Բաքու-Ստեփանակերտ բանակցությունները չարիք են. Մամիջանյան

Ըստ ԱԺ «Պատիվ ունեմ» խմբակցության քարտուղար ՀԱՅԿ ՄԱՄԻՋԱՆՅԱՆԻ, Ռուսաստանի Դաշնությունն աշխարհում այսօր ամենաշատն է խոսում ինքնորոշման իրավունքի մասին, եւ հասկանալի չէ, թե Հայաստանի Հանրապետությունն ինչո՞ւ չի կարողանում սա օգտագործել, երբ արցախյան գործընթացի հիմքում hենց ինքնորոշման իրավունքն է:

— Առնվազն հետագայում ինքնորոշման իրացման հույսով հանդերձ` ՀՀ իշխանությունն իրեն անհասկանալի պահեց եւ Արցախի հակամարտության հետ կապ չունեցող Ալմա-Աթայի հռչակագիրը բերեց-մտցրեց օրակարգ: Անգամ Ադրբեջանը նման բան չարեց: Պրահայում իշխանությունը դա ստորագրեց: Ամենաահավորը, որ ՔՊ-ից չկա մի շնչավոր էակ, որը կխոսեր ինքնորոշման իրավունքի մասին:

— Իսկ ի՞նչ կասեք Ստեփանակերտ-Բաքու երկխոսության մասին` հաշվի առնելով, որ այն, կարծես թե, ողջունվեց նաեւ ՌԴ ԱԳ նախարարի կողմից:

— Բաքու-Ստեփանակերտ բանակցությունները չարիք են, որովհետեւ Արցախն այդպես հավասարը հավասարի հետ չի բանակցում Ադրբեջանի հետ: Փաշինյանն ասաց, որ պայմանավորվել էին տեխնիկական-հումանիտար հարցերի շուրջ, մինչդեռ Ադրբեջանն այն դարձրեց «վերաինտեգրում»: Սուտ է ասում, որովհետեւ նոյեմբերի 9-ից Ադրբեջանի բոլոր պաշտոնյաները քանիցս ասել են, որ Ստեփանակերտի հետ բանակցելու են բացառապես «վերաինտեգրացիայի» տրամաբանության մեջ: Ուստի` իշխանությունը դա գիտեր ու գիտակցաբար տարել էր դեպի «վերաինտեգրացիա», ինչը Ալեն Սիմոնյանը չբացառեց:

ՀՐԱՆՏ ՍԱՐԱՖՅԱՆ

Այս թեմայով Եթե այս վաստակաշատ մարդու պես մի հազար հոգի նվիրյալ կառավարիչներ լինեն կապրենք այլ Հայաստանում.Հայտնի փաստաբանի ուշագրավ գրառումը «Բենզին հողի դիմաց» օպերացիա. ԸՆԿԵՐ ՓԱՆՋՈՒՆԻ Բռնությունը չունի արդարացում, մեղավոր է բռնարարը․ բլոգեր Հայկ Մկրտչյանը անդրադարձել է Մարի Պետրոսյանի սկանդալային միջադեպին «Ժողովուրդ». Հայկ Կոնջորյանի` շքեղ առանձնատան աղմկահարույց պատմությունը նոր զարգացում ունի «Իրավունք». «Ազգային առաջընթաց»-ի բացահայտ հետընթացը