Ինչու թիրախում հայտնվեց Գրիգորի Խաչատուրովը

Հերթը հասավ 3-րդ բանակային կորպուսի նախկին հրամանատար, գեներալ Գրիգորի Խաչատուրովին: Փետրվարի 21-ին մամուլը ողողվեց տեղեկատվությամբ, թե Գրիգորի Խաչատուրովին ձերբակալել է ԱԱԾ քննչական դեպարտամենտը` դատարան կալանքի ներկայացնելու համար: Նրան մեղադրանք է առաջադրվել փողերի լվացման գործով, որն առնչվում է ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանի գործի հետ: Սակայն երեկ ՀՀ հակակոռուպցիոն դատարանը մերժեց Գրիգորի Խաչատուրովին կալանավորելու մասին քննիչի միջնորդությունը:

Ինչու են հենց այս փուլում  Գրիգորի Խաչատուրովին փորձում մեկուսացնել, «Իրավունքը» պարզեց ադրբեջանագետ ԱՆԺԵԼԱ ԷԼԻԲԵԳՈՎԱՅԻ տեսակետը: Ըստ նրա` գեներալը կարող է խանգարել Տավուշում գյուղերի հանձնման գործընթացին:

«Առաջին հերթին ինձ համար ակնհայտ է, որ սա քաղաքական հետապնդում է, հատկապես Մյունխենից վերադառնալուց հետո` ձերբակալել միակ գեներալին, որը Նիկոլի կառավարման տարիներին ռազմական լուրջ հաջողություններ է ունեցել: Ամբողջ ադրբեջանական ԶԼՄ-ները ցնծում են այս թեմայի շուրջ, սա շատ մեծ նվեր էր թշնամուն: Ակնհայտ էր, որ նա Տավուշում գյուղերի հանձնման ծրագրերին խանգարելու էր»,- ընդգծեց նա:

Հիշեցնենք, որ 2018 թվականից ի վեր Յուրի եւ Գրիգորի Խաչատուրովներն իրենց քաղաքական դիրքորոշումը հստակ արտահայտել են թե՛ Զինված ուժերում առկա տարբեր գործընթացների, թե՛բանակը կազմաքանդելու, թե՛ 44-օրյա պատերազմի պարտության եւ թե՛ Նիկոլ Փաշինյանի գործողությունների վերաբերյալ: Հավանաբար, ըստ այդմ էլ, դարձել են գործող իշխանության «աչքի գրողը»՝ «ով մեզ դեմ է՝ մեզ հետ չէ» սկզբունքով, հատկապես, որ 44-օրյա պատերազմից որոշ ժամանակ անց Գրիգորի Խաչատուրովը այն բարձրաստիճան զինվորականներից մեկն էր, որ պահանջում էր Նիկոլ Փաշինյանի հրաժարականը:

Ս. ԱՍԱՏՐՅԱՆ

Հ.Գ.- Ադրբեջանագետի հետ հարցազրույցը կարդացե՛ք «Իրավունք» թերթի առաջիկա համարներից մեկում:

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց «Կառավարության կադրային բանկում» ընդգրկվել է 29 երկրից 269 թեկնածու, նրանց շուրջ 93 տոկոսն ունի հայկական արմատներ. Նիկոլ Փաշինյան Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Իրականությունից կտրվածները Անկախության օրը՝ ախմախ անակնկալներով