Ոչ մի տրա­մա­բա­նա­կան հիմ­նա­վորու­մ չկա, թե ին­չու ա­զա­տե­ցին 2-րդ կոր­պու­սի գրե­թե ամ­բողջ հրամ­կազ­մին. Մանգասարյան

Ընդամենը 21 օր է անցել Գեղարքունիքի Ազատ համայնքում զինվորական կացարանում տեղի ունեցած ահասարսուռ դեպքից, ինչի հետեւանքով ողջակիզվեցին 15 զինվոր: Այս ընթացքում ամեն ինչ արվեց, որպեսզի տեղի ունեցածի վերաբերյալ համապարփակ վերլուծությունները մնան լուսանցքում` ամբողջ մեղքը բարդելով սպայական կազմի վրա: Սակայն, «Իրավունք TV»-ի տաղավարում «Հենակետ» վերլուծական կենտրոնի ղեկավար, ռազմական փորձագետ ՎԻՏԱԼԻ ՄԱՆԳԱՍԱՐՅԱՆԸ հիշեցրեց, թե ինչ տեղի ունեցավ ողբերգական դեպքից անմիջապես ժամեր անց:

— Տեղի ունեցածից երկու-երեք ժամ հետո կառավարության նիստի ժամանակ Նիկոլ Փաշինյանը պատկերավոր նկարագրեց կատարվածը, եւ անմիջապես որոշում կայացվեց հենց այդ նիստի ժամանակ, որ երկրորդ կորպուսի գրեթե ամբողջ հրամանատարական կազմը ազատվի իր զբաղեցրած պաշտոնից: Մինչդեռ այդ պահին հանգամանքների մասին շատ քիչ տեղեկատվություն կար: Դեպքի հետ առնչվող մարդիկ առնվազն այդ ժամանակ գտնվում էին շոկային վիճակում, կառուցել տեսակետ դրա հիման վրա եւ կայացնել այս կամ այն որոշումը, ուղղակի, մեղավորներ արագ գտնելու եւ դատապարտելու նպատակ էր հետապնդում: Հիմա տեւական ժամանակ է անցել, եւ նոր կարելի էր սթափ, առանց ավելորդ էմոցիաների գնահատականներ տալ, վերլուծություններ անել եւ ծառայողական քննություն անցկացնելուց հետո` նոր ավելի ադեկվատ որոշումներ կայացնել: Իսկ այս պահի դրությամբ` դեպքի հետ առնչվող ոչ մի պաշտոնական ադեկվատ տեղեկատվություն չենք ստանում: Միայն կան դաշտ նետվող տարբեր տեղեկություններ, մինչդեռ ժամանակն է ամբողջական պատկերը գնահատելու եւ փորձելու հնարավորինս մեղավորներին  իդենտիֆիկացնել: Բայց փաստացի հանրությանը հայտնի ոչ մի գործողություններ տեղի չեն ունենում: Ստացվում է` հերթական անգամ արագ եւ հանրության ինչ-որ շերտին ականջահաճո որոշումներ կայացվեցին, եւ ամբողջ սլաքներն ուղղեցին դեպի ոչ թե ռազմաքաղաքական ղեկավարության ուղղությամբ, այլ` սպայակազմի: Արդյունքում ռիսկային որոշում կայացվեց, եւ գրիչի մեկ հարվածով ազատեցին ամբողջ գրեթե բանակային կորպուսի հրամանատարական կազմին: Եվ այսօր ունենք մի իրավիճակ, որ նոր մարդկանց նշանակելուց հետո` տեւական ժամանակ է պետք, որպեսզի նրանք ինտեգրվեն, տիրապետեն իրավիճակին, ու նրանց ծառայության արդյունավետությունը գնալով մեծանա: Բայց արդյոք ունենք այդ ժամանակը, մի՞թե կարող ենք մեզ նման ճոխություն թույլ տալ` պատերազմից հետո ունեցած մեր փոքր ռազմական բաղադրիչով, եւ ազատել աշխատանքից այդքան սպաների` առանց հեռուն նայելու: Ընդ որում` առանց տրամաբանական պատճառներ բերելու: Համենայնդեպս, մինչ այս պահը ոչ մի տրամաբանական հիմնավորման ականատես չեմ եղել, թե ինչու այդպես վարվեցին:

ՀՐԱՆՏ ՍԱՐԱՖՅԱՆ

Այս թեմայով Ռուսաստանի հետ մեր հարաբերությունները անխուսափելիորեն փոխվելու են․ Փաշինյան 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Բելառուսը օգնում է Ռուսաստանին հարվածել Լեհաստանի հետ սահմանին. Ուկրաինացի ռազմական վերլուծաբաններ Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը