Դեկորատիվ ծառատեսա՞կ, թե՞ մահվահ խորհրդանիշ. Հայտնի բնապահպանի ուշագրավ վերլուծությունը

Ճապոնական սակուրաները շուտով կզարդարեն Ալեքսանդր Թամանյանի արձանի շրջակայքը: Երևանի կանաչապատում ՀՈԱԿ-ի աշխատակիցը վստահ է, որ հաստաբուն ծառերը կտրելով ու դրանց փոխարեն սակուրաներ տնկելով՝ կատարում են հայ նոր ճարտարապետության հիմնադրի երազանքը: Էկոլոգները, սակայն, պնդում են, որ վարդագույն սակուրաները չեն կարող նախկին բարձրահասակ ծառերի պես պաշտպանել արևից:  Ըստ քաղաքային իշխանությունների՝ հին ծառերը կենսունակ չեն, ուստի նրանք ցանկանում են դրանք փոխարինել 8-10 տարեկան նոր տնկիներով` ճապոնական սակուրաներով: Ինչքանո՞վ է արդարացված քաղաքապետարանի կողմից իրականացվող ծառերի մասսայական հատումը, ի՞նչ բնապահպանական աղետի հետ կարող ենք գործ ունենալ եւ արդյո՞ք փոխարինվող ծառերը կարող են Հայաստանի կլիմայական պայմաններում կենսունակ մնալ հարցի պատասխանը փորձել ենք ստանալ Հայաստանի կանաչների միության» ՀԿ նախագահ ՀԱԿՈԲ ՍԱՆԱՍԱՐՅԱՆԻՑ, ով նկատեց.

-Այսօր ինչ կատարվում է ՀՀ-ում դա Նիկոլ Փաշինյանի ցանկության-ծրագրի իրականացումն է։ Իսկ Նիկոլ Փաշինյանն իր թիմով հանդերձ, ինչպես ցույց տվեցին վերջին չորս տարիներին Հայոց կյանքում կատարված աղետներն ու ողբերգությունները, Հայաստանում գործող հինգերորդ շարասյուն է։ Պարզ երևում է, որ այդ շարասյունը ՀՀ-ում չի ցանկանում տեսնել՝ հայկական բանակ, Հայաստանի սահմաններ, Հայոց պետություն-պետականություն։ Այս նպատակին սահուն և անաղմուկ հասնելու համար տարբեր ծրագրեր է շրջանառության մեջ դնում, օրինակ, ակադեմիական քաղաք կառուցել և ակադեմիական և բուհական հաստատություններն այդտեղ տեղափոխել, պտղատու այգիները հատել և պետության միջոցներով սերտիֆիկատ ունեցող պտղատու ծառերի տնկիներ տնկել․․․ Մարդկանց խաբելով մոլորեցնելու այս ծրագրերից մեկն էլ Երևանում սակուրա  ծառատեսակի` ( հիշենք, որ այս դեկորատիիվ ծառատեսակը Ճապոնիայում համարվում է մահվան խորհրդանիշ Հ. Ս.)  տարածումն ու երևանցիներին ամառային կիզիչ արևից  պաշտպանող և թթվածին մատակարարող առողջ ծառերի հատումն է։ Հայ ժողովրդի մի զանգվածի համար ծաղկատու և դեկորատիվ նշանակություն ունեցող այդ ծառատեսակի տարածումը Երևանում, հավանաբար կհամարի որպես Նիկոլ Փաշինյանի և նրա թիմի հայրենասիրական դրսևորում և առավել կպաշտի իր կուռքին։ Այդ զանգվածը ամենևին մոռացել է Նիկոլի չար ձեռքով Հայոց հողերի հանձնումը թշնամուն և այդ նույն թշնամու օգտին նրա շարունակական քարոզը։

Սա ինձ հիշեցնում է որոշ երկրներում պտղաբերությանը նվիրված այն  ծեսին, երբ զոհին տարիներ շարունակ քարոզել են, որ հոժարաբար կյանքից զրկվելու դիմաց՝ անդրշիրիմում ապրելու է երանելի կյանքով և հավատալով այդ մահաբեր ստին նա նույնիսկ անաղմուկ, խինդով տանում է իր մաշկազերծումը, նույն ազդեցության տակ են այսօր իշխանականներին հավատացող զանգվածը: