Ադրբեջանը ճանապարհը հիմա էլ չի բացում, ի՞նչ ենք անելու. Թեւան Պողոսյան

Հաագայի դատարանի որոշմամբ` Ադրբեջանը պարտավորվում է իր ստանձնած պարտականություններով ապահովել տրանսպորտի եւ մարդկանց անխափան տեղաշարժը Լաչինի միջանցքով` երկու ուղղություններով: Սակայն Բերձորի ճանապարհն առ այս պահը շարունակում է մնալ փակ: Այս մասին «Իրավունք TV»-ի տաղավարում զրուցել ենք Մարդկային զարգացման միջազգային կենտրոնի ղեկավար ԹԵՎԱՆ ՊՈՂՈՍՅԱՆԻ հետ: Ըստ նրա` մինչեւ արդյունքի չհասնենք, իրավունք չունենք ոչնչով ուրախանալու:

— Իսկ արդյունքն այն պետք է լինի, որ վերականգնենք մեր Հայրենիքը` այն, ինչ ունեցել ենք 2020 թվականի սեպտեմբերի 26-ի դրությամբ: Այդ ճանապարհին սրանք փոքրիկ երեւույթներ են, եւ նախ պետք է հասկանանք` եթե Ադրբեջանը ճանապարհը հիմա էլ չի բացում, ի՞նչ ենք անելու: Առաջին «ծաղիկներն» արդեն կան. նույն Ադրբեջանի շատ պաշտոնյաներ սկսել են արդեն իսկ մեկնաբանություններ անել, ու հասկանալի է, որ դրանք ինքնագլուխ հայտարարություններ չեն` ուղղորդված են եւ մշակված: Նրանք արդեն իսկ բացատրում են, թե իրենք որեւէ բան չեն արել, իրենց չեն կարող մեղադրել, եւ որեւէ բան չի փոխվելու: Հիմա հարցն այն է, թե մենք ի՞նչ ենք անելու, որ միջազգային հանրության վրա ճնշում լինի կամ ինչպե՞ս պետք է պատրաստվենք, որ Հաագայի որոշման թուղթը վերցնենք մեր ձեռքը եւ ասենք` ունենք իրավունք, վաղը գնում ենք այն կյանքի կոչելու: Ալիեւն անընդհատ ասում էր, թե կա ՄԱԿ-ի 4 բանաձեւ, որն իրավական հիմք ունի, բանակցություններով չստացվեց, գնացի ինքս արեցի, հիմա նույնը պետք է լինի մեր պարագայում: Այո, Հաագայի որոշումը մասնագիտական հաջողություն էր իրավաբանական թիմի համար: Բայց Եղիշե Կիրակոսյանը հենց ինքն է ասել, որ` այո, սա իրավական հիմք է, բայց ամեն ինչ կախված է նրանից, թե մենք սրանից հետո ինչ ենք անելու: Ի վերջո, նույնիսկ դատական որոշումները, որոնք լինում են թղթի վրա գրված, միշտ չեն կյանքի կոչվում: Ունեցել ենք դատական որոշումներ, որ այսինչ պետական պաշտոնյան, որը վիրավորել է այսինչ մարդուն, պետք է ներողություն խնդրի, բայց այդպես էլ ներողություն չեն խնդրել:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով Գեւորգ Սուջյանը նորություն ունի Սահմանադրական դատարանը հապճեպ որոշում է կայացրել`TRIPP-ի համաձայնագիրը չի հակասում Մայր օրենքին Ա՛խ...ամենացավոտ հարցը տվեցիք. Սպորտի լեգենդի վերջին հարցազրույցը Կյանքից հեռացել է «Արարատ-73»-ի ֆուտբոլիստ Սերգեյ Պողոսյանը Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր