Արցախում ձեւավորվել է Միջկուսակցական համակարգող մարմին

Արցախի Ազգային ժողովում ներկայացված երեք ընդդիմադիր ուժերի՝ ՀՅԴ Արցախի կառույցի, «Արդարություն» եւ Արցախի ժողովրդավարական կուսակցությունների ղեկավար կազմերի միջեւ քննարկումների արդյունքում ստորագրվել է հուշագիր, որի համաձայն ստեղծվել է Միջկուսակցական համակարգող մարմին (ՄՀՄ):

Հուշագիրը արձանագրում է, որ «միջկուսակցական համակարգող մարմինը խորհրդատվական կառույց է, որտեղ քննարկվելու են Արցախի քաղաքական դաշտի ընթացիկ ու սպասվող զարգացումները եւ անհրաժեշտության դեպքում եզրակացություններ ու առաջարկներ են ներկայացվելու համատեղ գործողությունների եւ միասնական դիրքորոշումների համար»:

Իր անդրանիկ նիստում ՄՀՄ որոշել է առաջիկա օրերին Արցախում ստեղծված ներքաղաքական իրավիճակի եւ արտաքին մարտահրավերների թեմայով խորհրդատվություններ անցկացնել Արցախում գործող քաղաքական ուժերի, հանրային տարբեր խմբերի ու առանձին անհատների հետ:

Միջկուսակցական համակարգող մարմինը ձգտելու է հանրային-քաղաքական տեսակետների եւ նոր գաղափարների համադրման կամ փոխանակման հարթակ դառնալ, որին, հիմնադիր քաղաքական ուժերից բացի, կարող են մաս կազմել նաեւ այլ քաղաքական ու հանրային միավորներ:

Այս թեմայով ՀՐԱՏԱՊ. Վահագն Չախալյանը հայտնվել է պատժախցում Քննիչները ջարդեցին էս սեյֆն ու հայտնաբերեցին դատարկ պապկաներ ու «Ազատ Արցախ» թերթը. փաստաբան «Վայոց ձորի» բկ-ն քայլում է ժամանակին համահունչ Արցախի թեմի առաջնորդը խոնհարաբար խոնհարվեց Փաշինյանի առաջ Միակ երազանքս այն է, որ երբ հասնեմ կյանքիս մայրամուտին` հանգիստ ու խաղաղ հեռանամ այս կյանքից. Լեգենդի վերջին զրույցը