Մշակույթի վաստակավոր գործիչ Վիգեն Ղազարյանը նշում է ծննդյան 80-ամյակը

Մարտի 16-ին, ժամը՝ 14.00-ին Հայաստանի գեղարվեստի պետական ակադեմիայի ցուցասրահում տեղի կունենա մշակույթի վաստակավոր գործիչ, արվեստագիտության դոկտոր, պրոֆեսոր, ԳԱԱ թղթակից անդամ Վիգեն Հովհաննեսի Ղազարյանի 80-ամյա հոբելյանին նվիրված միջոցառում:

Վիգեն Ղազարյանը ծնվել է 1943 թ. Երևանում: Ավարտել է Աղասի Խանջյանի անվան թիվ 53 հայկական միջնակարգ դպրոցը: 1965-ին ավարտել է Խ. Աբովյանի անվան հայկական մանկավարժական ինստիտուտի նկարչության և մեթոդիկայի բաժինը, 1965-1966թ.թ. աշխատել է «Արմենպրես»-ում որպես թարգմանիչ և խմբագիր, 1968թ. հայկական սովետական հանրագիտարանում որպես խմբագիր, 1969թ. Հայաստանի ազգային պատկերասրահում որպես էքսկուրսավար, 1970-73 թ.թ. ՀՀ ԳԱԱ Արվեստի ինստիտուտի ասպիրանտ, 1975-ին պաշտպանել է թեկնածուական ատենախոսություն՝ «Սարգիս Պիծակ» թեմայով ՀՀ ԳԱԱ Արվեստի ինստիտուտում, այնուհետև նույն ինստիտուտում կրտսեր, ապա ավագ գիտաշխատող, 1988թ. առ այսօր նույն ինստիտուտի կերպարվեստի բաժնի վարիչ, 1999թ. առ այսօր ԵԳՊԱ (Երևանի գեղարվեստի պետական ակադեմիա) արվեստի պատմության և տեսության ամբիոնի վարիչ, 1998թ. Սանկտ Պետերբուրգի Հումանիտար գիտությունների ակադեմիայի ակադեմիկոս, 1990-2000-ական թ.թ. ՀՀ կառավարությանն առընթեր գիտական թեմաների հաստատման հանձնաժողովի անդամ, 1992թ. ՌԴ մշակույթի նախարարությանն առընթեր արվեստագիտության ինստիտուտում պաշտպանել է դոկտորական ատենախոսություն՝ «Խորանների մեկնությունները» թեմայով, ստանալով արվեստագիտության դոկտորի գիտական աստիճան, 2000թ. ստացել է ՀՀ ԲՈՀ-ի կողմից պրոֆեսորի կոչում, 2010թ. ընտրվել է ՀՀ ԳԱԱ թղթակից անդամ: Անդամ է մի շարք գիտական խորհուրդների` ՀՀ ԳԱԱ արվեստի ինստիտուտ, ՀԳՊԱ, ՀՀ ազգային պատկերասրահ, ինչպես նաև ՀՀ գրողների միության և ՀՀ նկարիչների միության անդամ է:

Պարգեւներ (գիտական, պետական)՝

2003- ՀՀ ԳԱԱ պատվոգիր 2006- ՀՀ մշակույթի վաստակավոր գործչի պատվավոր կոչում

2008- ՀՀ կրթության և գիտության նախարարության հուշամեդալ 2009- ՀՀ պետական մրցանակի դափնեկիր

2011- ՀՀ վարչապետի հուշամեդալ 2013- ՀՀ գրողների միության մեդալ գրական վաստակի համար,

2013- ՀՀ մշակույթի նախարարության պատվոգիր և «Գրիգոր Նարեկացի» հուշամեդալ 2018- ՀՀ ԳԱԱ վաստակագիր

2022թ. - ՀՀ ԳԱԱ գիր գնահատանքի

Այս թեմայով Սի Ցզինպինը 10 տարվա ընթացքում առաջին անգամ պետական ​​այցով կժամանի Միացյալ Նահանգներ Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը