«Վիոլա ջուրը» քաղաքացիներին «գցում է շան բերան»

«Վիոլա ջուրը» իսկական պատուհաս է դարձել քաղաքացիների գլխին: Ջրաչափերի ժամկետը լրանալուց հետո` փոխելը դարձել է «հայոց հարց»: Պարզվում է` ջրաչափերը փոխելու ժամանակ, եթե անգամ թեթեւակի անսարքություն են հայտնաբերում, քաղաքացիներին «բերման» են ենթարկում Ջրաչափերի չափագրման եւ վերանորոգման ծառայության կետ: Իսկ այն գտնվում է, մեղմ ասած, հեռվաշենում` Երեւանի Շիրակի 94 հասցեում:

Քաղաքացին նշված կետ հասնելու համար ոչ միայն ստիպված է մի քանի տրանսպորտ փոխել, այլեւ հաղթահարել շնաշատ ուղին, որոնք մինչեւ մասնագետի մոտ ուղեկցում են ագրեսիվ հաչոցներով, այդպես էլ դիմավորում են ու ճանապարհում: Բողոքներին ի պատասխան` վերոնշյալ կետի աշխատակիցներն ասում են, որ անգամ Կապանից են նույն խնդրով գալիս: Իսկ թե ով է քաղաքացուն պատճառած նման անհարմարության համար պատասխանատու, «Վիոլա ջրից» սլաքներն ուղղում են Հանրային ծառայությունները կարգավորող հանձնաժողովի վրա:

Ստացվում է, որ եթե քաղաքացին երիտասարդ է, մի կերպ գոնե կարող է հաղթահարել ճանապարհը եւ հասնել տեղ, իսկ եթե խոսքը վերաբերում է տարեցներին ու հաշմանդամներին, խնդիրը դառնում է փաստացի անլուծելի: Այս դեպքում «Վիոլա ջուրը» 10 օրը լրանալուց հետո` ինքնուրույն է որոշում կայացնում` առանց քաղաքացու ներկայության:

ՀՐԱՆՏ ՍԱՐԱՖՅԱՆ

Այս թեմայով Մալաթիա-Սեբաստիա վարչական շրջանում ջուր չի լինելու Ջուր չի լինելու Ում գրպանն է հոսում ոռոգման ջրի համար գանձվող տարեցտարի անգամներով բարձրացվող գումարները Գետի ջրից ենք խմում, էն գետի, որով կանալիզացիայի ջրերն են հոսում. Նժդեհի բնակիչ Ջուր չի լինի