ԵՄ դիտորդների առկայությունը սահմանին չի խանգարում Ադրբեջանին ագրեսիվ գործողություններ իրականացնել. Մանուկյան

Ըստ ԱԺ «Հայաստան» խմբակցության պատգամավոր ԳԵՂԱՄ ՄԱՆՈՒԿՅԱՆԻ` այսօր հասարակությանը մի արհեստական թմբիրի մեջ են մտցնում` կեղծ փրկության հույսերով, կեղծ անվտանգային բարձիկների մասին խոսելով:

— Նույն ԵՄ դիտորդների առկայությունը սահմանին չի խանգարում Ադրբեջանին ագրեսիվ գործողություններ իրականացնել` շարունակելով ՀՀ սուվերեն տարածքի օկուպացիան: Այս առումով Հայաստանի կողմից գործնական հակազդեցությունը, ցավոք, թեմա է, որի մասին շատ մանրամասն չեմ կարող բարձրաձայնել: Այս օրերին Հայաստանի բոլոր պատասխանատու անձինք պարտավոր էին ՌԴ-ի հետ լինել ամենօրյա շփումների մեջ, ոչ թե խաղեր խաղային: Տվյալ դեպքում` ՍԴ-ում Հռոմի ստատուտի համաձայնագրի նախագիծը 2-3 ամիս առաջ է եղել, բայց առնվազն այս մթնոլորտում Հայաստանը լեգիտիմ հնարավորություն ուներ` այդ հարցն ընդհանրապես չարծարծելու: Եվ եթե Հայաստանն այդ համաձայնագիրը անգամ վավերացնի ԱԺ-ում, դա որեւէ կերպ չի ազդելու Հաագայի դատարանի որոշումը Ադրբեջանի համար պարտադիր լինելու վրա, որովհետեւ Ադրբեջանը դրան չի միացել, Հաագայի դատարանի որոշումն իրավական առումով պարտադիր չէ Ադրբեջանի համար: Այլ հարց, որ բարոյական պարտավորության տակ է Ադրբեջանը: Անզգույշ գործողություններն ունենում են բացասական հետեւանքներ մեր ամբողջ ժողովրդի վրա: Ո՞վ է քաշել ԱԺ նախագահի լեզուն, որ նման հարցերի շուրջ ոտքի վրա հայտարություն անի, հետո գնա Կոնդի ամառանոցում մարզվի, մարզվելու ժամանակ էլ ընկնի, թեւ կոտրի: Ամեն խոսքի ու բառի արժեքը չգիտակցելը մեր անվտանգային  համակարգն է փլուզում:

ՀՐԱՆՏ ՍԱՐԱՖՅԱՆ

Այս թեմայով Ով Վանեցյանի կուսակցությունով առաջադրված Լեվոն Վահրադյանը իրականում Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Շոգը նահանջում է, տեղումնաբեր ցիկլոն կներթափանցի Հայաստան․ ջերմաստիճանը կնվազի Վերսկսվել է Հայաստան բնական գազի մատակարարումը «Հյուսիսային Կովկաս – Անդրկովկաս» գազատարով 8000 արցախցի ստացել է բնակարանի սերտիֆիկատ, բայց իրացվել է միայն 4000-ը. Գեղամ Ստեփանյան