Չպետք է գնալ որեւէ նման զիջման. Արծվիկ Մինասյան

ԱԺ «Հայաստան» խմբակցության քարտուղար ԱՐԾՎԻԿ ՄԻՆԱՍՅԱՆԸ, անդրադառնալով տեղեկություններին, որ Բերձորի միջանցքում Ադրբեջանի պահանջով գուցե ռենտգեն-սարքավորում տեղադրվի՝ բեռնատար-մեքենաների տեղաշարժը տեսահսկելու համար, ընդգծեց, որ այն կլինի ամենախայտառակ զիջումը:

— Հասկանալով հանդերձ, որ 3-րդ ամիսն է շրջափակման, արդեն իսկ որոշ քայլեր պետք է իրականացվեն, այդ թվում` միջազգային դատարանի որոշման կատարման շրջանակում: Պահանջները պետք է խստացվեն, որ լուծում տրվի: Բայց որեւէ զիջում, համաձայնություն, որտեղ Ադրբեջանի ԱԱԾ-ն կամ որեւէ այլ ստորաբաժանում պետք է իրականացնի Արցախ մուտքի եւ ելքի հանդեպ նման հսկողական գործառույթ, նշանակում է արցախահայությանը դանդաղ մահվան ենք դատապարտում: Չպետք է գնալ որեւէ նման զիջման: Ամեն ինչ պետք է անել` ՌԴ-ի հետ այդ աշխատանքը տանելու ուղղությամբ, որպեսզի նման բաները բացառենք, ոչ թե Ռուսաստանին հերթական անգամ սարքենք թշնամի, ՌԴ-Արեւմուտք հակադրությունը բերենք Հայաստան: Մինչդեռ սա այն է, ինչ այսօր անում է ՀՀ իշխանությունը:

ՀՐԱՆՏ ՍԱՐԱՖՅԱՆ

Այս թեմայով Հայտնի է մարզպետից՝ համայնքապետ ձգտման պատճառը «Իրավունք». Ով է Վանեցյանի կուսակցությունով առաջադրված Լեվոն Վահրադյանը Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Շոգը նահանջում է, տեղումնաբեր ցիկլոն կներթափանցի Հայաստան․ ջերմաստիճանը կնվազի Վերսկսվել է Հայաստան բնական գազի մատակարարումը «Հյուսիսային Կովկաս – Անդրկովկաս» գազատարով