Կա ռացիոնալ երեք ճանապարհ. ինչ է առաջարկում ԱԱԾ նախկին տնօրենը ընդդիմադիրներին

Կոնկրետ իմ կարծիքով կա ռացիոնալ երեք ճանապարհ՝

 

1. մի կողմ թողնելով բոլոր տարաձայնություններն՝ ընդդիմադիր հիմնական ուժերը կարող են համախմբվել «քաղաքը վերցնելու», երկիրն այս իրավիճակից հանելու գաղափարի շուրջ և հանդես գալ մեկ միասնական թիմով, ցուցակով, որը կգլխավորի հասարակական ընկալելիություն ունեցող անձ, իսկ ցուցակում տեղերի բաշխումը, տարբեր ուժեր ներկայացնող քաղաքական գործիչների միջև, կկատարվի, օրինակ, պարզ վիճակահանության միջոցով:

 

2. Որևէ անձ կամ անձանց խումբ, ովքեր իսկապես ազնիվ են ազգային իրենց նպատակներում և հետևաբար արժանի են վստահության, կարող են համախմբվել և հանձնառություն վերցնել՝ հանդես գալով և՛ նախկին, և՛ ներկա իշխանությունների դեմ, նրանց սխալները վեր հանել քննադատական օբյեկտիվ խոսքով, գաղափարախոսությամբ, հռետորաբանությամբ, առաջարկել կոնկրետ լուծումներ՝ ապահովելով թե՜ հների և թե՛ նորերի միասնությունը, համընդանուր ջանքերով հասնել դրանց լուծմանը:

 

3. Ընդդիմադիր դաշտում հանդես եկող հիմնական ուժերը կարող են բոյկոտել և հրաժարվել ընտրություններին մասնակցելուց, պատկերավոր, այսպես ասած, հաշվի առնելով ԿԸՀ նախագահ Վահագն Հովակիմյանի ֆակտորը, այսինքն՝ ցանկացած մակարդակի ընտրությունների նկատմամբ իշխանությունների ապօրինի ազդեցության պատճառով:

 

Մեր ընկալմամբ առավել նպատակահարմար է ընդդիմության միավորման գաղափարը, մանավանդ որ իսկապես բարձր է Երևանում հաղթելու շանսը, բացի այդ, նրանք բոլորը կարծես խոսում են նույն խնդիրների մասին, արտահայտում են գրեթե նույն մտքերը, սակայն, իհարկե, վերջնական դիրքորշման կարելի է հանգել ընդհանուր պատկերը խորությամբ ընկալելուց հետո:

 

Հատկանշական է նաև, որ միավորմանը մտացածին պատրվակներով խոչընդոտելու դեպքում հանրությունն ի վերջո հնարավորություն կունենա հասկանալու, թե ով ով է», – գրել է ԱԱԾ նախկին տնօրեն ՄԻՔԱՅԵԼ ՀԱՄԲԱՐՁՈՒՄՅԱՆԸ: