Փաշինյանը պատմության մեջ մնալու է որպես ուղեղ լվալու տտ ոլորտի առաջատարներից մեկը. Զոհրաբյան

«Թավշյա իշխանազավթման բիրտ կոռուպցիան». այս խորագրի ներքո երեկ «Անվտանգություն եւ ժողովրդավարություն» ՀԿ նախագահ, ԱԺ նախկին պատգամավոր ՆԱԻՐԱ ԶՈՀՐԱԲՅԱՆՆ ուշագրավ փաստեր ներկայացրեց Նիկոլ Փաշինյանի խոստումների եւ իրականության մասին:

— Նիկոլ Փաշինյանն իշխանության եկավ՝ թալանը կոպեկ առ կոպեկ վերադարձնելու թեզիսների վրա, եւ այսօր ու, երեւի, դեռ տեւական ժամանակ, պատմության մեջ մնալու է որպես` ուղեղ լվալու ՏՏ ոլորտի առաջատարներից մեկը: Եթե երբեւէ Նոբելյան մրցանակաբաշխության մեջ «ուղեղի լվացման» նոմինացիա լինի, վստահեցնում եմ` Նիկոլ Փաշինյանը լինելու է թիվ մեկ հավակնորդը եւ ստանալու է Նոբելյան մրցանակը: Հիշեցնեմ Նիկոլ Փաշինյանի` վարչապետի պաշտոնում պաշտոնավարման 100 օրվան նվիրված հանրահավաքի ժամանակ ունեցած ելույթից` ըստ որի, Հանրապետության հրապարակը լինելու էր աթենական ագորան, որոշումները կայացվելու էին հրապարակում եւ ազգովի: Նա նշել էր, որ 40 րոպեի ընթացքում վերացրել է մենաշնորհը եւ պաշտոնապես հայտարարել, թե Հայաստանում կոռուպցիա չկա: Մինչդեռ մամուլում մի շարք հրապարակումներ կան, որոնք փաստում են պետական համակարգում առկա կոռուպցիայի մասին եւ ուրվագծում դրա չափերը: Նաեւ ուզում եմ ուշադրության հրավիրել օրերս, «Թրանսփարենսի ինթերնեյշնլ»-ի հրապարակած զեկույցի վրա, ըստ որի` կոռուպցիայի ընկալման համաթվով Հայաստանը 2022-ին` 2021-ի համեմատ, հետընթաց է արձանագրել` 180 երկրների ցանկում 58-ից տեղափոխվելով 63-րդ տեղ: Ավելին, եթե «Թրանսփարենսի ինթերնեյշնլ»-ն ասում էր, որ նախորդ 6 տարիներին Հայաստանն ուներ դրական դինամիկա, ինչը վերաբերում էր նաեւ նախորդ իշխանություններին, ապա այսօր ակնհայտորեն կոռուպցիայի ընկալման ինդեքսը նվազել է: Ամենակարեւորը, ինչն արձանագրել է «Թրանսփարենսի ինթերնեյշնլ»-ը, ՀՀ-ում մի քանի տարվա առաջընթացից հետո նկատվում են մտահոգիչ նշաններ կոռուպցիայի առումով, որն արտացոլվում է զսպող եւ հակակշռող մեխանիզմների, իրավապահ գործունեության թափանցիկության նվազման, անկախ դատական համակարգում եւ քաղաքական տարածքի պաշտպանության ապահովման խախտման միտումներով: Առնվազն բոլորիս աչքի առաջ է եղել այն, որ տարբեր «պիվնոյներում» սրա-նրա հաշվին գարեջուր խմող երիտասարդները ինչպես կարողացան գնել 280 հազար դոլարանոց դղյակներ:

Այս թեմայով Հայտնի է մարզպետից՝ համայնքապետ ձգտման պատճառը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց «Կառավարության կադրային բանկում» ընդգրկվել է 29 երկրից 269 թեկնածու, նրանց շուրջ 93 տոկոսն ունի հայկական արմատներ. Նիկոլ Փաշինյան ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Իրավունք». Ով է Վանեցյանի կուսակցությունով առաջադրված Լեվոն Վահրադյանը