Մեկ էլ հոպ՝ սկսել են քննադատել, կարծես, Երեւանը մինչեւ հիմա ծաղկելով ծաղկում էր. Սոֆյա Հովսեփյան

100 եւ ավել օր Արցախում շրջափակման մեջ գտնվող Սոցիալական զարգացման ծրագրերի հիմնադրամի տնօրեն, ՀՀ ԱԺ նախկին պատգամավոր ՍՈՖՅԱ ՀՈՎՍԵՓՅԱՆԸ գտնում է, որ այնպես չէ, թե Հայաստանում մարդիկ համատարած անտարբեր են արցախյան իրավիճակի նկատմամբ, բայց եւ զարմացած է Երեւանի ավագանու հնարավոր արտահերթ ընտրությունների շուրջ ակտիվ նախընտրական եռազուռից:

— Իրականում այդ ընտրություններով ոչինչ չի փոխվելու, ընդամենն անձերի միջեւ հրմշտոց է, թե ով կլինի քաղաքապետը: Եվ մեկ էլ՝ հոպ, սկսել են քննադատել, թե այս է սխալ, այն է սխալ, կարծես, Երեւան քաղաքը մինչեւ այդ ծաղկելով ծաղկում էր: Իսկ մինչ այս այդ սխալները տեսնող չկար, լսող չկար, միայն քաղաքացիներն էին այդ մասին խոսում: Ու հիմա սկսել են ինչ-որ քաղաքական ուժեր քաղաքային խնդիրներ բարձրաձայնել՝ այն դեպքում, երբ իրենք էլ պակաս հանցագործություններ չեն արել, բայց աչք է փակվել այդ ամենի հանդեպ: Այնպես որ, բոլոր շրջանառվող թեկնածուներն էլ նույն մարդն են:

— Կարծում եք՝ հասարակությանը հաջողվո՞ւմ է շեղել՝ այլ օրակարգեր առաջ մղելով եւ անտարբերության մատնելով շրջափակված Արցախի հարցը:

— Կա մի զանգված, որը միշտ խնդիրը տեսնում է, բարձրաձայնում է, ցավում է, փորձում է օգնել, կանգնել արցախցու կողքին եւ նրա խնդիրները թեթեւացնել: Արցախում մարդիկ իրականում շատ ծանր փակուղու մեջ են եւ այնպես չէ, որ հարմարվել են՝ ո՛չ հոգեբանորեն, ո՛չ կարգավիճակային առումով: Պարզապես, խնդիրն այն է, որ շատերը սկսել են այլընտրանք փնտրել, թե ուր գնան, ինչ անեն, երբ չկա որեւէ հնարավորություն: Վերջիվերջո, շատերը հասկանում են, որ լուծումն Արցախում չէ, այլ Հայաստանում է: Արցախում ակնկալում են աջակցություն Հայաստանից՝  քաղաքական առումով: Այս սպասումը բարդ ու ծանր է, որովհետեւ լուծումներ չեն ուրվագծվում:

ՀՐԱՆՏ ՍԱՐԱՖՅԱՆ

Այս թեմայով Նախկին ոստիկանապետ Արամ Հովհաննիսյանի որդին՝ ՔՊ-ի պատգամավորի թեկնածու «Հրապարակ». Շենգավիթ նախկին ղեկավար, ՔՊ նախկին անդամ Ռազմիկ Մկրտչյանի գործը դատարանում է Ավարտվել է Վաղարշապատի նախկին համայնքապետ Դիանա Գասպարյանի և նրա հետ փոխկապակցված ևս 4 անձանց վերաբերյալ նախաքննությունը Գնացեք կառույցներ ստեղծեք ու պայքարեք Նիկոլի դեմ,ոչ թե կախվեք պաշտոնաթող նախագահներից Քիչ առաջ ArmLur.am-ին հայտնի դարձավ, որ ձերբակալել են ՊԵԿ նախագահի նախկին տեղակալ Վախթանգ Միրումյանին