Նիկոլ Փաշինյանը բացահայտ ստախոս է. Մելիք-Շահնազարյան

«Եթե ՀԱՊԿ-ից պաշտոնական Երեւանը հրաժարվում է, նշանակում  է, որ մենք հրաժարվում ենք մեր անվտանգության ապահովության եւս մեկ գործոնից»,-«Իրավունքի» հետ զրույցում անդրադառնալով Նիկոլ Փաշինյանի այն հայտարարությանը, թե ոչ թե Հայաստանն է հրաժարվում ՀԱՊԿ-ից, այլ՝ ՀԱՊԿ-ն է հեռանում Հայաստանից, նման տեսակետ է հայտնեց «Ոսկանապատ» վերլուծական կենտրոնի ղեկավար, քաղաքագետ ՀՐԱՆՏ ՄԵԼԻՔ-ՇԱՀՆԱԶԱՐՅԱՆԸ:

— «Ոչ թե Հայաստանն է ՀԱՊԿ-ից դուրս գալիս, այլ ՀԱՊԿ-ն է կամա թե ակամա դուրս գալիս Հայաստանից». ասուլիսի ժամանակ նման հայտարարություն է արել Նիկոլ Փաշինյանը, արդյո՞ք պատկերը հենց այսպիսին է:

— Նիկոլ Փաշինյանը բացահայտ ստախոս է եւ իրողությունները ամեն կերպ խեղաթյուրում է, սա կարծում եմ` նորություն չէ, հիմա թե ինչ  նկատի ունի` ասելով, թե ՀԱՊԿ-ն է դուրս գալիս Հայաստանից, դժվար է ասել, ինչի՞ վրա է ինքը հենվում, բայց ես գիտեմ, որ Հայաստանի իշխանությունները ամեն ինչ անում են ՀԱՊԿ-ի հետ հարաբերությունները սառեցնելու համար, վերջերս էլ հրաժարվեցին ՀԱՊԿ-ի փոխքարտուղարի քվոտայից: Շատ ակնհայտ ու պարզ է, թե ով ինչ քայլեր է անում:

— Արդյո՞ք այստեղ ապառուսականացման միտում չկա, եւ այս քայլերը ի՞նչ հետեւանք կթողնեն Հայաստանի վրա:

— Ես ապառուսականացում տերմինը լավ չեմ հասկանում, որովհետեւ Հայաստանում ռուսական որեւէ բան չկա, սակայն, որ ՀԱՊԿ-ը մեր անվտանգային համակարգի ինչ-որ մասնիկն է, դիվանագիտական, նաեւ ռազմական տեսակետից կարեւոր, որովհետեւ թույլ է տալիս ՀԱՊԿ-ի ստանդարտներին համապատասխան բանակ կառուցել,զորավարժություններ անցկացնել, օգտագործել ՀԱՊԿ անդամ, հիմնականում Ռուսաստանի ռեսուրսները, սրանք փաստեր ու իրողություններ են: Եթե դրանից պաշտոնական Երեւանը հրաժարվում է, նշանակում  է, որ մենք հրաժարվում ենք մեր անվտանգության ապահովության եւս մեկ գործոնից, ինչը իհարկե, բազում վտնագներով է հղի Հայաստանի համար: Փաշինյանի կառավարության քաղաքականության ուղղություններից մեկը Ռուսաստանին տարածաշրջանից դուրս հանելն է, եւ եթե Հայաստանը փորձում է կա՛մ կազմաքանդել, կա՛մ դուրս գալ ՀԱՊԿ-ից, միանշանակ այն վնասելու է ՌԴ ներկայությանը տարածաշրջանում, բայց առաջին հերթին մեր անվտանգային համակարգին ենք հարվածելու:

— Կարելի՞ է եզրակացնել, որ ՀՀ իշխանությունները նոր գործընկերներ են գտել:

— Այո, որ փորձում են անվտանգությունը փոխարինել ԵՄ դիտորդներով, փաստ է: Այսինքն` պաշտոնական Երեւանը արտաքին քաղաքականության վեկտոր է փոխում, նաեւ փորձում է անվտանգային նոր մեխանիզմներ ձեւավորել: Իմ կարծիքով` սա ոչ մի տեղ չտանող ճանապարհ է, մանավանդ այս իրավիճակում, երբ պատերազմի վտանգը չափազանց մեծ է, եւ դրա մասին շատ բաց խոսում է հենց Նիկոլ Փաշինյանը, հետեւապես նման քայլերը ճակատագրական կլինեն Հայաստանի համար:

Ս. ԱՍԱՏՐՅԱՆ

Այս թեմայով ՀՀ-ի՝ TRIPP-ից շրջանառության օգուտը կարող է կազմել 10 միլիոն դոլար, որը հավասար է մի խանութի տարեկան շրջանառության․ Հրանտ Միքաելյանը փակագծեր է բացում Եվրոպան գնում է դեպի ներքին արյունահեղություն. Քաղաքագետ Ռուսական կողմը վերահսկողություն է հաստատել ևս 3 բնակավայրի նկատմամբ ՀԱՊԿ երկրների զորախմբերը ժամանել են Ռուսաստան՝ զորավարժությունների մասնակցելու համար «Միասնական Ռուսաստանը» ռեկորդային թվով մանդատներ է ապահովել Պետդումայի ընտրություններում