Հայաստանի Հանրապետական Կուսակցությունը հայտարարում է «Անդրանիկ Մարգարյան» քաղաքական դպրոցի հիմնական դասընթացի վեցերորդ հոսքի հավելյալ ընդունելության մասին

Պետության զարգացման և անվտանգության հիմքում կրթված և պատրաստված երիտասարդությունն է: Այս դժվարին շրջանում այն նոր մարտահրավերներին դիմագրավելու կարևոր գրավականներից մեկն է:

Դասընթացները տեղի են ունենալու Հայաստանի Հանրապետական կուսակցության կենտրոնական գրասենյակում (ՀՀ, ք.Երևան, Մելիք-Ադամյան 2)` շաբաթական երկու օր՝ 18.30-ից մինչև 21.00։

Դպրոցում ուսումնառության տևողությունն է 2 ամիս։ Դպրոցում ուսումնառությունը անվճար է։

Դպրոցի դիմորդների համար սահմանված են հետևյալ պարտադիր չափանիշները.

• Տարիքը՝ 18-ից 40 տարեկան

• Բարձրագույն կրթություն (ուսանող կամ շրջանավարտ)

• Հայաստանի Հանրապետական կուսակցության անդամություն, իսկ անկուսակցական կամ այլ կուսակցությունների անդամ դիմորդների համար՝ Հանրապետական կուսակցության անդամի գրավոր երաշխավորություն

Դպրոցի ունկնդիրների ընտրությունը կիրականացվի երեք փուլերով՝ դիմումների փաթեթի ուսումնասիրություն, գրավոր քննություն և հարցազրույց։

Դիմումի փաթեթը ներառում է.

• Դիմում-հայտ ( https://forms.gle/Ji8MY38FhYxGWfTi7 )

• Ինքնակենսագրություն (CV)

• անձնագրի էլեկտրոնային պատճեն

• կրթությունը հավաստող վկայականի էլեկտրոնային պատճեն (դիպլոմ կամ տեղեկանք բուհից)

• ՀՀԿ անդամատոմսի էլեկտրոնային պատճեն կամ կուսակցության անդամ հանդիսացող անձի գրավոր երաշխավորության և երաշխավորողի անդամատոմսի էլեկտրոնային պատճեն

• օտար լեզուների իմացությունը հավաստող վկայականների էլեկտրոնային պատճեններ (առկայության դեպքում)

• կրթական կամ հասարակական-քաղաքական այլ ձեռքբերումները հավաստող վկայականների էլեկտրոնային պատճեններ (առկայության դեպքում)

Անհրաժեշտ փաստաթղթերը ուղարկել schoolrpa@gmail.com էլեկտրոնային հասցեին (առցանց դիմում հայտը լրացնելուց հետո):

Թերի դիմում հայտերը ընդունելության հանձնաժողովի կողմից ՉԵՆ ԴԻՏԱՐԿՎԵԼՈՒ։

Դիմումների ընդունման վերջնաժամկետն է 2023 թվականի փետրվարի 15-ը:

Դասընթացը հաջողությամբ ավարտած ունկնդիրները կստանան համապատասխան հավաստագիր:

Լրացուցիչ տեղեկությունների համար կարող եք գրել էլեկտրոնային փոստի հասցեին: