Խախտված են արարողակարգային կամ էթիկայի բոլոր հնարավոր կարմիր գծերը. Մելիքյան

ՀՀ արտակարգ եւ լիազոր դեսպան, ԱԳՆ նախկին գլխավոր քարտուղար ՎԱՀԱԳՆ ՄԵԼԻՔՅԱՆԻ կարծիքով` մենք 30 եւ ավել տարվա ընթացքում շատ «մյունխեններ ենք ունեցել» եւ երբեք չենք կանգնել նման իրավիճակի առջեւ, ինչը տեսանք օրեր առաջ:

— Երկրի ղեկավարը գտնում է, որ ինքն այլեւս գործոն չէ եւ ընդամենը գործիք է տարբեր շրջանակների համար իրենց շահերը առաջ տանելու ու դրա համար է լռում, այլ մեկնաբանություն չունեմ, թե ինչպես կարելի է լռել, երբ ամենացինիկ ու նվաստացուցիչ ձեւով վիրավորում է Ալիեւը մի ողջ ժողովրդի: Եթե դու չես դիրքավորվել թեկուզ քո վատ լեզվաիմացությամբ եւ չես փորձելու գոնե հակադարձել, այլ բերում ես իրականությունից կտրված անհասկանալի եւ այդ մակարդակին ոչ հարիր բացատրություններ կամ մեկնաբանություններ, պատկերացնել է պետք, թե ինչ է առաջացնում մնացած հանրության մեջ: Խնդիրն այն է, որ բերվել է «խաղաղության օրակարգ» ականջահաճո բանալի բառը, եւ շատ հստակ դրվել է ճամփաբաժան, թե իրենք տանում են այդ օրակարգը: Իսկ ովքեր համաձայն չեն այդ օրակարգի հետ, ներկայացվում են իբրեւ պատերազմի օրակարգ սպասարկողներ եւ պատերազմի բուռն ջատագովներ: Փորձեմ հիասթափվել միանգամից. ես շատ ավելի հակված եմ, որ այս կողմը խաղաղության շատ ավելի ջատագով ու պաշտպան  է: Վառ ապացույցն այն է, որ այդ թեւի ներկայացուցիչները 30 եւ ավել տարի աշխատել են այդ ուղղությամբ: Այո՛, մենք ունեցել ենք փխրուն զինադադար, բայց չենք ունեցել լայնածավալ պատերազմ եւ սարսափելի կորուստներ, որից մինչեւ հիմա մեր հասարակությունը չի կարողանում ուշքի գալ: Այս համատարած անտարբերությունը, համատարած բթացումը դրա վառ ապացույցն է: Քաղաքական կուրություն է, ինչ այսօր տեսնում ենք հայ-թուրքական հարաբերություններում: Ես թե՛ պատմության ընթացքում, թե՛ ընդհանրապես, չեմ հիշում որեւէ դեպք, որ այդքան վազեվազ, այդքան ցուցադրական, այդքան շեշտված լինի իշխանության կողմից ուշադրությունը այդ երկրի նկատմամբ: Մի երկրի, որը ուղղակիորեն պատճառ է հանդիսացել քո այսօրվա վիճակի համար: Սա շոկի է բերում, որովհետեւ խախտված են արարողակարգային կամ  էթիկայի բոլոր հնարավոր կարմիր գծերը: Գոնե չեն կարողանում եզրահանգումների գալ, որ մի քիչ արժանապատիվ փորձեն հանդես գալ: Ես չգիտեմ՝ որտեղ են կայացվում այդ որոշումները: Սա  անգրագիտություն է:

Այս թեմայով «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Հայտնի է մարզպետից՝ համայնքապետ ձգտման պատճառը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց «Ռոսատոմ»-ի գլխավոր տնօրեն Ալեքսեյ Լիխաչովը. նա կհանդիպի Փաշինյանի հետ ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին