Ով ում շանս չի թողնի MMA-ում. Ունանյանն ընդդեմ Օլեյնիկի

Մարտի 26-ին Հայաստանում տեղի կունենա «Doping time»  MMA միջազգային մրցաշարը, որը կկայանա Էջմիածին քաղաքի «Համլետ Պատուրյան» մարզադահլիճում։ Հեղինակավոր միջազգային մրցաշարին կմասնակցեն մարզիկներ 5 երկրից:

Հայաստանում սպասվելիք MMA միջազգային այս մրցաշարը կեզրափակվի սպորտային կարատեի աշխարհի և Եվրոպայի չեմպիոն, Հայաստանի կարատեի միության հիմնադիր Կամո Ունանյանի MMA-ի դեբյուտային մենամարտով, որը կլինի երեկոյի գլխավոր մենամարտը։ Կամոն կմրցի ռուս մարզիկ Դանիլ Օլեյնիկի հետ, որը ռուսական «Hard core» անվանի ընկերությունում ունի մի քանի հաղթանակներ։ Այս մասին տեղեկացնում են Հայաստանի կարատեի միությունից:

Մինչ մենամարտը՝ մրցաշարի գլխավոր «հերոսները», կարծես թե, սկսել են հեռակա պայքարը: Դանիլ Օլեյնիկն արդեն հայտարարել է, որ հաղթանակի շանսեր չի թողնելու Կամո Ունանյանին. «MMA-ն կարատե չէ, հաղթանակի համար Կամոյին որևէ շանս չեմ թողնելու»։

Օլեյնիկին ի պատասխան՝ Ունանյանը ամենայն վստահությամբ՝ պատասխանել է. «Թե ով՝ ում շանս չի թողնի՝ կերևա մենամարտից հետո»։ 

Նշենք, որ MMA միջազգային այս մրցաշարի արդյունքները տեղ կգտնեն MMA-ի  համաշխարհային լրահոսում։

Այս թեմայով Այսօր իր տարեդարձն է նշում մարդ, ով ներդաշնակ կերպով համադրում է առաջնորդության տեսլականը, սկզբունքային մոտեցումը և մարդկային բարձր արժեքները «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Հայտնի է մարզպետից՝ համայնքապետ ձգտման պատճառը CSI-ն Հայաստանի իշխանություններին կոչ է անում հարգել Եկեղեցու ինքնավարությունը Ռուսաստանում Հայաստանի դեսպանությունը ժամանակավորապես կդադարեցնի անձնագրերի տրամադրման ծառայությունը