Քաղաքական վերնախավ գոյություն չունի… ձեւ են անում, թե գործ են անում. Բոզոյան

Լեռնային Ղարաբաղի հայերը պետք է հեռանան իրենց բնակավայրերից. այսպիսի խնդիր է Ադրբեջանը դրել առաջիկայում ու նման խնդիր դրել է Փաշինյանն իր քաղաքականության արդյունքում: Այս մասին «Իրավունքի» հետ զրույցում նշեց քաղաքագետ ԵՐՎԱՆԴ ԲՈԶՈՅԱՆԸ:

— Փաշինյանն այսօր ձեւական փորձում է բոլոր միջազգային ատյաններում իբրեւ պայքարել Լաչինի միջանցքի բացման համար, մեղավոր է գտնում ու բարդում ռուսների վրա, որպեսզի վաղը Արցախի կոտրման մեղքը բարդի ռուսների վրա: Բոլորը մեղավոր են՝ բացի իրենից: Ադրբեջանն է խանգարում, ռուսները չեն պաշտպանում, նախկիններն են մեղավոր թալանի համար, ինքը այդ քաղաքականությունը տանելու է մինչեւ վերջ:

— Իսկ հասարակությունը հիասթափվա՞ծ է, թե՞ զենքերը վայր է դնում:

— Ցանկացած հասարակության կազմակերպում է քաղաքական վերնախավը, ես կարող եմ փաստել, որ այսօր հայաստանյան քաղաքական վերնախավ գոյություն չունի: Կան, իհարկե, աղմուկ հանող քաղաքական գործիչներ, բայց նրանք քաղաքական վերնախավ չեն: Եթե երկիրը գլորվում է դեպի անդունդ, եթե Լեռնային Ղարաբաղը գնում է դեպի ցեղասպանության, որից հետո լինելու է Հայաստանի կործանումը եւ քաղաքական վերնախավը հանգիստ է իրեն պահում, ուրեմն՝ դա վերնախավ չէ, մարդկանց մի հավաքածու են, ովքեր ձեւ են անում, թե գործ են անում:

— Ինչո՞ւ է իշխանությունը կրկին սկսել քաղաքական հետապնդումները ընդդիմության նկատմամբ:

— Ես խիստ վերապահումով եմ ընդունում ընդդիմություն ասվածը, որովհետեւ ընդդիմությունը ընդդիմություն է այն ժամանակ, երբ կարողանում է հակազդել իշխանությանը: Բացի այդ, Փաշինյանի քայլերն այդ ուղղությամբ միտված են մեկ նպատակի, քանի որ ինքը հասկանում է, որ երկիրը տանում է ծանր վիճակի, որպեսզի ժողովրդի զայրույթը գոնե ինչ-որ մասով թուլացնի, փորձում է հասարակության մեջ ձևակերպել, որ՝ այո, ինքը մեղավոր է, բայց նախկին իշխանություններն էլ են մեղավոր եւ, որպես օրինակ, բերում են, ասենք, Սեյրան Օհանյանի գործը:

Ս. ԱՍԱՏՐՅԱՆ

Այս թեմայով Եվրոպան գնում է դեպի ներքին արյունահեղություն. Քաղաքագետ Ռուս քաղաքագետ. Հայաստանի դեսպանի փոփոխությունը Ռուսաստանում ոչինչ չի փոխի Զելենսկին շտապ պետք է փրկի իր կաշին. Ուկրաինական ռուսաֆոբ քաղաքագետ «Վիտյոկն ու Փեսայիկն» այլևս չեն մեկնում Կիև. Ռուսաստանը կոշտ վերջնագիր է ներկայացրել. Ուկրաինական քաղաքագետ Մենք գտնվում ենք համաշխարհային ծովային պատերազմի շեմին. Կիեւյան քաղաքագետ