Այս օրերին տեղի է ունենում Արցախի պաշտոնապես հանձնում. Նաիրա Զոհրաբյան

Նիկոլ Փաշինյանը երեկ ասուլիսի ժամանակ, ըստ էության, հայտարարեց, որ Արցախի վերաբերյալ իր իշխանության հրապարակային դիրքորոշումը նույնն է մնացել: Ըստ նրա` ԼՂ ժողովրդի անվտանգության եւ իրավունքների հարցը պետք է հասցեագրվի, ու հարցի առաջնային շահառուն պետք է լինի ԼՂ ժողովուրդը: Նրա գնահատմամբ` այդ հարցը միջազգային մեխանիզմներով պետք է դիտարկվի Բաքու-Ստեփանակերտ հարթության մեջ: Անդրադառնալով վերոնշյալին` «Անվտանգություն եւ ժողովրդավարություն» ՀԿ նախագահ ՆԱԻՐԱ ԶՈՀՐԱԲՅԱՆՆ ասաց, որ Նիկոլ Փաշինյանի դիրքորոշումը նույնը չի մնացել, ավելին` նա ստում է:

— Անգամ «Արցախը Հայաստան է եւ վերջ»-ից հետո` 2021-ի խորհրդարանական խայտառակ ընտրության նախընտրական ծրագրում իր դիրքորոշումը բոլորովին այլ էր: Իր դիրքորոշումը Արցախի ինքնորոշման իրավունքն էր, որը ընդամենը հիմա դարձավ՝ «Արցախ, գնա, պայմանավորվի Ալիեւի հետ, որ ձեզ չմորթեն»: Նա ստում է, որովհետեւ 2021 թվականին 680 հազար քաղաքացի իրեն քվե է տվել, որովհետեւ խոսել է Արցախի ինքնորոշման իրավունքից, Շուշիի եւ Հադրութի դեօկուպացիայից: Ու հիմա Արցախ էլ չի ասում, ասում է Լեռնային Ղարաբաղի ժողովրդի ներկայացուցիչ: Ակնհայտ է, որ այս օրերին տեղի է ունենում Արցախի պաշտոնապես հանձնում: Իսկ զուգահեռ Նիկոլ Փաշինյանն ասում է՝ մենք այլ տարբերակ չունենք, մենք գնում ենք երկրորդ, ամենավերջնական կապիտուլյացիային, որը նշանակելու է Արցախի դե յուրե հանձնում եւ Հայաստանի պետականության ավարտ:

ՀՐԱՆՏ ՍԱՐԱՖՅԱՆ

Այս թեմայով Թուրքական ավիաընկերությունները չեղարկել են դեպի Իրան չվերթները. վերադարձվել է ավելի քան 50.000 տոմս «Իրավունք». Ով է Վանեցյանի կուսակցությունով առաջադրված Լեվոն Վահրադյանը Կրակոցներ Թուրքիայի դպրոցներից մեկի բակում. ուսուցիչ է մահացել 3833 զոհ, 191 անհայտ կորած. 44-օրյա պատերազմից անցել է վեց տարի Արթուր Վարդանյանի կյանքին վտանգ է սպառնում. Փաստաբան