Շատ վտանգավոր հայտարարություններ.Ինչ տվեց Նիկոլի բեռլինյան այցը

«Իրա­վունք TV»-ի տա­ղա­վա­րում զրու­ցել ենք «Ուժեղ Հա­յաս­տան Ռու­սաս­տա­նի հետ. հա­նուն նոր Մի­ու­թյան» շարժ­ման գոր­ծա­դիր կո­մի­տե­ի ան­դամ, ՍԻՄ կու­սակ­ցու­թյան նա­խա­գահ ՀԱՅԿ ԲԱ­ԲՈՒ­ԽԱ­ՆՅԱ­ՆԻ հետ:

— Բաք­վում տե­ղի ու­նե­ցավ Լավ­րով-Բայ­րա­մով, իսկ Նյու-Դե­լի­ում Միր­զո­յան-Լավ­րով հան­դի­պու­մը: Ի՞նչ կա­սեք նախ Ռու­սաս­տա­նի եւ Ադր­բե­ջա­նի ԱԳ նա­խա­րար­նե­րի, ա­պա ՌԴ-ի եւ Հա­յաս­տա­նի ԱԳ նա­խա­րար­նե­րի երկ­կողմ հան­դի­պում­նե­րի մա­սին:

— Սեր­գեյ Լավ­րո­վը գնում է Բա­քու, բայց որ­պես­զի ՀՀ արտ­գործ­նա­խա­րա­րը հան­դի­պի նրան, ստիպ­ված է լի­նում մեկ­նել Հնդկաս­տան: Հա­յաս­տանն այ­լեւս հե­տաքրք­րու­թյուն չի ներ­կա­յաց­նում  ռու­սա­կան մեծ քա­ղա­քա­կա­նու­թյան հա­մար: Դաշ­նակ­ցա­յին հա­րա­բե­րու­թյուն­նե­րի նկատ­մամբ այս­պի­սի ար­հա­մա­րհան­քին ու կեց­ված­քին, ո­րը կա Հա­յաս­տա­նի ա­րեւմ­տա­մետ իշ­խա­նու­թյուն­նե­րի կող­մից, մենք ստա­նում ենք ար­դեն շատ ու­ղիղ պա­տաս­խան­ներ: Ցա­վոք, Հա­յաս­տանն այս­պի­սի խղճուկ վի­ճա­կում է հայտն­վել ա­պի­կար, անգ­րա­գետ եւ նույ­նիսկ մարդ­կա­յին ո­րակ­նե­րից զուրկ իշ­խա­նա­վոր­նե­րի պատ­ճա­ռով: Եվ պա­տա­հա­կան չէ, որ Լավ­րովն ա­սաց, թե Նի­կո­լի խղճին  են մնում այն բո­լոր հար­ցե­րը, ո­րոնք ի հայտն են ե­կել:

— Նա­խորդ շա­բաթ Գեր­մա­նի­ա­յում էր Նի­կոլ Փա­շի­նյա­նը, եւ նրա հետ հա­մա­տեղ ա­սու­լի­սի ժա­մա­նակ կանց­լեր Օ­լաֆ Շոլ­ցը հայ­տա­րա­րեց, թե՝ «Անհրա­ժեշտ է հաս­նել խա­ղաղ հան­գու­ցա­լուծ­ման՝ Հա­յաս­տա­նի եւ Ադր­բե­ջա­նի տա­րած­քա­յին ամ­բող­ջա­կա­նու­թյան, ինչ­պես նա­եւ Լեռ­նա­յին Ղա­րա­բա­ղի քա­ղա­քա­ցի­նե­րի ինք­նո­րոշ­ման տե­սան­կյու­նից: Ընդ ո­րում՝ այս բո­լոր սկզբունք­նե­րը հա­վա­սա­րա­զոր են»: Փաս­տո­րեն, մի՞ֆ էր, որ Փա­շի­նյանն ԱԺ ամ­բի­ո­նից հայ­տա­րա­րում էր, որ՝ «Մի­ջազ­գա­յին հան­րու­թյու­նը մեզ կրկին ա­սում է՝ մի փոքր ի­ջեց­րեք Լեռ­նա­յին Ղա­րա­բա­ղի կար­գա­վի­ճա­կի հար­ցում ձեր նշա­ձո­ղը», ե­թե այ­սօր Գեր­մա­նի­ան է բարձ­րա­ձայ­նում ինք­նո­րոշ­ման ի­րա­վուն­քի մա­սին:

— Նշա­ձո­ղի պա­հանջ, ե­րե­ւի, դրել են Թուր­քի­ան եւ Ադր­բե­ջա­նը, ո­րոնք Նի­կո­լի հա­մար հենց այն մի­ջազ­գա­յին հան­րու­թյունն է, ով կա­րող է թե­լադ­րել, թե ինչ­պի­սի կեց­վածք պետք է ըն­դու­նի: Նի­կո­լը գո­նե պա­տե­րազ­մից հե­տո եր­բեք Ար­ցա­խի ինք­նո­րոշ­ման մա­սին ան­գամ  ծպտուն չի հա­նել: Նույն Գեր­մա­նի­ա­յում խո­սե­լով Ար­ցա­խի մա­սին՝ նա ա­սում էր, որ պետք է պաշտ­պան­վեն ոչ թե Ար­ցա­խի Հան­րա­պե­տու­թյան, այլ Լեռ­նա­յին Ղա­րա­բա­ղի հա­յու­թյան անվ­տան­գու­թյան ե­րաշ­խիք­նե­րը, ի­րա­վունք­նե­րը: Այ­սինքն՝ խոսքն այն մա­սին է, որ Նի­կո­լը հանձ­նել է Ար­ցա­խը եւ հի­մա, ուղ­ղա­կի, այդ­տեղ կա ազ­գա­յին փոքր­ամաս­նու­թյուն, ո­րի նկատ­մամբ Ադր­բե­ջա­նը բա­րի կամք պետք է դրսե­ւո­րի: Սա է Նի­կո­լի դիր­քո­րո­շու­մը, ին­չի մա­սին բազ­միցս ա­սել եմ, որ ան­թույ­լատ­րե­լի եւ դա­վա­ճա­նա­կան: Ինչ վե­րա­բե­րում է Շոլ­ցի հայ­տա­րա­րու­թյա­նը, ե­թե Գեր­մա­նի­ան գտնում է որ Ար­ցա­խի ինք­նո­րոշ­ման հար­ցը պետք է բարձ­րաց­վի, դե թող ճա­նա­չի Ար­ցա­խը: Ո՞վ է խան­գա­րում Գեր­մա­նի­ա­յին, որ ճա­նա­չի Ար­ցա­խը՝ ել­նե­լով ՄԱԿ-ի կա­նո­նադ­րու­թյան մեջ ֆիքս­ված ազ­գե­րի ինք­նո­րոշ­ման ի­րա­վուն­քից: Իսկ ո՞վ է խան­գա­րում Գեր­մա­նի­ա­յին մտցնել պատ­ժա­մի­ջոց­ներ Ադր­բե­ջա­նի դեմ, հու­մա­նի­տար օգ­նու­թյուն բե­րել Ար­ցա­խին: Այ­սինքն՝ սա նույն պահ­վածքն է, ինչ Ֆրան­սի­ա­յի դեպ­քում էր: Մի կող­մից նրանք ա­սում են, թե ճիշտ կլի­ներ, որ Ար­ցա­խի ի­րա­վունք­նե­րը պաշտ­պան­վե­ին, Լա­չի­նի մի­ջանց­քը բաց­վեր, բայց ի­րա­կա­նում ո­րե­ւէ գործ­նա­կան քայլ չեն ա­նում:

— Ի՞նչ կա­րող են ա­նել, ե­թե բո­լոր պա­հանջ­նե­րին ի պա­տաս­խան՝ Ադր­բե­ջա­նը մնում է անդրդր­վե­լի, իսկ Բեր­ձո­րի ճա­նա­պար­հը՝ փակ:

— Բեր­ձո­րի ճա­նա­պար­հից բա­ցի, ու­նենք բազ­մա­թիվ ճա­նա­պարհ­ներ, ո­րոնք տա­նում են Ար­ցախ: Օ­րի­նակ` Աղ­դա­մից Աս­կե­րան տա­նող ճա­նա­պար­հը, Քար­վա­ճա­ռից մտնող ճա­նա­պար­հը, ո­րը Հա­յաս­տանն է կա­ռու­ցել: Այ­սինքն՝ ցան­կու­թյան դեպ­քում նույն Գեր­մա­նի­ան եւ Ֆրան­սի­ան կա­րող է­ին մի քա­նի բեռ­նա­տար հու­մա­նի­տար օգ­նու­թյուն մտցնել Ար­ցախ՝ հենց այդ ճա­նա­պարհ­նե­րով: Թող պայ­մա­նա­վոր­վե­ին Ադր­բե­ջա­նի հետ, ե­թե թույլ չէր տա, թող պատ­ժա­մի­ջոց­ներ կի­րա­ռե­ին, այ­լա­պես ստաց­վում է, որ գե­ղե­ցիկ բա­ռեր են ա­սում ու ո­չինչ չեն ա­նում: Իսկ այդ գե­ղե­ցիկ բա­ռերն աս­վում են, որ­պես­զի խճճեն հայ հա­սա­րա­կու­թյան պատ­կե­րա­ցում­ներն ի­րա­կան քա­ղա­քա­կա­նու­թյան մա­սին: Սա հա­մա­ձայ­նեց­ված ընդ­հա­նուր քա­ղա­քա­կա­նու­թյուն է, թե տե­սեք Գեր­մա­նի­ան, Ֆրան­սի­ան ինչ­պի­սի սի­րուն-սի­րուն փա­թե­թա­վոր­ված մտքեր են ա­սում: Մինչ­դեռ մե­ջը փուչ է, ո­չինչ նրանք ի­րա­կան կյան­քում չեն ա­նում:

— Վե­րա­դառ­նա­լով Փա­շի­նյա­նի` հենց այս շրջա­նում բեռ­լի­նյան այ­ցին՝ ըստ Ձեզ, ի՞նչ հե­տե­ւանք­ներ կու­նե­նա:

— Ո­րոշ ժա­մա­նակ ա­ռաջ էլ Ա­րա­բաթն էր վա­զե­վազ այն­տեղ գնա­ցել: Գեր­մա­նի­ան այ­սօր Ռու­սաս­տա­նի դեմ ՆԱ­ՏՕ-ի կող­մից ի­րա­կա­նաց­վող ընդ­հա­նուր պա­տե­րազ­մի ա­ռանց­քա­յին երկր­նե­րից մեկն է, որն ար­դեն թույլ է տվել, որ ի­րենց ար­տադ­րած «Լե­ո­պարդ» տան­կե­րը փո­խան­ցեն Ուկ­րա­ի­նա­յին: Նա տա­լիս է Ուկ­րա­ի­նա­յին հսկա­յա­կան օգ­նու­թյուն, այդ թվում՝ զեն­քով, զի­նամ­թեր­քով է օգ­նում: Հե­տե­ւա­պես, հաս­կա­նա­լի է, որ այս­պի­սի ջեր­մա­գին հայ­տա­րա­րու­թյուն­նե­րը, հա­րա­բե­րու­թյուն­նե­րը, ո­րոնք Հա­յաս­տանն այ­սօր ցու­ցադ­րում է Գեր­մա­նի­ա­յի եւ Ֆրան­սի­ա­յի նկատ­մամբ, չեն կա­րող բա­ցա­սա­կան չանդ­րա­դառ­նալ Հա­յաս­տան-Ռու­սաս­տան հա­րա­բե­րու­թյուն­նե­րի վրա: Մինչ­դեռ մեր տա­րա­ծաշր­ջա­նում հար­ցերն այ­սօր, ե­րեկ եւ միշտ լու­ծել է Ռու­սաս­տա­նը: Այս տա­րա­ծաշր­ջա­նից Ռու­սաս­տա­նը չի գնա­լու, այլ հարց է, որ Ռու­սաս­տա­նը չգնա­լով՝ տես­նե­լու է Հա­յաս­տա­նի մեջ ոչ թե իր բա­րե­կամ, վստա­հե­լի դաշ­նա­կից պե­տու­թյա­նը, այլ՝ ան­բա­րո իշ­խա­նու­թյուն պատ­ճա­ռով ան­բա­րո պե­տու­թյուն: Եվ այդ ան­բա­րո պե­տու­թյան հետ վար­վե­լու են, ինչ­պես սա­զա­կան է, որ վար­վեն ան­բա­րո­յա­կան­նե­րի հետ:

— Ի դեպ, Փա­շի­նյա­նը Գեր­մա­նի­ա­յում խո­սեց Ռու­սաս­տա­նի հետ հա­րա­բե­րու­թյուն­նե­րի մա­սին: Ո՞րն էր հիմ­նա­կան շեշ­տադ­րու­մը:

— Նի­կո­լը սկսեց ար­դա­րա­նալ, որ Ռու­սաս­տա­նին չի օգ­նում, որ­պես­զի այն շրջան­ցի պատ­ժա­մի­ջոց­նե­րը: Գլուխ գո­վաց, թե ռու­սա­կան օ­դա­նավն այս­տեղ կա­լա­նա­վո­րել է եւ փո­խան­ցել Ա­րեւ­մուտ­քին: Տպա­վո­րու­թյուն էր, որ զե­կու­ցում է իր վե­րա­դա­սին, թե ինչ է ա­նում Ռու­սաս­տա­նի դեմ: Բայց նա շատ վտան­գա­վոր մի բան էլ ա­սաց, թե մի­ջազ­գա­յին կազ­մա­կեր­պու­թյուն­նե­րը պետք է մտնեն Ար­ցախ: Այ­սինքն՝ ամ­բողջ խնդի­րը Նի­կո­լի այն է, որ­պես­զի մի­ջազ­գա­յին կազ­մա­կեր­պու­թյուն­նե­րը մտնեն Ար­ցախ, եւ այն­տե­ղից դուրս բեր­վի ռուս խա­ղա­ղա­պահ զո­րա­խում­բը: Հա­յաս­տա­նը ոչ ի­րա­վա­բա­նո­րեն, բայց պրակ­տի­կա­պես դուրս է ե­կել ՀԱՊԿ-ից (հի­շենք, որ Նի­կո­լը թույլ չտվեց ՀԱՊԿ-ի խա­ղա­ղա­պահ ա­ռա­քե­լու­թյա­նը, որ գան եւ կանգ­նեն սահ­մա­նին), բայց դրա փո­խա­րեն` «էստի հա­մե­ցեք» է կան­չում եվ­րո­պա­կան հա­տուկ ստո­րա­բա­ժա­նում­նե­րին, ո­րոնք են ռուս­նե­րին այս­տե­ղից հա­նե­լու հա­մար, ոչ թե Հա­յաս­տա­նին պաշտ­պա­նեն: Հի­մա հար­ցը Ար­ցա­խինն է, որ­պես­զի այն­տե­ղից ռուս­նե­րին հա­նեն, ռու­սա­կան ազ­դե­ցու­թյունն ընդ­հան­րա­պես Անդր­կով­կա­սում բա­ցառ­վի, դրա հա­մար հրա­վի­րում են մի­ջազ­գա­յին կազ­մա­կեր­պու­թյուն­նե­րին:

Բա­ցի այս, եւս մի կա­րե­ւոր հայ­տա­րա­րու­թյուն ա­րեց Նի­կո­լը՝ նշե­լով, որ Եվ­րո­պա­կան մի­ու­թյան հետ հուն­վա­րից սկսած՝ մեկ­նար­կել են նոր ձե­ւա­չափ՝ քա­ղա­քա­կան եւ անվ­տան­գա­յին հար­ցե­րի վե­րա­բե­րյալ, ին­չը շատ վտան­գա­վոր է: Հա­յաս­տա­նը, որն ան­կա­խա­ցու­մից ի վեր 30 տար­վա ըն­թաց­քում իր անվ­տան­գա­յին հա­մա­կար­գը ձե­ւա­վո­րել է Ռու­սաս­տա­նի հետ բազ­մա­թիվ պայ­մա­նագ­րե­րի վրա, այդ թվում՝ սահ­մա­նա­պահ զոր­քե­րի, 102-րդ ռազ­մա­կան բա­զա­յի, Ար­ցա­խում կանգ­նած խա­ղա­ղա­պահ­նե­րի, ՀԱՊԿ եւ երկ­կողմ հա­մա­ձայ­նագ­րե­րի: Հի­մա կան  ա­վան­տյու­րիստ­ներ, ո­րոնք ա­սում են՝ դուրս գանք ՀԱՊԿ-ից, ո­րով­հե­տեւ այ­սինչ բա­նը չի կա­տա­րել: Այդ դեպ­քում՝ ե­կեք դուրս գանք ՄԱԿ-ից ո­րով­հե­տեւ ՄԱԿ-ն էլ պա­հան­ջում է շատ բան Ադր­բե­ջա­նից, բայց չի ի­րա­կա­նաց­վում, դուրս գանք Հա­ա­գա­յի դա­տա­րա­նի հա­մա­կար­գից, ո­րը պա­հան­ջել է Լա­չի­նի մի­ջանց­քի բա­ցում, բայց Ադր­բե­ջա­նը չի բա­ցել, դուրս գանք նա­եւ Եվ­րա­մի­ու­թյան հետ ա­սո­ցաց­ման պայ­մա­նագ­րից, ո­րով­հե­տեւ ԵՄ երկր­նե­րը եւս պա­հան­ջում են Լա­չի­նի մի­ջանց­քի բա­ցում, բայց Ադր­բե­ջա­նը է­լի չի բա­ցում, ու­րեմն՝ սա եւս ա­նար­դյու­նա­վետ հա­մա­կարգ է: Բայց սա կլի­ներ հի­մար մո­տե­ցում, պար­զա­պես, ե­թե այդ մա­սին խո­սում են մաս­նա­գետ­նե­րը, նրանք բո­լո­րո­վին էլ հի­մար չեն, այլ վտանգ­տա­վոր դա­վա­ճան­ներ են:

ՀՐԱՆՏ ՍԱ­ՐԱ­ՖՅԱՆ

Հ.Գ.- Հար­ցազ­րույցն ամ­բող­ջու­թյամբ դի­տե՛ք Iravunk.com-ում՝ անց­նե­լով հե­տե­ւյալ կարճ հղու­մով՝ https://clck.ru/33hTCd կամ այս QR կո­դով՝