Ոստիկանները տունս թալանել են. ազատամարտիկն ահազանգում է

ՊՆ նախկին շենքի բնակիչներից Մարտական խաչ 2-րդ աստիճանի շքանշանակիր, ազատամարտիկ ԳԵՂԱՄ ԲԱՂԴԱՍԱՐՅԱՆՆ այսօր մոտեցել է ոստիկաններին եւ խնդրել, որ թույլ տան մտնել իր բնակարան, որպեսզի կարողանա սեփական ապրանքները տեղափոխել:

«Ոստիկանի ուղեկցությամբ՝ մտել ենք իմ տուն, որտեղ 4-5 հազարի ապրանք ունեի: Բոլորն էլ գիտեն, բոլորն էլ տեսել են, թե ինչ ապրանքներ եմ ունեցել: Ե՛վ ոստիկանությունն է տեսել, ե՛ւ սոցվարչությունից են եկել ու արձանագրել հատ առ հատ, թե ինչ եմ ունեցել: Մինչդեռ այսօր տպավորություն էր, որ թուրքերն են մտել տունս եւ թալանել, ամեն ինչ թափրտել են: Միայն կարողացել եմ երեխաներիս գրքերը հանել՝ այն էլ մրերի միջից: Այս խնդիրը միայն ինձ տան հետ չէ կապված, բոլորիս տներն էլ թալանված է: Արդեն հասցնում են այն աստիճանի, որ չգիտենք, թե էլ ինչ գործողությունների դիմենք», - «Իրավունքի» հետ զրույցում ասաց Բաղդասարյանը:

Ըստ Գեղամ Բաղդասարյանի` ոստիկանները թույլ են տալիս իրենց ապրանքները հանել ՊՆ նախկին շենքից՝ միայն բեռնատար մեքենա բերելու պարագայում:

«Բայց բեռնատար բերես, ի՞նչ անես, ոչինչ չկա հանելու: Հեռուստացույց, սառնարան, մսաղաց, մահճակալ, պահարան… ամեն ինչ գողացել են: Միայն մի սենյակի անկողինն էր մնացել, այն էլ թափել էին գետին: Տարածքային փոխոստիկանապետն ասում է, թե Ներքին զորքերն են գողացել, Ներքին զորքերն էլ ասում են՝  տարածքային ոստիկաններն են այդ գողություններն անում: Գնալով իրավիճակը լարում են, որ մենք էլ բորբոքովենք, տանեն բաժին, մեզ ցրեն այստեղից», -  նշեց ՊՆ նախկին շենքի բնակիչը, ով հարյուրավոր ընտանիքների հետ միասին արդեն որերորդ շաբաթն է մնացել է անօթեւան, որովհետեւ ոստիկանությունը փետրվարի 16-ին բռնի ուժով այս ընտանիքներին ուղղակի հանեց իրենց կացարաններից՝ թողնելով փողոցում:

Հիշեցնենք, որ երկուշաբթի օրը՝ մարտի 6-ին, ժամը՝ 12:00-ին, ՊՆ նախկին շենքի բնակիչները կրկին բողոքի ակցիա են իրականացնելու Պետեկամուտների շենքի դիմաց (Մովսես Խորենացու փող., 3 շենք):

ՀՐԱՆՏ ՍԱՐԱՖՅԱՆ

Այս թեմայով Չշփոթել իշխանությունը իրավունքի հետ, օրենքը՝ կամայականության հետ, իսկ լռությունը՝ խաղաղության հետ ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը Լրջագույն խնդիր, որի պատասխանատուն ու կրողը քաղաքային իշխանությունն է Չարախնդացողներին պետք է հիասթափեցնեմ. Հայտնի փաստաբանը բացառիկ մանրամասներ է ներկայացնում Դատարանը մերժել է Սամվել Կարապետյանի վերաքննիչ բողոքը․ Նազելի Բաղդասարյան