600 հազար ընտրողը մի ամբողջ պետություն է վստահել մի մարդու, ով ի վիճակի չէ անգամ իր բնակարանը վաճառել

Փաշինյանի երեկվա ասուլիսն ի տարբերություն այլ մեկտեղանոց ասուլիսնների՝ խիստ տարբերվող էր: Այս անգամ Փաշինյանը ոչ թե պատասխանում էր, այլ փնտրում էր պտտեցնող պատասխաններ: Սա այնքան ակնհայտ էր, որ տեղ-տեղ կմկմոցները հուշում էին, որ հարցադրումները խիստ դիպուկ էին: Սակայն, այս ասուլիսում մի իրողություն կար, որ կիսով չափ դուրս մնաց մարդկանց ուշադրությունից:

Այս անգամ Փաշինյանն իրեն իր թմակիցների առաջ Աստված էր պատկերացնում: Զավեշտալին այն էր, որ տարված Պապիկյանին պաշտպանելու ցանկությամբ՝ Փաշինյանը հայտարարեց, թե արդեն մեկ տարի է չի կարողանում իր բնակարանը վաճառել, որպեսզի ինքն էլ օգտվի (հավանաբար ուզում էր ասել, որ մի 500 հազար դոլար իրեն վարկ հատկացնեն), ավելին՝ պարզվեց, որ այս հարցում իր տղա Աշոտն է զբաղվում: ՀՀ ղեկավարի այսչափ անկարողությունը զուգորդված տկար փաստերով՝ պարզապես լսողների մոտ բազմաթիվ հարցեր է առաջացնում:

Ստացվում է՝ 600 հազար ընտրողը մի ամբողջ պետություն է վստահել մի մարդու, ով ի վիճակի չէ անգամ իր բնակարանը վաճառել եւ հիմա հանրային ռեսուրսները չարաշահելով՝ առնվազն գովազդում է բնակարանի վաճառք:

ՀՐԱՆՏ ՍԱՐԱՖՅԱՆ