ՈՉՆՉԱՑՈՒՄ` ՀԱՆՈՒՆ ՔՊ-Ի ՓՐԿՈՒԹՅԱ՞Ն

Բո­լո­րը, ով­քեր հի­շո­ղու­թյու­նից իս­պառ զուրկ չեն, չեն մո­ռա­ցել, թե 2018-ին Նի­կոլն ինչ­պես էր հայ­տա­րա­րել. «Կա՛մ ես կլի­նեմ վար­չա­պետ, կա՛մ Հա­յաս­տա­նը վար­չա­պետ չի ու­նե­նա»: Սա­կայն նման է, որ հի­մա նա որ­դեգ­րել է «Կա՛մ ես կմնամ իշ­խա­նու­թյան, կա՛մ Հա­յաս­տան չի լի­նի» սկզբուն­քը: Ընդ ո­րում, «թուրք» բա­ռից չվի­րա­վոր­վող այդ ճի­վա­ղին լրիվ բա­վա­րա­րում է օ­կու­պա­ցի­ոն վար­չա­կար­գի գլխա­վոր մե­նե­ջե­րի կար­գա­վի­ճա­կը:

ՏԵ­ՂԵ­ԿԱՏ­ՎԱ­ԿԱՆ ՊԱ­ՏԵ­ՐԱԶՄ ԸՆԴ­ԴԵՄ ՀՀ ՔԱ­ՂԱ­ՔԱ­ՑՈՒ

Թվում է, թե խուն­տա­յի վի­ճա­կը կա­յուն է` ընդ­դի­մու­թյու­նը չի կա­րո­ղա­նում սրանց վռնդել, հան­րու­թյան մե­ծա­մաս­նու­թյու­նը թմբի­րի մեջ է, կա «երկաթ­բե­տո­նե» ընտ­րա­ժեխ, ո­րը պաշ­տում է կա­պի­տու­լյան­տին` ան­գամ ա­մեն ին­չից զրկված լի­նե­լու դեպ­քում, բայց... Բայց և՛ Նի­կո­լից, և՛ ՔՊ-ից ա­հա­վոր վա­խի հոտ է գա­լիս: Ա­ռանց հսկա­յա­կան թիկ­նա­զո­րի և դի­պու­կա­հար­նե­րի ոչ մի տեղ չի գնում, նույ­նիսկ ստեղծ­վում է հա­տուկ շտա­պօգ­նու­թյան ծա­ռա­յու­թյուն չի­նով­նիկ­նե­րի հա­մար, ո­րը են­թարկ­վում է ոչ թե Ա­ռող­ջա­պա­հու­թյան նա­խա­րա­րու­թյա­նը, այլ ՊՊԾ-ին` մի­աս­նա­կան է թիկ­նա­զո­րի հետ: Խուն­տա­յի կարկա­ռուն դեմ­քերն էլ սկսել են հրա­ժա­րա­կան տալ` ձգտե­լով «դա­սա­վոր­վել» դես­պան ո­րև­է ա­պա­հով երկ­րում, և տպա­վո­րու­թյուն է, որ ձգտում են «իքս» ժա­մը դի­մա­վո­րել օ­տար ա­փե­րում` դի­վա­նա­գի­տա­կան ան­ձեռնմ­խե­լի­ու­թյամբ օժտ­ված:

Այդ ի՞նչ «իքս» ժա­մի են սպա­սում սրանք: Ինչ-որ բա՞ն գի­տեն, ո­րը հայտ­նի չէ հա­սա­րակ քա­ղա­քա­ցի­նե­րին: Աշ­խար­հի հզոր­նե­րի՞ն են զայ­րաց­րել ի­րենց չկա­տա­րած խոս­տում­նե­րով... Սա­կայն փաս­տը մնում է փաստ, որ սրանք ՀՀ քա­ղա­քա­ցի­նե­րի դեմ մղում են իս­կա­կան տե­ղե­կատ­վա­կան-հո­գե­բա­նա­կան պա­տե­րազմ: Ո­րի գոր­ծի­քա­կազ­մը գնա­լով ընդ­լայն­վում է: Ինչ­պես 15 զին­ծա­ռա­յող­նե­րի ողջ-ողջ այր­վե­լու գոր­ծի հան­գա­մանք­նե­րի առն­չու­թյամբ նկա­տել է ՀՀԿ ԳՄ ան­դամ Ար­տակ Զա­քա­րյա­նը. «Սեն­սա­ցի­ա-մա­նի­պու­լյա­ցի­ա-դեգ­րա­դա­ցի­ա բա­նա­ձև­ով բա­նակն էլ դարձ­րին «Հայ­կա­կան ժա­մա­նակ» թեր­թի մա­կար­դա­կի օ­բյեկտ: Նի­կո­լի կող­մից հրա­պա­րակ նետ­ված` հիմ­նա­կա­նում կեղծ սեն­սի­ա­ցի­ա­նե­րով ու մա­նի­պու­լյա­ցի­ա­նե­րով դեգ­րա­դաց­ված բա­նակն օր օրի վե­րած­վում է Նի­կո­լի չա­րի­քի իշ­խա­նու­թյու­նը պա­հե­լու ման­րադ­րա­մի»: Ա. Զա­քա­րյա­նը հար­ցադ­րում է` որ­տե՞ղ և ի՞նչ կար­գա­վի­ճա­կում են հի­մա գտնվում Սուր­մա­լո­ւի տո­նա­վա­ճա­ռի պայ­թյու­նի և զո­հե­րի պատ­ճառ դար­ձած ան­ձինք: Մե­ռա՞վ գոր­ծի սեն­սա­ցի­ան: Ի՞նչ վի­ճա­կում են Նի­կո­լից բա­ցի, բա­նա­կում հայտ­նա­բեր­ված այլ դա­վա­ճա­նու­թյան դեպ­քե­րի գոր­ծե­րը և դրանց ըն­թաց­քը: Ի դեպ, «այլ դա­վա­ճա­նու­թյան» թարմ դեպք` Ա­ԱԾ-ի բա­ցա­հայ­տու­մը, թե ինչ­պես ոմն սպա թշնա­մուն ծա­խում էր տե­ղե­կատ­վու­թյուն, այդ թվում` Հնդկաս­տա­նի ար­տադ­րու­թյան սպա­ռա­զի­նու­թյան մա­սին: Վեր­ջերս շատ է խոս­վում հնդկա­կան զեն­քի մա­սին, ին­քը Նի­կո­լը ոչ օգ­տա­կար է հռչա­կել դրա մա­սին բարձ­րա­ձայ­նե­լը, բայց... Ա­ԱԾ-ն հա­տուկ ցցում է հենց հնդկա­կան սպա­ռա­զի­նու­թյու­նը: Բազ­մա­շերտ մա­նի­պու­լյա­ցի­ա` նա­և Հնդկաս­տա­նի՞ն խրտնաց­նե­լու պա­հե­րով:

Ար­տակ Զա­քա­րյա­նը նա­և կան­խա­տե­սում է մո­տա­լուտ ռեպ­րե­սի­ա­նե­րը. «Սեն­սա­ցի­ա-մա­նի­պու­լյա­ցի­ա-դեգ­րա­դա­ցի­ա: Սեն­սա­ցի­ան հո­րի­նում են նի­կո­լա­կան խուն­տա­յի ներ­կա­յա­ցու­ցիչ­նե­րը: Մա­նի­պու­լյա­ցի­ան ի­րա­կա­նաց­նում են «Հայ­կա­կան ժա­մա­նակ»-ի վե­րած­ված պե­տա­կան, հան­րա­յին և իշ­խա­նա-սո­րո­սա­կան բո­լոր ԶԼՄ-նե­րը: Դե իսկ դեգ­րա­դաց­վե­լը` պե­տա­կան հա­մա­կար­գի և ամ­բողջ հան­րու­թյան գործն է: Բո­լոր նրանք, ով­քեր հաս­կա­նում են ա­մեն բան, պայ­քա­րում են սրանց դեմ և չեն ցան­կա­նում դեգ­րա­դաց­վել` վա­ղը հայ­տա­րար­վե­լու են օ­րեն­քից դուրս և լա­վա­գույն դեպ­քում` վտար­վե­լու են երկ­րից»: Լա­վա­գույն դեպ­քում վտար­վե­լու են... Այ­սինքն սպա­սենք նա­և ա­ռանց դա­տի մա­հա­պա­տիժ­նե­րի՞: Սրան­ցից հե­ռու չէ և սպա­սե­լի: Կար­ծում ենք` տրա­մա­բա­նա­կան է և Զա­քա­րյա­նի եզ­րա­կա­ցու­թյու­նը. «Նի­կո­լին օդ ու ջրի պես պետք է դեգ­րա­դաց­ված և պա­րա­լի­զաց­ված հա­սա­րա­կու­թյուն ու բա­նակ: Այ­լա­պես` նա և իր իշ­խա­նու­թյու­նը եր­կար կյանք ու­նե­նալ չի կա­րող»:

ՇՈՒՆ ՈՒ ԳԵ­ԼԱ­ՓԻ ԲԱ­ԺԻՆ

Եվ ա­հա GAL­LUP In­ter­na­ti­o­nal As­so­ci­a­ti­on»-ի Հա­յաս­տա­նում լի­ի­րավ ան­դամ Էմ Փի ՋԻ ՍՊԸ տնօ­րեն Ա­րամ Նա­վա­սար­դյա­նը լրագ­րող­նե­րի հետ ամ­փո­փել է հեր­թա­կան հե­տա­զո­տու­թյու­նը: Ու­շագ­րավ են և սեն­սա­ցի­ոն Ար­ցա­խի բնակ­չու­թյան կար­գա­վի­ճա­կի մա­սին հարց­ման պա­տաս­խան­նե­րը. ՀՀ բնակ­չու­թյան 97,4 տո­կո­սը հա­մոզ­ված է՝ Ար­ցա­խի ժո­ղո­վուր­դը չի կա­րող ու­նե­նալ Ադր­բե­ջա­նի կազ­մում ազ­գա­յին փոք­րա­մաս­նու­թյան կար­գա­վի­ճակ:

Այ­սինքն 97,4 տո­կո­սը մեր­ժում են կա­պի­տու­լյանտ­նե­րի «խա­ղա­ղու­թյան օ­րա­կարգ» կո­չե­ցյա­լը և Ար­ցա­խի հանձ­նումն Ադր­բե­ջա­նին: Ի դեպ, այս ցու­ցա­նի­շը նա­և լրջա­գույն կաս­կա­ծի տակ է դնում 2021-ի ընտ­րու­թյուն­նե­րի ար­դյունք­նե­րը և ՔՊ-ի կա­պի­տու­լյան­տիզ­մի օգ­տին 688 հա­զար քվե­ար­կող­նե­րի առ­կա­յու­թյու­նը: Ակն­հայտ է, որ կա­պի­տու­լյա­ցի­ա­յից հե­տո ակն­հայտ պե­տա­կան դա­վա­ճան­նե­րին քվե տվող­նե­րը չէ­ին կա­րող «ուղղվել» կամ փոշ­մա­նել ան­ցած մե­կու­կես տար­վա ըն­թաց­քում, դա տե­սա­կի` չհայ, «ԴՆԹ մա­կար­դա­կի» տե­սա­կի հարց է, հե­տև­ա­բար տրա­մա­բա­նա­կան է են­թադ­րել, որ 2021-ին տե­ղի է ու­նե­ցել ՀՀ պատ­մու­թյան ա­մե­նա­մասշ­տա­բա­յին ընտ­րա­կեղ­ծա­րա­րու­թյու­նը, և ՔՊ-ն ընտ­րակեղ­ծի­քի հան­ցա­գոր­ծու­թյան մի­ջո­ցով կրկին վե­րա­զավ­թել է իշ­խա­նու­թյու­նը:

Սա­կայն ա­մե­նա­ու­շագ­րա­վը խուն­տա­յի վար­կա­նի­շի պատ­մա­կան մի­նի­մու­մը` ըն­դա­մե­նը 9,5 տո­կոս: Այ­սինքն, պատ­կե­րա­վոր ա­սած, սրանք լրիվ շուն ու Գե­լա­փի բա­ժին են դար­ձել: Եվ սրանց թե­րևս փրկել է մի­այն քա­ղա­քա­ցի­նե­րի դժգո­հու­թյունն ընդ­դի­մու­թյու­նից, ո­րը մինչ օրս չի կա­րո­ղա­ցել վռնդել այս ոճ­րախմ­բին:

Ըստ ա­մե­նայ­նի, հան­րու­թյունն ընդ­դի­մու­թյու­նից պա­հան­ջում է ներ­քին տա­րա­ձայ­նու­թյուն­նե­րի հաղ­թա­հա­րում և հա­մա­կարգ­ված հան­դես գա­լու վճռա­կա­նու­թյուն: Ի դեպ, պատ­գա­մա­վոր, ռազ­մա­կան փոր­ձա­գետ Տիգ­րան Աբ­րա­հա­մյանն էլ, ով ու­շա­դիր հետ­ևում է Ար­ցա­խի զար­կե­րա­կին, նշում է, որ ար­ցախ­ցի­նե­րը նեղ­վում են ոչ այն­քան շրջա­փակ­ման բե­րած զրկանք­նե­րից, որ­քան Ար­ցա­խի նե­րիշ­խա­նա­կան ինտ­րիգ­նե­րից: Նույ­նը թե­րևս տրա­մա­բա­նա­կան է և Հա­յաս­տա­նի Հան­րա­պե­տու­թյան պա­րա­գա­յում, պար­զա­պես վի­ճա­կը սի­մետ­րիկ է` այն, ինչ ար­ցախ­ցիք պա­հան­ջում են այն­տե­ղի իշ­խա­նու­թյու­նից, ՀՀ-ում քա­ղա­քա­ցի­նե­րը պա­հան­ջում են այս­տե­ղի ընդ­դի­մու­թյու­նից:

Ա­մե­նա­խիստ քննա­դա­տու­թյա­նը ընդ­դի­մու­թյան թե­րա­ցում­նե­րը են­թար­կում է ռազ­մա­կան փոր­ձա­գետ Կա­րեն Վրթա­նե­սյա­նը. «Եթե նույ­նիսկ հաս­կա­ցել ենք, թե ինչ հա­մա­կար­գե­րով և ինչ սխե­մա­նե­րով են մարդ­կանց հա­նել փո­ղոց 2018-ին, ա­պա ա­ռա­վել ևս Ա­ՆԻ­ՄԱՍՏ ու ՎՆԱ­ՍԱ­ԿԱՐ է մարդ­կանց ա­նընդ­հատ ե­րե­սով տա­լը, թե. «Ոնց Նի­կո­լին բե­րել եք, էդ­պես էլ հա­նեք»: Մի շատ պարզ պատ­ճա­ռով. ո­րև­է հա­կա­նի­կո­լա­կան ուժ այ­սօր չու­նի և չի էլ փոր­ձում ստեղ­ծել այն­պի­սի հա­մա­կարգ, ո­րը կա­րող է ա­զա­տագ­րել Հա­յաս­տա­նը Նի­կո­լի ռե­ժի­մից: Ա­նի­մաստ է մարդ­կանց մե­ղադ­րելն ան­տար­բե­րու­թյան մեջ, ե­թե չու­նես այն են­թա­կա­ռուց­վածք­նե­րը, այն ա­սե­լի­քը, ա­պա­գա­յի այն գա­ղա­փա­րը, ո­րոնք պետք է այդ մարդ­կանց մո­բի­լի­զաց­նեն, ոտ­քի հա­նեն»:

Հա­նուն ար­դա­րու­թյան նկա­տենք, որ ՀՀԿ-ն հե­տև­ո­ղա­կա­նո­րեն փոր­ձում է ստեղ­ծել ա­զա­տագ­րա­կան հա­մա­կարգ, ձև­ա­վո­րում է ցան­ցա­յին կա­ռույց­ներ, զբաղ­վում է ե­րի­տա­սարդ կադ­րե­րի պատ­րաս­տու­մով և քաղ­տեխ­նո­լո­գի­ա­կան կրթու­թյամբ: Այդ պատ­ճա­ռով խուն­տան ա­տում է հատ­կա­պես Սերժ Սարգ­սյա­նի թի­մին: Սա­կայն մի­այն ՀՀԿ-ի ռե­սուր­սը բա­վա­կան չէ: Ցան­ցայն բնույթ պատ­մա­կա­նո­րեն ու­նի և ՀՅԴ-ն, ին­չին խուն­տան պա­տաս­խա­նում է սփյուռ­քի դաշ­նակ­ցա­կան­նե­րի մուտ­քի ար­գելք­նե­րով և հի­րա­վի բոլ­շև­ի­կյան հա­կա­դաշ­նակ­ցա­կան մո­լուց­քով: Իսկ ինչ վե­րա­բե­րում է, օ­րի­նակ, ԱԺԲ-ին, ա­պա այդ ուժն ընդ­դի­մա­դիր է ոչ թե Նի­կո­լի ոճ­րախմ­բին, այլ Հա­յաս­տա­նում ռու­սա­կան ռազ­մա­քա­ղա­քա­կան ներ­կա­յու­թյա­նը, ու այդ ա­ռու­մով պի­տա­նի չէ ըն­դա­նուր հա­կա­նի­կո­լա­կան ճա­կա­տի մաս կազ­մե­լուն:

Իսկ մնա­ցյալն ու­նեն և՛ նե­րուժ, և՛ ռե­սուրս, ուս­տի խուն­տա­յի վախն ան­հիմն չէ, և պա­տա­կան չէ, որ ՔՊ-ում ծնվել է Ե­րև­ա­նի ա­վա­գա­նու ընտ­րու­թյուն­ներն ար­տա­հերթ` մա­յի­սին անց­կաց­նե­լու գա­ղա­փա­րը: Զի ա­ռա­վե­լա­գույնս սրանք վա­խե­նում են հենց ընդ­դի­մա­դիր Ե­րև­ա­նից:

ՀՈՎ­ՀԱՆ­ՆԵՍ ԳԱ­ԼԱ­ՋՅԱՆ