Հայտնի է, թե ինչ ցուցումնք է տալու վաղը` 15 զինծառայողների մահվան մեջ մեղադրվող կապիտանը. Բացառիկ մանրամասներ

Գեղարքունիքի մարզի Ազատ գյուղում ինժեներասակրավորական վաշտի կացարանում բռնկված հրդեհի հետևանքով մահացած 15 զինծառայողների գործով, որպես մեղադրյալ ներգրավված կապիտան Եղիշե Հակոբյանը վաղը հիվանդանոցում ցուցմունք է տալու: Այս մասին «Իրավունքի» հետ զրույցում ասաց կապիտանի փաստաբան Հովսեփ Սարգսյանը.
-Թեեւ Եղիշե դեմքի եւ ձեռքերի 90 տոկոսը այրվածքների մեջ է, այնուամենայնիվ Եղիշե Հակոբյանը որոշել է ինքնակամ ցուցմունք տալ, նա տալու է բոլոր հարցերի պատասխանը: Իսկ,  մինչ այդ այսօր Եղիշեն նոր վիրահատության է ենթարկվելու:

Հիշեցնենք, ըստ մեղադրանքի Ե.Հ.-ն, Գեղարքունիքի մարզի Ազատ գյուղի 1-ին փողոցի 20-րդ տուն հասցեում տեղակայված` ՀՀ ՊՆ N զորամասի ինժեներասակրավորային վաշտի անձնակազմի համար նախատեսված կացարանում շահագործվող վառարանը վառելու նպատակով, օրվա հերթապահից ճշտելով այդ ստորաբաժանմանը հատկացված դիզելային վառելիքի և ավտոբենզինի գտնվելու վայրը, սեփական նախաձեռնությամբ, կացարանի հարակից տարածքում բացազատված ավտոհավաքակայանից վերցրել է տրանսպորտային միջոցների մեկնարկիչները գործի գցելու համար հատկացված՝ 5 լիտր տարողությամբ ավտոբենզինով լցված տասը հատ պլաստմասե տարաներից մեկը, վերադարձել է կացարան և վառարանը վառել ավտոբենզինով: Արդյունքում կացարանում բռնկվել է հրդեհ:

ԻԼՈՆԱ ԱԶԱՐՅԱՆ