ԱԺ-ում իշխանություն-ընդդիմություն «դաստիարակչական» աշխատանքներ են տարվում

ՔՊ-ական իշխանությունը ԱԺ «Հայաստան» խմբակցության ղեկավար Սեյրան Օհանյանին եւ նույն խմբակցության պատգամավոր Արմեն Չարչյանին անձեռնմխելիությունից զրկելու «օպերացիան» էլ «հորով-մորով» արեց: Եվ թվում էր` այսքանից հետո խորհրդարանական կրքերը պետք է ավելի թեժանային, սակայն ոչ միայն որեւէ արտառոց բան տեղի չունեցավ, այլեւ ընդդիմությունը մի շարք օրինագծերի անգամ դեմ չքվեարկեց, այլ մնաց ձեռնպահ: Իսկ ԱԺ նիստերի աշխատանքը շարունակվեց` մի կողմ թողնելով «խորհրդարանական ճգնաժամի» մասին հուշերը: Ընդդիմության այս «զինադադարից» շտապեց օգտվել նաեւ ԱԺ փոխնախագահ ՀԱԿՈԲ ԱՐՇԱԿՅԱՆԸ` ո՛չ ավել, ո՛չ պակաս թույլ չտալով, որ ամբիոնից ԱԺ «Հայաստան» խմբակցության քարտուղար ԱՐԾՎԻԿ ՄԻՆԱՍՅԱՆԸ քաղաքական գնահատականներ հնչեցնի իշխանության հասցեին:

«Թեեւ գայթակղությունը մեծ է` քաղաքական տգիտության, երեսպաշտության, անդաստիարակության մաստեր-կլասին պատասխանելու, բայց չեմ շեղվի այդ ուղղությամբ, մանավանդ, որ կարեւոր է հաստատել մեկ հանգամանք: Դա վերաբերում  է նրան…», - այսպես սկսեց իր ելույթը Ա. Մինասյանը, երբ Արշակյանը դասղեկի ինքնավստահությամբ` որոշեց նկատողություն անել, թե առաջարկում է վիրավորական տերմիններ չօգտագործել: Արծվիկ Մինասյանն էլ արդարացավ, որ անուններ չի տվել: Լեզվակռիվը շարունակվեց Արծվիկ Մինասյանի լավատեսությամբ, որ նիստը նախագահողներն այլեւս չեն միջամտի եւ չեն մեկնաբանի ընդդիմադիր պատգամավորների ելույթները»: Եվ կրկին «ճլթաց»  Հակոբ Արշակյանի ռեպլիկը. «Եթե կարիք չլինի, չեմ միջամտի»:

Այս վեճն ունեցան նաեւ երկրորդ «ռաունդը». եթե Հակոբ Արշակյանը նիստը նախագահողի աթոռին նստած առյուծ էր կտրում, ապա քիչ անց նրան մի կողմ հրավիրեց Արծվիկ Մինասյանը: Եվ այս անգամ արդեն Արշակյան Հակոբն էր ստիպված գլուխը կախ լսել` Արծվիկ Մինասյանի «դաստիարակչական» նկատառումները:

ՀՐԱՆՏ ՍԱՐԱՖՅԱՆ

Այս թեմայով ՆԳ նախարարի մամուլի քարտուղարն անդրադարձել է սոցցանցում տարածվող տեսանյութին ՎՏԲ-Հայաստան Բանկը կորպորատիվ հաճախորդներին առաջարկում է ազատ միջոցների կառավարման արդյունավետ լուծումներ Երբ տեղի կունենա Հայաստան-Իտալիա հանդիպումը Միքայել Մինասյանին հրավիրել են Գլխավոր դատախազություն Երուսաղեմի Սուրբ Հակոբ վանքի տարածքում միզելու փորձ կատարող իսրայելցի հրեա տղամարդ բռնվել է