Կառավարության «առուն» եկեղեցու «առվով» չհոսելու հակառակ կողմը

Նի­կոլ Փա­շի­նյա­նի վեր­ջին ա­սու­լի­սի ժա­մա­նակ հարց է հնչում, թե ինչ հա­րա­բե­րու­թյուն­ներ են Մայր Ա­թո­ռի եւ կա­ռա­վա­րու­թյան մի­ջեւ, ին­չու հո­գե­ւոր եւ աշ­խար­հիկ իշ­խա­նու­թյուն­նե­րի «ջրե­րը մեկ առ­վով չեն հո­սում», եւ ար­դյոք առ­կա՞ են ո­րոշ տա­րա­ձայ­նու­թյուն­ներ: Նա էլ պա­տաս­խա­նում է, թե ին­քը լավ չի հաս­կա­նում այդ ինս­տի­տու­տը, եւ որ Հա­յաս­տա­նում կա մեկ իշ­խա­նու­թյուն, ո­րը պատ­կա­նում է ժո­ղովր­դին: Իսկ Իշ­խա­նու­թյան եւ Մայր Ա­թո­ռի տա­րա­ձայ­նու­թյուն­նե­րի վե­րա­բե­րյալ Փա­շի­նյա­նը նշում է, որ դրանք տար­բեր ա­ռու­ներ են, եւ մատ­նան­շում, որ ՀՀ-ն աշ­խար­հիկ եւ ժո­ղովր­դա­վար պե­տու­թյուն է, ու սրա­նով ա­մեն ինչ աս­ված է: 

Հե­տաքրք­րա­կան է, որ Փա­շի­նյանն, ըստ է­ու­թյան, այս հար­ցին չպա­տաս­խա­նեց, մի­այն զար­մա­ցած հա­յաց­քով փոր­ձեց լրագ­րո­ղին բա­ցատ­րել, որ ին­քը չի հաս­կա­նում զու­գա­հեռ­նե­րը ե­կե­ղե­ցու եւ ՀՀ իշ­խա­նու­թյան: Շուրջ 4 տա­րի իշ­խա­նու­թյան ղե­կին գտնվող Փա­շի­նյա­նը, ո­րը ժա­մա­նա­կին ի­րեն հա­մե­մա­տում էր Պապ թա­գա­վո­րի հետ (առան­ձին դեպ­քե­րում՝ Հի­սու­սի եւ այս վեր­ջում՝ Աստ­ծո), ով լի­նե­լով աշ­խար­հիկ պե­տու­թյան ղե­կա­վար՝ տա­ղա­վար տո­նե­րին իր ֆեյս­բու­քյան է­ջում մեզ էր նվի­րում սաղ­մոս­նե­րի ան­գիր տեքս­տեր, ով ժո­ղովր­դա­վար պե­տու­թյան մեջ խու­սա­նա­վում էր մաս­նակ­ցել Սուրբ պա­տա­րագ­նե­րին, այ­սօր պարզ­վում է՝ շատ զար­մա­ցած է՝ լսե­լով հո­գե­ւոր իշ­խա­նու­թյան մա­սին, ու դեռ իր ըն­կա­լու­մով լրագ­րո­ղը սխալ զու­գա­հեռ­ներ է տա­նում հո­գե­ւոր եւ աշ­խար­հիկ իշ­խա­նու­թյուն­նե­րի մի­ջեւ:

Ժա­մա­նա­կին ի­րեն Հայ Ե­կե­ղե­ցու զա­վակ հոր­ջոր­ջած Փա­շի­նյանն ան­գամ տե­ղյակ չէ, որ ե­կե­ղե­ցին ու­նի նվի­րա­պե­տա­կան կարգ, եւ որ այդ նվի­րա­պե­տու­թյունն է ձե­ւա­վո­րում հո­գե­ւոր իշ­խա­նու­թյու­նը, եւ որ ոչ բո­լոր իշ­խա­նու­թյուն­ներն են ձե­ւա­վոր­վում ընտ­րե­լու եւ ընտ­րու­թյան մի­ջո­ցով: Կան իշ­խա­նու­թյուն­ներ, ո­րոնք տրվում են Աստ­ծուց՝ ոչ թե ի նշան ղե­կա­վա­րե­լու, նախ­կին­ներ ու ներ­կա­ներ ա­նե­լու, ոս­տի­կան­նե­րով տե­ղա­շարժ­վե­լու, այլ ո­րոնք ա­ռա­քե­լու­թյուն են են­թադ­րում եւ իբ­րեւ լուծ դրվում մարդ­կանց պար­տա­կա­նու­թյուն­նե­րի մեջ:

Ին­չե­ւէ, երկ­րի ղե­կա­վա­րի պար­զամ­տու­թյու­նը ար­տա­հայ­տիչ կեր­պով ի­րեն զգաց­նել է տա­լիս բո­լոր աս­պա­րեզ­նե­րում: Ցա­վոք, բայց այ­սօր­վա ՀՀ իշ­խա­նու­թյուն­նե­րը չուն­նեն բազ­մա­շերտ մտա­ծո­ղու­թյան աս­պեկտ­ներ, իսկ ի­րենց ղե­կա­վար Փա­շի­նյանն այս հար­ցում չու­նի նա­եւ մրցա­կից, ո­րով­հե­տեւ յուր­քան­չյուր բնա­գա­վա­ռի մի­ջի­նից ցածր մա­կար­դակ ու­նե­ցող ան­ձը Փա­շի­նյա­նի աչ­քե­րում ա­կա­դե­միկ է հի­շեց­նում: Սա է պատ­ճա­ռը, որ այ­սօր կադ­րե­րի ընտ­րու­թյան հար­ցում ՀՀ իշ­խա­նու­թյուն­ներն այն­պի­սի քա­ղա­քա­կա­նու­թյուն են վա­րում, որ գրե­թե բո­լոր կա­յա­ցած ինս­տի­տուտ­նե­րը մեր աչ­քի ա­ռաջ կոր­ծան­վում են: Բո­լոր բա­րե­փո­խում­նե­րը ա­վարտ­վում են չա­րա­փո­խու­թյամբ: Փա­շի­նյանն ան­գամ չգի­տի, որ Հայ Ե­կե­ղե­ցին ՀՀ Սահ­մա­նադ­րու­թյամբ, ո­րին ին­քը հղում է ա­նում, ու­նի բազ­մա­թիվ ար­տո­նու­թյուն­ներ, եւ որ ին­քը՝ Փա­շի­նյա­նը, այ­սօր պետք է ժա­մե­րով պատ­մեր, թե որ­քան շատ «առու­ներ» կան, ո­րոնք հո­սում են իշ­խա­նու­թյան եւ ե­կե­ղե­ցու մի­ջեւ: Ցա­վա­լի­ո­րեն, բայց Փա­շի­նյա­նը ան­գամ չու­նի հա­մար­ձա­կու­թյուն` հաս­ցե­կան խո­սե­լու եւ իր ա­սե­լիք­նե­րը ձե­ւա­կեր­պե­լիս՝ հստա­կու­թյուն բե­րե­լու, ո­րով­հե­տեւ իր խոս­քից տպա­վո­րու­թյուն էր, թե ՀՀ իշ­խա­նու­թյուն­նե­րը ու­նե­նա­լով ժո­ղովր­դա­վա­րու­թյուն՝ գտնվում են ան­բա­ցատ­րե­լի բար­ձունք­նե­րում, իսկ Հայ Ե­կե­ղե­ցին ան­գամ ի­րեն ծա­նոթ էլ չէ:

Ծի­ծաղ ա­ռա­ջաց­նող այս պահ­ված­քը խո­սում է այն մա­սին, որ այս մար­դիկ ան­գամ չգի­տեն ինչ է ժո­ղովր­դա­վա­րու­թյու­նը, ո­րով­հե­տեւ ե­թե Փա­շի­նյա­նի հա­մար ժո­ղովր­դա­վա­րու­թյու­նը եվ­րո­պա­կան տար­բեր կոն­վե­ցյա­նե­րի վա­վե­րա­ցումն է, ա­պա իս­կա­կան ժո­ղովր­դա­վա­րու­թյու­նը հենց ե­կե­ղե­ցու հա­մայ­նա­վա­րա­կան կյանքն է, որ­տեղ չկան նախ­կին­նե­րի եւ ան­կիրթ ու գռե­հիկ ներ­կա­նե­րի հե­տե­ւորդ­ներ, այլ բո­լո­րը հա­վա­սար են, ո­րով­հե­տեւ նպա­տակն է հա­վա­սա­րաց­նում այդ մարդ­կանց: Իսկ Փա­շի­նյա­նի ժո­ղովր­դա­վար պե­տու­թյան մեջ նման հաս­կա­ցո­ղու­թյուն չկա. առն­վազն 120 հա­զար ՀՀ անձ­նա­գիր ու­նե­ցող քա­ղա­քա­ցի Ար­ցա­խում այս ոչ հա­վա­սար պայ­ման­նե­րում է ապ­րում մնա­ցած 3 մի­լի­ո­նի հետ: Հե­տե­ւա­պես, որ­տե՞ղ է ժո­ղովր­դա­վա­րու­թյու­նը…

ՀՐԱՆՏ ՍԱ­ՐԱ­ՖՅԱՆ

Այս թեմայով «Լեվ Գրուպը» մտնում է նոր տարի՝ ամուր մնալով օրենքին, արդարությանը և օրինապաշտ քաղաքացու գաղափարին.Բացառիկ զրույց հայտնի փաստաբանի հետ Նիկոլ Փաշինյանն այս կիրակի պատարագի կմասնակցի Գառնիի Սուրբ Աստվածածին եկեղեցում Փաշինյանը նշեց Ալիևին անընդհատ շնորհակալություն հայտնելու պատճառները. Տեսանյութ Պուտինի հետ քննարկել ենք տարածաշրջանի դրական փոփոխությունները և նոր հնարավորությունները․ Փաշինյան Ալիևին շնորհակալություն եմ հայտնում, որովհետև երեք կարևոր արգելք է հանվել. Փաշինյան