Չկոտրվեցինք, այ հենց այդ չկոտրվելը ձեզ, մեզ չներեցին ու սկսեցին թուրքահպատակների բանակ դաստիարակել, հենց մեր քթի տակ. Գևորգ Գևորգյան

Թեմա 12 Փետրվար, 2023 23:45

Ձեզ խաբում են արդեն երկար տարիներ, իսկ 2018-ի ապրիլից, էլ ավելի ուժգին, խաբում են ասելով, որ դուք անզոր եք, անողնաշար ու խեղճ, ձեր տեղը կամ արևմուտքը պետք է որոշի, կամ հյուսիսը, անգամ թուրքը։

Պատկերացնու՞մ եք, ինչ են արել ձեր գիտակցության, ձեր կյանքի ու ձեր հավաքական ողնաշարի հետ։ Մի պահ մտածեք, խորը մտածեք, ողջամիտ մտածեք․․․

Մի՞թե դուք այդպիսին եք, դուք, որ ընդամենը 30 տարի առաջ աշխարհը շրջեցիք ազգային զարթոնքով, Հայրենիք ազատագրեցիք որսորդական հրացանով, ձեր պատիվն ու թասիբը պահեցիք, ու մինչ այսօր էլ հիշում ու հպարտանում եք, թե բա մութ ու ցուրտ տարիներին տեսաք ոնց դիմացանք, չկոտրվեցինք։

Հա, չկոտրվեցինք, այ հենց այդ չկոտրվելը ձեզ, մեզ չներեցին ու սկսեցին թուրքահպատակների բանակ դաստիարակել, հենց մեր քթի տակ, ու հինգ տարի առաջ զավթեցին իշխանությունը։ Ու մինչև հիմա լծված են ձեր, մեր Հայրենիքը հիմնահատակ ավիրելու գործին։

Հյուսիս, հարավ, արևելք, արևմուտքը մոռացեք, սրանց ձեռքը բռնողը, սրանց դատ ու դատաստան անողը այն հավաքական Հայն է լինելու, ով վստահ է, որ ինքը ողնաշար, թասիբ ու ուժ ունի, իր հող ու ջրի տերն հենց ինքն է, ուրիշ ոչ ոք, իր ընտանիքի պատիվը պահողն ինքն է, իր նիստ ու կացը որոշողն ինքն է, ու ինքը որբ չէ, որ գլուխը դեմ տա խուզողին։

Հայը կա, Հայն ապրելու ու լավ է ապրելու իր հնամենի հողում։

https://iravunk.com/sim/?p=248700&l=am/