Հիմա զինվորական համազգեստի փոփոխության մասին խոսելը, մեղմ ասած, թշնամական քայլի հերթական դրսեւորումն է. Աղեկյան

«Այլընտրանքային քաղաքապետարան» նախաձեռնության հիմնադիր, Երեւանի ավագանու նախկին անդամ ՍՈՆԱ ԱՂԵԿՅԱՆԻ գնահատմամբ՝ հայկական բանակի ակունքներից է գալիս հայ զինվորի համազգեստը, որը արժանապատվության, հպարտության, հաղթանակի զգացում է ներշնչել մեզ՝ որպես հայ շարքային քաղաքացի: Ավելին՝ սուրբ է հայ զինվորի համազգեստը:

— Այսօր, տարածաշրջանում երբեմնի ամենամարտունակ ու ամենահզոր բանակը, մեղմ ասած, խայտառակ վիճակում է հայտնվել: Ազերի զինվոր կոչեցյալ լամուկները, որ միշտ վախեցել են հայ զինվորից, հիմա ծաղրում են, ստորացնում ու նվաստացնում: Մեր օրերում, թվացյալ խաղաղության պայմաններում, ամեն օր դաժան մահով զինվոր ենք կորցնում: Հայոց բանակի 15 զինվորի ահասարսուռ սպանդը առիթ չհանդիսացավ անգամ՝ երկրում սուգ հայտարարելու համար: 44-օրյա պատերազմի օրերին անթույլատրելի զինատեսակներից սպանված զինվորականների շիրիմների մոտ պղծվում է նրանց հիշատակը, նրանց ծնողները անարգվում են: Եվ էլի բազում խնդիրներ, ու էս ամենի ֆոնին՝ Հայոց բանակի զինվորական համազգեստ է որոշվել փոխել: Հուսանք, որ ԼԳԲՏՔ գույների ու կլուբնիչկայի` ելակի վրա չի կանգնի ընտրությունը: Մեր հպարտությունը` Հայոց ամենազոր բանակը, մի դասալիք ստահակի ձեռքով քստմնելի ու նենգ թուրքը վերացնում է: Համամիտ եմ, թերեւս փոփոխությունների ու նորացումների կողմնակից եմ ինքս էլ, բայց եկեք չմոռանաք զատել կարեւորն ու անհրաժեշտը: Այսօր, երբ թշնամին զորավարժություններ է անում ու հզորացնում իր անվտանգությունն ու պաշտպանությունը, երբ զինվորը չունի զորամաս, այլ Հայրենիքին է ծառայում կացարանում, երբ զինվորը չունի լվացքատուն, չունի զուգարան, չունի ճաշարան, չունի զենք ու խրամատ, մարտական ոգին անկման փուլում է, համազգեստի մասին խոսելը, մեղմ ասած, թշնամական քայլի հերթական դրսեւորումն է:

ՀՐԱՆՏ ՍԱՐԱՖՅԱՆ

Այս թեմայով Հանրային հեռարձակողի խորհուրդը կուսումնասիրի Թաթա Սիմոնյանի համերգի հեռարձակման հանգամանքները Լավ, նամուս, թասիբ, ամո՞թ էլ չկա․ ԶԱՐՄԱՆՔ Թենեսիում 200 տարվա ընթացքում առաջին անգամ մահապատժի են ենթարկում կնոջ Այս օրով իմ համերգի ցուցադրումը համարում եմ արդարացում չունեցող կոպիտ սխալ․ Թաթան ներողություն է խնդրել 6 տարի առաջ այս օրը ընկան հազարավոր ՏՂԱՆԵՐ