարձրացման գործում:

Ի՞նչ է այս ամենը ենթադրում, հնարավո՞ր է, որ «Իրազեկ քաղաքացիների միավորում» ՀԿ համակարգող Դանիել Իոաննիսյանը նման համագործակցությամբ՝ կարողանա վերահսկել իր համար ոչ այնքան ցանկալի լրատվամիջոցներին, կա՞ այստեղ քաղաքական դրդապատճառ: Անդրադառնալով վերոնշյալ հարցերին՝ «Իրավունքի» հետ զրույցում մեդիափորձագետ ՏԻԳՐԱՆ ՔՈՉԱՐՅԱՆՆ ասաց, որ Դանիել Իոաննիսյանն իրավունք կստանա նման համագործակցությամբ բոլոր այն էջերը, որոնք իր դուրը չեն գալիս, «Ֆեյսբուքին» խնդրել, որ սահմանափակեն:

«Դանիել Իոաննիսյանը գիտենք` ինչ գործունեությամբ է զբաղվում: Նա տարիների ընթացքում բազմաթիվ դրամաշնորհներ է ստացել, օրինակ՝ պրոռուսական գովազդի դեմ պայքարելու համար: Նա իրավունք կստանա, Meta-ի հետ համագործակցելով, բոլոր այն էջերը, որոնք, ըստ իրեն, վարում են պրոռուսական քարոզչություն, կամ իր դուրը չեն գալիս, «Ֆեյսբուքին» խնդրել սահմանափակել դրանք, տեսանելիությունը իջեցնել եւ այլն, ինչը մենք որոշակի դեպքերում տեսնում ենք: Նա իրավունք չունի պայքարելու որեւէ ապատեղեկատվության դեմ, քանի որ պարզ երեւում է, որ Դանիել Իոաննիսյանը սուբյեկտիվ անձնավորություն չէ»,- նշեց նա:

Հարցին, թե նման կոնկրետ, հակառուսականցմանն ուղղված գործունեության պարագայում, ինչպե՞ս է «Ֆեյսբուքը» գնում կոմպրոմիսի ու համագործակցում, Տիգրան Քոչարյանն ընդգծեց, որ «Ֆեյսբուքը» գլոբալ առումով նույն աշխարհաքաղաքական նպատակներ հետապնդող խմբի մի մաս է, որի մյուս մասնիկը Դանիել Իոաննիսյանն է, դրա համար նրանք «պասերով» աշխատում են:

«Ինչ քաղաքականություն է վարում «Ֆեյսբուքն» այլախոհների նկատմամբ, այս աշխարհաքաղաքական խմբի պատվերով, օրինակ՝ կարելի էր տեսնել, վերջերս «Թվիթերի» հետ կապված բացահայտումները, երբ Իլոն Մասկը գնեց այն, եւ պարզվեց, որ այնտեղ բավականին շատ սահմանափակումներ կային արհեստական ձեւով: Այսինքն՝ մարդկանց դուր չէր գալիս այլ մարդկանց կարծիքը, ու իրենք որոշում են ոմանց արգելափակել կամ գրառումների տեսանելիությունը քչացնել: Այսինքն՝ սա աշխարհաքաղաքական մի խումբ է, որի մեջ մտնում են ե՛ւ պետությունները, ե՛ւ խոշոր գլոբալիստական բիզնեսը: Իրենք ներկա պահին մի նպատակ են հետապնդում՝ պայքար Ռուսաստանի եւ ռուսական ազդեցության դեմ: Իրենք փորձում են տարբեր երկրներում իրենց մարդկանցով թուլացնել իրենց կարծիքից տարբերվող այլ կարծիքների տարածումը»,- զգուշացրեց Քոչարյանը:

Ս. ԱՍԱՏՐՅԱՆ

Այս թեմայով Վատա մեր նախագահը, կաշին ու ոսկորն ա մնացել. Ինչից են դժգոհ քոչարյանականները Անկախության օրը՝ ախմախ անակնկալներով Բաբուխանյանը բարձրացրեց Արցախի օկուպացված քաղաքների հարցը Ադրբեջանական ագրեսիայի հետևանքով Արցախն ունեցել է 220-ից ավելի զոհ Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ