Մեզ բորենիների էլիտա պետք չէ,ուշացավ օրինազանցների, հղփացած չինովնիկների, պետական գանձարանը հոր բոստանի հետ շփոթողների մռութին հասցնելու լուրջ ԳՈՐԾԸ

<<Քեզ համար զինվոր>> նախագծի հեղինակ եւ իրականացնո, Newsmedia.am էլ․ օրաթերթի հիմնադիր-ղեկավար, մեր գործընկեր Գայանե Զարգարյանը անդրադարձել է մեր այսօրվա իրականությանը, դրանք ծնող պատճառներին ու անդառնալի հետեւանքներին․

 

Մեզ բորենիների էլիտա պետք չէ, մեր երկրին պետք է այնպիսի իշխանություն, այնպիսի կառավարական համակարգ ու դեմքեր, ովքեր ինչ-որ կերպ կկարողանան վերականգնել արդեն իսկ ուժասպառ եղած հասարակության հավատը՝գոնե...

Տարիներ առաջ Վանո Սիրադեղյանը գրեց «Գյադաների ժամանակը» հոդվածը, որտեղ գրողական, քաղաքական ու հասարակական հայացքով բնութագրվում էր այդ տարիների պատկերն ու դերակատարները, դերակատարներ, որոնք կնքվեցին գյադաներ անունով ու որոնց ժամանակը անվանվեց «գյադաների ժամանակ»: Գյադաներ` իրենց նեղմտության, չոբանության (նկատի չունենք հովվությունը), գավառականության, զոռբայության, ստորաքարշության, ագահության, անգրագիտության, մեծբերանության պատճառով:

Վանո Սիրադեղյանը այն ժամանակ գրում էր. «Երեւի չարժեր չնչին զավզակությանը անդրադառնալով՝ սկսել այս խոսքը, եթե այդ՝ գյադայի, տեսակը դարձած չլիներ մեր ժամանակի «հերոսը»-պատգամավորը, մինիստրը, իդեոլոգը… չգիտես ինչի:

Ճիշտ է տարիների ընթացքում գյադաների մի մասը արտաքուստ փոխվեց, բայց ներքուստ մնաց գյադա, մյուսները՝ քաղաքակրթության» շվաքի տակ էլի ինչպես գյադա կային, այդպես էլ գյադա մնացին, ուղղակի սրանց «կլիչկեք»-ը ավելացան՝ կենդաբանական տարբեր անվանումներով հանդերձ:

Հ. Գ 1

Ու գիտեք ինչու է այսպես. որովհետեւ ուշացավ

օրինազանցների, հղփացած չինովնիկների, պետական գանձարանը հոր բոստանի հետ շփոթողների ու շարքային քաղաքացու իրավունքները ոտնահարողի մռութին հասցնելու լուրջ ԳՈՐԾԸ...

Միակ ռեկորդը, որ շատերդ կարող եք սահմանել, դա յուղոտ պաշտոններ զբաղեցնելու, լուրջ ֆինանասներ պահանջող նախասիրություններ բավարարելու, ինչպես նաեւ միլիոններ կուտակելու լրջագույն ասպարեզն է, որտեղ մրցակիցներ հավատացեք քիչ կգտնեք...

Հ. Գ 2

Առհասարակ Հայաստանում չպետք է լինեն բդեշխներ, կալվածատերեր ու դոլարային միլիարդատերեր...

ՆԻԿՈԼ ՉԱՐԻՔԸ ՊԻՏԻ ՀԵՌԱՆԱ

ԱՆՀԱՊԱՂ.

ԱՌԱՆՑ ՆԻԿՈԼ ՀԱՅԱՍՏԱՆ

ԱՌԱՆՑ ՆԱԽԿԻՆ ԲՈՐԵՆԻՆԵՐԻ ՀԱՅԱՍՏԱՆ