Առանց Արցախի հարցի՝ բացառված է, որ այս տարածաշրջանում կայունություն հաստատվի. Շահնազարյան

ԱԱԾ նախկին տնօրեն ԴԱՎԻԹ ՇԱՀՆԱԶԱՐՅԱՆԻ գնահատմամբ՝ մինչեւ 2018 թվականի իշխանափոխությունը Հայաստանը Լեռնային Ղարաբաղի հիմնախնդրի հարցում միշտ բանակցել է արժանապատվությամբ: Թեպետ մեր թշնամիները ատել են մեզ, բայց նաեւ հարգել են, մինչդեռ հիմա աղետի մեջ ենք:

— Մենք ստորանում ենք անընդհատ: Արցախի շրջափակման պայմաններում հսկայական օգնություն է ուղարկվում Թուրքիային, ընդ որում՝ ցուցադրաբար: Շատերը լավ հիշում են, որ մոտ 2-3 ամիս առաջ Թուրքիայի բարձրաստիճան պաշտոնատար անձերից մեկը հայտարարեց, որ թուրքական անօդաչուները 2020-ի 44-օրյայի ընթացքում ոչնչացրել են Ադրբեջանի թիրախների 75%-ը: Ավելացնեմ մի բան, որ շատերը չգիտեն՝ 44-օրյայի ընթացքում Ադրբեջանը ոչ մի թուրքական անօդաչու թռչող սարք չի ունեցել: Դրանք բոլորը եղել են թուրքական եւ կառավարվել են թուրք սպաների կողմից: Ես պատասխանատու եմ իմ այս հայտարարության համար: Հիմա այսպես ստորանալը ավելի ծանր է, քան պատերազմի կորուստը: Կարելի է պարտվել, բայց արժանապատվությունը պետք է պահել: Հետեւապես, որքան էլ փորձեն համոզել Արցախի իշխանություններին, որ նրանք հայտարարեն, թե համաձայն են լինել Ադրբեջանի կազմում, եւ ես չեմ բացառում, որ Արցախի ներկայիս իշխանությունները նման հայտարարություն կանեն, բայց դա էլ Արցախի հարցի փակում չի նշանակում, ամեն ինչ որոշելու է արցախցին: Դա էլ չի նշանակելու, որ Լեռնային Ղարաբաղի հարցը փակված է: Եվ այդ մտածելակերպը, թե այդպես Լեռնային Ղարաբաղի հարցը կփակվի, այդպես կարծելով սխալվում են թե՛ Բաքվում, թե՛ Անկարայում, թե՛ կառավարության շենքում, նաեւ` Մոսկվայում… Չի փակվելու Արցախի հարցը: Առանց Արցախի հարցի՝ բացառված է, որ այս տարածաշրջանում կայունություն հաստատվի:

ՀՐԱՆՏ ՍԱՐԱՖՅԱՆ

Այս թեմայով Հայտնի է մարզպետից՝ համայնքապետ ձգտման պատճառը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց «Ռոսատոմ»-ի գլխավոր տնօրեն Ալեքսեյ Լիխաչովը. նա կհանդիպի Փաշինյանի հետ ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Իրավունք». Ով է Վանեցյանի կուսակցությունով առաջադրված Լեվոն Վահրադյանը