ՔՊ-ականներին այս օրերին օգնության են հասնում նաեւ եհովականները. Գայանե Ներսիսյան

Հունվարի 28-ին Հայոց բանակի 31-րդ տարեդարձն էր: ՀՀ վաստակավոր արտիստ ԳԱՅԱՆԵ ՆԵՐՍԻՍՅԱՆԻ գնահատմամբ՝ այս օրը տարիներ շարունակ՝ մինչեւ 2018 թվականի հունվարի 28-ը, եղել է մեր ժողովրդի ուրախությունն ու հպարտությունը:

«Այն ժամանակ մեզ համար իրական տոն էր, քանի որ Հանրապետության հրապարակում այդ օրը հպարտորեն ներկա էինք գտնվում մեր հզոր բանակի հաղթարշավին: Ցավալիորեն 2018 թվականից սկսած՝ այս չարի իշխանությունը մտածված քանդեց մեր կայացրած բանակը՝ մտածված պարտության տանելով մեր Հայրենիքը», - ընդգծեց երգչուհին:

Անդրադառնալով Նիկոլ Փաշինյանի եւ մյուս ՔՊ-ական բարձրաստիճան պաշտոնյաների այցին Եռաբլուր՝ Գ. Ներսիսյանն ասաց. «Ի հեճուկս մեր ժողովրդի՝ այդ օրը ոստիկանների մեծ քանակի ուղեկցությամբ Եռաբլուր բարձրացավ վարչապետ կոչեցյալն իր խմբակով, նրանք մեծ խնամքով ուղղում էին մեր զոհված հերոսների պսակների ժապավենները… Ավարտվեց հերթական թատրոնը…Ի դեպ, միաժամանակ այդ խմբակի անդամներն անց են կացնում իրենց աշխատավայրում «հայրենասիրական» դասընթացներ աշակերտների հետ՝ նպատակ ունենալով նրանց ներքաշել ՔՊ-ական շարքերը: Ավելին՝ զարմանալի զուգադիպությամբ ՔՊ-ականներին այս օրերին օգնության են հասնում նաեւ եհովականները: Պարզվում է՝ եհովականները ցանկանում են մեր հպարտ քաղաքացիների քաղցված ստամոքսները լցնել Եհովայի մասին կարեւոր տեղեկություններով: Հա՛յ ժողովուրդ, ուշքի՛ արի»:

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ. «ԴՕԿ» կուսակցության շտաբի պետ, հայտնի փաստաբան Լեվոն Բաղդասարյանը բացառիկ հայտարարությամբ է հանդես եկել Այ քեզ խայտառակ արդարադատություն. ԶԱՐՄԱՆՔ Դիմելու եմ ոստիկանություն. Արմեն Էլբակյան Հայե՛ր, արդարացի ձայն բարձրացնենք՝  ի պաշտպանություն Վահագն Չախալյանի.  ՀՀ վաստակավոր արտիստ Իրենց էլ է շանտաժ անո՞ւմ, ի՞նչը կարող է դրդել սրբազաններին գնալ ու կանգնել նիկոլի կողքին. Գայանե Ասլամազյան